عندك حق...تسد في المشاوير و السفر اكتر من العربيات الصغيرة
هو توكيل بيجو اتغير؟ امتي؟؟
http://www.contactcars.com/NewCars_Profile.asp?EngineID=2195
و ديه التوكيل نزل سعرها ل120 الف
و برده كعربيات زيرو فى رنج ال120 الف
ContactCars | Hyundai هيونداى - Elantra الانترا - 1.6 F/O A/T S/R High Line - 118,500 - 2010
ContactCars | Kia كيا - Cerato سيراتو - 1.6 SX F/O A/T S/R High Line - 125,900 - 2010
ContactCars | Chevrolet شيفروليه - Cruze كروز - 1.6 F/O A/T - 130,900 - 2010
و لو حضرتك عايز عربية اعتمادية ممكن اوكتافيا a5 يوزد
شكرا علي المشاركة..بس انا عايز عربية صغيرة صناعة اوروبي او ياباني تكون عربية ثانية جنب بي ام 316 و يكون فيها ميزة مش موجودة في البي ام و هي صغر الحجم و في نفس الوقت تتوفر فيها عوامل الثبات و القوة و الامان بالمواصفات الاوروبية و هذا لا يتوفر في السيراتو ولا الانترا ولا الكروز...الانسر سيارة جيدة لكن كبيرة...تصلح اكثر لان تكون سيارة اساسية و ليست سيارة ثانية
شكرا علي المشاركة...انا ماكنتش اعرف ان في جراند بونتو فيها الكماليات دي كلها...البيجو اللي انا باتكلم عليها بيزلاين لكن كده الفيات فيها كماليات جامدة و السعر مش عالي قوي...عندك فكرة اشوف فين معلومات اكتر عن الفئة اللي بتتكلم عليها...فيات مالهاش موقع مصري علي الانترنت
على حد علمي يا باشا... الجراند بونتو الفئه اللي بـ125,000 جنيه دي مانيوال و موتور تيربو
لكن اللي موتورها عادي 1400, 94 حصان, هي اللي اوتوماتيك, و دي بــ110,000 جينه
انت تقصد التيربو المانيوال, و لا الأوتوماتيك..؟؟؟ لأن في فرق بينهم في الموتور و الجيربوكس و التجهيزات
رأي يا باشا.... جراند بونتو لأنها هتكون اختيار متزن بين الأداء و الكماليات و التوكيل
البيجو و الميجان يعتبروا Base Line, يبقى الجراند بونتو رقم 1, لأن كمالياتها اكتر, هتستمتع بيها
و لو رتبناهم صح... هيبقى الترتيب المنطقي من وجهة نظري...
1- فيات جراند بونتو (( خصوصاً لو التيربو, مانيوال, بتجهيزاتها المتميزه ))
2- رينو ميجان
3- بيجو 207
قارن بين كماليات الميجان, و الفئه اللي انت عايزها في الجراند بونتو, و هتوصل لقرار
و ربنا يوفقك للخير ان شاء الله...
انا مش فارق معايا قوي مانيوال او اوتوماتيك...انا و زوجتي متعودين علي المانيوال..يعني لو فيات مانيوال بس فيها امكانيات اكتر يبقي كويس...بس اشوف معلومات اكتر فين؟؟ فيات ملهاش موقع مصري و طبعا المواقع الاصلية بتوريك عربيات غير اللي بتنزل مصر....هي فعلا التيربو سقف بانوراما؟؟ تبقي حلوة قوي لو بالسعر ده...خصوصا ان البي ام 316 كمالياتها هتكون قليلة و مفيهاش فتحة سقف...يعني لو العربية الثانية فيها شوية كماليات مش موجودة في العربية الاصلية يبقي حلو قوي...
انا هادخل قسم الفيات و احاول اعرف اكتر...و الف شكر علي مشاركتكم
ملحوظة: البيجو 207 واخدة تصويت واحد بس (انا اللي عملته) من 15 تصويت!!!!
للدرجة دي بيجو مالهاش شعبية؟!!!!
على فكرة البونتو نزلت ل116 الف ونص وانا افضلها هى او البيجو
باشا التيربو مفيش فيها بانوراما بس انت ممكن تطلبها وتجيلك الموديل اللى فى بانوراما عادى مش تيربو ب112 الف
اتفضل ده موقع fiat Fiat.co.uk | Fiat.co.uk الجزء الخاص بpunto وعايز تقريبا هيا نفس المواصفات لان نفس العربية بتخرج من مصانعfiatفى تورينو -ايطاليا لجميع دول العالم بما فيهم مصر و انا شايف ان ديه ميزه كبيره ان العربية بالكامل تقفيل بلدها
عايز اعرف رينو ميجان بيجو 207 تقفيل
بلدهم بردو ؟
ده لنك الموفع لجميع سيارات fiat Fiat.co.uk | Fiat.co.uk