انا بصراحه بتجنب ادخل مناقشات زى دى علشان دايما بيحصل مشاكل فى الأخر ,,, عموما انا ليا وجهه نظر و ارجو عدم التعصب .
التعليقات بتاعتكم من ناحيه (الله اكبر) و من هذا القبيل مستفزه شويه بالرغم انى مسلم موحد و الحمد لله بس مش هو ده الأسلام ... مش بالتهليل و بالضرب و بالصوت العالى ..... ازاى ؟ اقولكم واحد زى ده عمره ما عرف او سمع عن الأسلام و كل اللى بيسمعه ان الناس دى ارهابيه و وحشه و متخلفين و و و ,,,, يبقى الغلط من عندنا احنا اللى مش عارفين نوصله ان الأسلام ده دين سماحه و خلق و رحمه .... لكن لما تضربه و تموت عياله هايعترف بأنك كويس ؟؟؟ لأ طبعا , هايقول انا فعلا كنت غلطان ؟؟ لأ طبعا و هايزيد فى مكابرته و عنده و هايزيد فى عدم احترامه للدين الأسلامى .... مش كده برده ؟؟؟
احنا ليه كمسلمين واخدين الأمور عافيه ؟ ليه دايما التعصب و التشدد فى الردود ؟؟
بقى انك تاخده و تفهمه و تعرفه الدين الأسلامى و حقيقته وللا تضربه ؟؟
اعتبر نفسك انت لما تغلط تحب حد يضربك ؟؟ وللا يفهمك الصح ؟؟ انيه احسن ؟
يا جماعه احنا كمسلمين مش عارفين دينا صح , ازاى عايزين توصلوه للناس اللى بتكره الدين ده اساسا ؟؟؟ لازم نتعلم الدين صح و نفذه علينا صح و نعمل بيه و لما الغريب يشوف اننا ملتزمين بالصح و الكويس و الحلو يبقى هو لوحده هايجرى وراك علشان يعرف كل حاجه عنك و عن دينك ...... لكن احنا بقت حياتنا كلها كدب و نفاق و بالدراع و بالشتيمه و بالأقوى و مافيش امانه فى المعاملات و لللا فيه تربيه و بالتعصب يبقى ازاى عايز الناس دى تحترمنا و تقف جنبنا مش ضدنا ؟؟؟؟؟

ليه ماخدوش و افهمه الدين صح ؟؟؟ ليه اضربه ... ما هو كده انا بقيت ارهابى و بقيت و بقيت .......
هاتقلى ما انا مش هاعرف اخده افهمه ؟؟ هاقولك يبقى سيبه للى خلقه هو له شأن التصرف فيه ....
حط نفسك مكانه و انك عايش عيشته و اتخلقت لقيت نفسك كده مالكش دين وللا مله ... كنت هاتعمل ايه ؟ ماتقوليش كنت هادور على الدين الحق لأن اللى بيدور ده يبقى ربنا رايدله انه يدور على الحق .... بس فى الأخر كلنا بنى ادميين و من طين و اولاد حوا و ادم .
انا مش عارف كلامى هايضايق مين بس انا متأسف فى الرد ده لأننا بقينا عايشين فى غابه كل واحد مش عاجبه رزقه و عاجبه عقله .
و ربنا يستر علينا عليكم ان شاء الله .