كلامك منطقي جدا وتقريبا هو افضل رأي لقيته فعلا .
بي انت نفسك قولت {لو تعرف تعمل فى بلدك مش مهم تحوش بس تعيش حتى بالحد الادنى افضل}
طيب لو ما تعرفش تعمل حاجة في بلدك الا انك تشيل نصاريفك الفردية فقط ؟ تعمل ايه ؟
عرض للطباعة
عبيد ازاي بس يا سيدي ؟
والله معاملة المجرم هناك في السجن واللي مخالف قوانين البلد او مرتكب جريمة جنائية أحسن من معاملة دكتور الجامعة عندنا .
ومعلش احنا مش هنروح نشتغل لهم ملمعاتية جزم ولو انها مهنة شريفة ، ولكن احنا مننا المهندس ومننا الطبيب ومننا المرس وكل دي وظايف هم المستفيد الاول منها .
ما تبصشش ل 10000 ولا مية ألف بتقبضهم برا على انها مقابل عبوديتك ليهم لا ده هما ادولك المية ألف دول لانهم خدوا منك فايدة تساوي المبلغ ده واكتر بكتييييييير .
ولكن مؤخرا فعلا الاجيال الجديدة واللي مش فاهمة منهم نظرتهم لينا كمصريين على اننا جايين ننهب خير بلدهم وناخد فلوسهم وعارفين ظروف بلدنا وعارفين ان الدكتور البشري عندنا مرتبه بتاع 500 جنيه فبيقولوك ده جاي هنا علشان يلم شوية فلوس ويهملو تماما اللي همي بيستفيدو من علمك وخبراتك وعرق جبينك ؟
النصيحة دي مهمة جدا للخلاص خد القرار وحسم الموضوع وقال انا هسافر
اوعى واحذر وخد بالك وحاسب و . . . . . . . . من كل الشركات العمالة والسياحة 90% من الشركات دي نصابة او هامش ربحهم مبالغ فيه بطريقة جنونية ،
انا بعد ما كان معايا اقامة و بروح واجي براحتي حصلتلي ظروف والاقامة اتلغت حبيت ارجع تاني بتأشيرة زيارة فرحت لفيت على شركات السياحة لقيتهم بيقولولي 6000 و7000 التاشيرة بس ده غير التذكرة مع ان تكلفة التأشيرة في البلد اللي انا رايحها كانت حوالي 300 جنيه وانا متاكد انا عملتها لناس هناك لما كان عندي اقامة ؟!!!!!!!!!!
وكنت بشوف ناس مصريين هناك دفعو حوالي 10000 علشان يسافر بتأشيرة زيارة بس واللي بعها لو فهمو انه مجرد ما هيوصل هناك هيلاقي الشغل على باب المطار وبمرتب ما يقلش عن 5000 وانه في خلال كام شهر مرتبه هيوصل 20000 و 30000 وبعد ما يروح ويشوف الحقيقة بنفسه يكتشف انه تعرض لنصب واحتيال لكن فات الاوان وهو خلاص بقا هناك ومطالب بانه يجيب تكاليف السفرية دي على الاقل وبعد كدا يرجع بلده او يرجع ويستعوض ربنا في الفلوس اللي خسرها .
معلشس موضوع الزواج من اجنبية فقط للحصول على جنسية اجنبية ده موضوع من وجهة نظري الشخصية مش ظريف خالص ، واسمحلي احنا اه مش طايقين العيشة في مصر لكن ده لظروف مادية - عندي أمل انها تتحسن قريب -
لكن تسيب بلدك واهلك وناسك علشان شوية فلوس .
انا بيتهيقلي ان كل فرد فينا عليه ولو جزء بسيط من المسؤولية اتجاه بلده ودينه وربنا هيحاسبه عليه ولازم يسعى لتنظيفها وتقدمها وازدهارها مش يسيبها خالص ويعمل الحيل والبدع في سبيل كده .
انا أحترم وجهة نظرك ولكن دي وجهة نظري وانت صاحب القرار
شاركونا يا جماعة عايزين نغطي الموضوع دراسة وجمع اراء على اساس ان الواحد مننا يقدر يختار القرار الاصوب .
موضوع الجنسية مش بالسهولة دي خالص وكل بلد وليها قوانينها في بلاد بتلزمك انك تقعد فيها 5 سنين من غير ما تطلع منها عشان تاخد الجنسية او بيكون ليك كل سنة عدد ايام معينة تسافر فيها وترجع تاني
وفي دول بتفرض عليك انك تتنازل عن الجنسية المصرية
وخلي بالك الاجانب مش ساهلين ومافتكرش ان في واحدة هتوافق علي موضوع جواز الورق ده وحتي لو وافقت فانت هتدفع كتيرررررررر :b4_556:
من الأخر اللي عندة فرصة السفر لبلد بتحترم أدميتة و فيها قانون و نظام و مفيش فيها كفيل و الكلام الفارغ دة
بنصحة انة يسافر حتي لو راتبة متساوي مع راتبة في مصر
بلدنا للأسف بقت وحشة قوي علي كل المستويات و تحولنا فيها إلي لاجئين نعامل معاملة القرون الوسطي
و يا ريت ياخد عيالة معاه يمكن ربنا يكرمة و يعلمهم تعليم محترم
يابني روح ذاكر الله يكرمك
مش كفايه التجارب اياها بتاعت الفيزيا
ده انا كنت هعيط عليك و الله لأني عارفها و فاكرها من ساعه ما خدتها من اكتر من 7 سنين
ياللا روح ذاكر علشان تخلص علي خير و تيجي المقابله و ننبسط
=======================================
و بالنسبه لباقي المشاركين
اديني اهو دكتور اسنان
و بعتبر نفسي الحمد لله عندي علم و ممارسه كويسين
مرتب وزاره الصحه 300 و حاجه
خيبه ايه دي
و حاولت ادور علي شغل في مستشفيات وزارات اخري من اللي بيدو مرتبات كويسه و معقوله و بيوفرو ظروف شغل تخليك تشتغل دكتور اسنان بجد مش القنابل الصامته المسماه عيادات وزاره الصحه!!!
مطلوب واسطه او مجموعه من الوسايط معادتش متوفره للاسف
بشتغل في عيادتين في اماكن مختلفه
و اللي جي يدوبك علي قد مصاريفي الشخصيه
و مش بانتظام
بحضر ماجستير و قلت اخلص و احاول اشتغل بيه في مكان محترم او اسافر
و ادي الدكاتره في الكليه و نتيجه خلافات شخصيه بينهم و بين بعض الماجستير و سنتين من عمري و مجهود كبير فيه علي كف عفريت!!!
و غالبا هسيبه و ابدء في واحد تاني!!!!
هل معامله زي دي جوه بلدي و اتمسك بيها برضو؟!!!
ارض الله واسعه يا جماعه
و كل مكان فيه الكويس و فيه الوحش
بس لما الوحاشه تبقي اكتر بكتير
يبقي اللي فاضل ايه
تنزل الشارع تلاقي الطريق زحمه و شوارع مكسره و وسائل مواصلات غير ادميه
تركب تاكسي تلاقي السواق بينصب عليك
اسعار مواد غذائيه في ارتفاع مستمر
تتعامل مع صنايعي تلاقيه بيغلي الاسعار عليك و ياريت شغله يفضل كويس
تدور علي شقه تلاقي اسعار فلكيه مقارنه بالاجور
تحمد ربنا علي نعمه عليك و تستني غد افضل لكنه مش بيقرب ده بيبعد
تفكر في جواز
تلاقي ان اللي معاك مش هيكفي متطلبات الجواز من عفش و فرش و تجهيز
غير الفرح و الشبكه و مهر و باقي الحاجات
تعدي التفكير في الخطوات الاولي من الموضوع ده
و تسئل نفسك السؤال الصعب
طب بعد الجواز
هل كل يوم هتقدر تأكل الانسانه اللي معاك دي؟
هل هتقدر تلبسها و تجيبلها متطلباتها؟
هل لما ربنا يرزقك بالاطفال هتقدر علي مصاريف المدارس و الالوف المؤلفه بتاعتها في اولي حضانه!!!!
لا حول ولا قوه الا بالله
ايه العمل بقي؟
نقعد في البلد و نكمل الواقع الاليم ده لحد ما نموت؟
ولا نسافر و نحاول نغرس نفسنا في ارض جديده و ننبت هناك
مستني المناقشات
انا الموضوع مش فى دماغى انا بس كنت عاوز اعرف الاجابات ...وعرفتها منكم الحمد لله
والاخ الى بيقول تجارب فيزياء دة ...هاخلية يشرحهالى الترم الجاى هههههههههههههههه