ايه رأيكو يا جماعة في فكرة السفر للعمل خارج مصر
او بطريقة تانية امتى تقرر تسيب بلدك وتسافر
او ايه الاسباب اللي تخليك تسافر ؟
عرض للطباعة
ايه رأيكو يا جماعة في فكرة السفر للعمل خارج مصر
او بطريقة تانية امتى تقرر تسيب بلدك وتسافر
او ايه الاسباب اللي تخليك تسافر ؟
بصراحة انت فتحت موضوع بيدور في دماغ كل واحد فينا واللي لسه متخرج ومخنوق من كل حاجة واللي مش عاجبه ظروف البلد ولا الظروف المعيشية اللي فيها
عايز بقي اسال الاعضاء اللي سافروا.........ايه رايك في السفر عموما........يعني لو سافرت بلد عربي ممكن تشتغل بشهادتك.......لكن لو بلد اجنبي مش هاتشتغل بشهادتك ده غير الصعوبات اللي هاتواجهها.......ياريت فعلا نتنتقش في الموضوع
شكرا على سرعة الرد والتفاعل مع الموضوع يا أ. كريم
وعايز أعرف أراء جميع الاعضاء
اه قولوا بسرعه عشان عاوز اقرر اسافر ولا اقعد
اعتقد موضوع السفر كبير و معقد جداً ، مثلاً هتسافر فين و بكام و امكانيات حضرتك ايه يعنى انا كنت بشتغل فى السعوديه و الهنود و البنجال بيأخدوا مكان المصريين هناك بأكتساح .
كمان انت تقدر تستحمل الغربه و لا لأ و اعتقد دى اهم حاجه. بصراحه انا لم اتحمل الغربة بكل مميزتها و اهمها انك بتشعر بآدميتك و اللى مسافر هيعرف معنى كلامى كويس جداً .:120146b
بصه انا هكلمكم عن حد قريب جدا منى وهو جوز اختي_ هو مهندس باور قعد 10سنين يدور ع شغل في كل الشركات عشان يشتغل في تخصصه_ وطبعا ملقاش وكان شغال هنا في مصر في مركز تصليح ريسيفرات بمرتب قليل جدا _ لكن هو كان صعبان علية نفسه _ حاول كتير يشتغل دبشهادته وانة مهندس لكن فشل_فقر يسافر_تخيله سافر فين
السودان
اخد حاجته وسلم علينا وعلي مراته وبنته
وكلنا كنا رفضين لانة رايح هناك منغير ميكون حد بعتله راح من نفسه كدة_ واقسم بالله بعد لا يقل عن اربع ايام مش عشر سنين اشتغل فشاركه كبيرة جدا ولا يقل عن 6 شهور اترقي 3 مرات وبقي مدير مشروعات ماشاء الله_وسحب معظم اصحابه معاه _ وطبعا مرتب سنة هنا شهر هناك_ وربنا يوفقه هناك واحصله ان شاء الله
انا طول عمرى ضد فكرة السفر
وكنت ببص لسلبياته وانسي ايجابياته
مع ان مكنش في عندى اى التزامات خالص
وسبحان الله كانت بتجيلي فرص لحد عندى وكنت برفضها
لكن دلوقت الدنيا اتغيرت خالص معايا زادت المسؤليات وبالتالي الاحتياجات المادية
وندمت انى مسافرتش
و دلوقتى حتى لو جت فرصة للسفر مش هينفع اسيب مراتى وولادى وامى لوحديهم لان مفيش حد يخلي باله منهم
فنصيحتي ليكم حسب تجربتي
لو معندكش مسؤليات تضطرك انك تقعد في مصر
سافر اى مكان و استحمل اى صعاب هتقبلك
لان لما تتعب وانتا صغير هترتاح وانتا كبير
---------------
محمد سالم
شفت وعشت مشاكل كتير جدا بسبب السفر
تقريبا ربي لي عقدة نفسية وكلاكيع
وبالتالي معتقدش اني ممكن ابدا اخد قرار زي دا واسيب بلدي لاي سبب الا لو كان للدراسة ولفترة قصيرة كمان
متفهمينا اكتر ياام حماس
يعني ايه عقد نفسيه
وايه اللي يخلي الواحد يعاني من مشاكل
ماهو كده كده فيه مشاكل
ايه الاختلاف
لو الاسرة كلها حتسافر مش مشكلة طالما رب الاسرة ربنا مش مقدر له رزق في بلده
لكن لو الاسرة حتتفرق وتنفصل زي ما ناس كثير بيعملوا ساعتها يبقى فيه كلام تاني
هي حكاية اولويات وترتيبها
السفر شر لابد منة خصوصا لو كان مجال شغلك مطلوب برة و هنا فمصر ملوش لزمة
وافضل وقت للسفر هو سن العشرينات قبل الدخول فى مشاريع الخطوبة و الجواز
انا حاليا كل الى حواليا سافرو او لسة هيسافروا
السفر بكل بساطه ضياع لاحلى ايام عمرك وزهرة شبابك . السفر كان زمان معاك. الان مش جايبه همها وتلاقى بعد مصاريفك فى الخليج لان الحياه مولعه تصفى على مافيش اخر الليله اقصد السنه . لو تعرف تعمل فى بلدك مش مهم تحوش بس تعيش حتى بالحد الادنى افضل من ضياع سنين فى الخارج وبعد 10 سنين تلاقى نفسك مش عارف تجيب حتى شقه لان معدل الزيادة فى الاسعار اسرع من تحويشك كل سنه
حلو أوي الموضوع داه، من 12 سنة كنت بفكر زيكم كدة من وانا في كلية وكانت ساعتها فيزا السياحة صعبة جداً لأن حال البلد كان تعبان بس شويت لغة على كلية لها إسم ساعدوني حبتين ، كنت بروح في اجازة الصيف وسافرت مرتين شغل مطاعم وكدة، كان الواحد صغير وعايز يثبت نفسه ومش همه موضوع البهدلة و اشتغل إيه وبكم ، حتى أنا مكنش معايا شهادة لسة . أول مرة سافرت إنجلترا وكنت تحفة ،أول سفرية ليا برا مصر وفاكر ساعتها لما الملكة ديانا ماتت وأنا هناك وشكل الصدمة على الناس داه كان 97 أو 98 . في نفس المرة أخدت ال-eurotrain ورحت فرنسا وبلجيكا . أنا فاكر إن رجعت مصر ساعتها وأصحابي وأهلي استقبلوني إستقبال الابطال ، لسة تلميذ وأتغرب وكدة . والناس بتطلع برا شارعها بتحلف بغربتها .بس الحمدلله ربنا كرمني وجبت كل اللي نفسه فيه ،لبس ليا وهدايا لوالدتي ووالدي .لما جات اجازة تاني سنة وانا في الكلية عملت نفس الموضوع بس رحت إنجلترا وزرت هولندا وألمانيا .وكان لسة في بالي العملاق أمريكا .أول ما رجعت رحت على سفارة أمريكا وهناك أخدت أول رفض .إندهشت إيه السبب دنا لافف أوروبا وعمري مكسرت وبتكلم إنجليزي كويس ولسة في كلية . رحت بعدها بأسبوع مقدم تاني والناس تقلي مش هتخدها وانا مصمم . كنت حاسس إن كرامتي إتجرحت . رحت على الشباك وكنت مستحلف .شفني الواد وكان واحد تاني وقالي إيه الجديد مش لسة مرفوض من إسبوع ، فيه حاجة جدت في الاسبوع داه.قلت له لأ بس أنا عايز أعرف أنا إترفضت ليه إيه اللي هيخلني أسيب ناسي وكليتي علشان أروح اكسر عندكم مكنت عملتها في أوروبا ولسة معايا فيزا .انتو رفضني بدون حق ومفش أي عدل في مراجعة الطلبات .قالي بكل برود مش معنى انك رحت أوروبا يبقى تروح أمريكا .أعلى ناس بيكسروا بتوع أوروبا نفسهم علشان أمريكا غير اللي إنت شفته . حسسني إنه بيصف الجنة استغفر الله . أخرت الكلام معه اقنعته إن أمريكيا مش فرقة معايا ولو مش عايز يدهانى toz . لكن لما لقاني مش فارقة معايا ابتدى يتغظ. هما متعودين على ناس تعيط لهم وتتوسلهم ، وانا مكبر المهم قالي أنا هديهلك شهر واحد بس مش تلاتة علشان تروح وترجع بسرعة .قلت له والكلية ، قالي ديه هتبقى اجازة نص السنة إسبوعين زيارة وتجي بسرعة ، إبن الناصحة علشان يضمن اني مش هلحق اشتغل.بس أنا كنت حالف اني لو رحت مش هرجع ، والكلية تستنى دي أخر سنة ليا مفهش رفد . وفعلاً يا رجالة لغاية دلوقتي من 12 سنة منزلتش بس دة لظروف دراسة ثم زواج وخلفة ودراسة تاني وبعد مخدت كل حقوقي كمواطن أمريكي .ربنا يسهل وأنزل أخر السنة ديه .
على فكرة هو كان عند حق أمريكا بينها وبين أوروبا فجوة إقتصادية وتكنولوجية كبيرة ، اللي يزور الاتنين هيعرف الفرق كويس.
أي استفسارت عن هنا ، أنا تحت أمركم
هاروح أى مكان فى مصلحتى و رزقى ... فى أى بلد سواء مصر أو غيرها
أنا هاتكلم باختصار انا باشتغل حاليا في البحرين من العام الماضي يعني دي تاني سنة ليا (مش كتير المفروض) بس انا لم اتقبل عيوب الغربة ومقدم السنة دي استقالتي مع العلم اني باشتغل في وزارة التربية والتعليم وبسهولة قوي ممكن اقعد 10 أو 20 سنة بس لازم يكون في تنازلات زي اني انسى اهلى ابويا وامي واخواتي باشفهم شهر ونص في السنة بيعدي عليك اعياد وانت لوحدك ده غير ان في ناس عزيزة عليك بتفقدها وانت في الغربة حتى النظرة الأخيرة مش بتقدر توصلها أنا عن نفسي باسلم على أهلي وانا مسافر سلام الوداع على أني مش هاشفهم تاني ده غير زملاء لينا بيرجعوا لأهاليهم في صناديق بالإضافة بقى إن لو معاك أسرتك لازم تعيشهم كويس وتعوضهم عن ايام الغربة فمش هاتحوش يا إما تقعد لوحدك وتعيش عيشه غير آدميه بالمرة وممكن اسرتك تسيبك لظروف خارجة عن إرادتك يعني الموضوع مش اختيار زي ما البعض متخيل وكمان أولادك اللي هايتعلموا طباع أهل البلد غصب عنك سواء حلوة أو وحشة وغالبا مش هاتكون عجباك حتى لو حلوة وحاجات كتير أنا مش عايز اعقد الناس اللي عايزة تسافر بس هو ده اللي حصل معايا
والله موضوع السفر ده كبير شوية
لو قصدكو على السفر لدولة عربية علشان تحوش
يبقى قصدكو عودة فكرة العبيد من اجل المال
وفى الاخر هاتيجى مصر تدفع اللى كسبته عند الدكاترة علشان تتعالج نفسيا وجسديا من المعاناة اللى شفتها هناك وايا كان منصبك
طبعا هو راى قوى شوية لكنه وجهة نظرى اللى لمستها مع ناس كتيييييييييييير اعرفهم ومنهم اخواتى
انا ارفض ان نكون عبيد للعرب تحت اى مسمى
تقبلوا مرورى
طب اما الناس كلها تعبانه كده ياجماعه
امال الناس اللي هناك دي بتعمل ايه لما هما مش طايقين نفسهم
انا اي فرصه هتجيلي هسافر طبعا
البلد دي مبقاش فيها حاجه تخلي الواحد يقعد أصلا
وانتا مين قاللك اصلا اني حسيبك تسافر
اما ابيع العربيه ابقي سافر ياخويا
حنهزر احنا ولا حنهزر
مفيش حاجة اسمها بنشتغل عند حد
اسمها بنشتغل مع حد
زيها زي لما تشتغل هنا في اي مكان
انا شايفة ان عادي طالما الواحد ما لوش رزق في مكان ما يروح غيره احسن ما يقعد مش لاقي وساعتها فعلا حيحتاج يتعالج نفسياً
ماشي بس الكلام بره في دول الخليج مش بالمسمي الرائع اللي انتي بتقوليه ده
بره مسمينا خدم ليهم
والمصري المش عارف ايه
ولا اما يكون احنا شياطين وهما ملايكه
الواحد بس بيدخل يشوف تعليقات علي فيديو في اليو تيوب شوفي بيقولوا ايه علي المصري
والاحتقار اللي بيحتقروه للمصريين
مع ان المصريين هناك
مدرسين مهندسين اطباء
يعني يعتبر اساس المجتمع هناك
وعايشين بقالهم كتير
ومن 30 سنه كان مفيش حاجه اسمها خليج اصلا
ولا دول الخليج
ومن 30 سنه كله كان عارف ايه مصر وقيمه مصر والمصريين
مكناش بنتنك ليه
مكناش بنتنطط ليه
مكناش بنقول احنا واحنا واحنا
حاجات كتير اوي اختلفت
ليه معرفش
الكره بقي صفه عااااااااامه
في كل حته
المصري يكره المصري والعربي يكره المصري وكلهم بيكرهوا في اي حاجه
انا اعتقد ان لو حرب اكتوبر قامت دلوقتي تاني
وجينا نحارب
احتمال تلاقي العرب هما اللي بيضربونا
واسرائيل اللي بتدافع عننا
هههههههههههه
هم يضحك وهم يبكي
مش قوي كدة
احنا عشنا فترة هناك ويصراحة احلى سنوات عمري على الاطلاق
الفترة الوحيدة اللي الواحد كان حاسس انه بني ادم
فيه نظام و الحياة كل حاجة فيها كويسة
ولو فيه ناس كانت بيعملوها وحش فده لانهم وحشين وحضرتك ممكن تتخيل فيه مصريين بيعملوا ايه في الغربة
بيسيؤوا للكل ولبلدهم للاسف
يعني الخلاصة ان الشخص المحترم بيفرض احترامه عليهم والغير محترم يستاهل بقى اللي بيجراله
انا افتكر اني كمان وانا في المدرسة كنت باطلع الاولى على طول فما تتخيلش المدرسين ومديرة المدرسة كانوا بيعملوني ازاي
كااانت ايااااام
فعلا يا جماعة الموضوع كبير لان دي مش عربية الواحد بيشتريها او حاجة خطوة ممكن الرجوع منها دي مشكلة كبيرة والاكبر ان الواحد لما بيعلق نفسه بفكرة السفر بيكره كل حاجة حواليه بيبقي شايف كل حاجة سلبية اي مشكلة تحصل يقول انا امتي هسيب البلد واخلص
الموضوع محتاج تفكير ومحتاج صبر كتير وخصوصا السفر للدول غير العربية لان هيقابل ناس تانية وعادات وتقاليد وديانات تانية ولغة جديدة وساعتها الواحد بيكتشف دنيا جديدة والاجانب اللي بنشوفهم في الافلام و الحاجات اللي في مخيلتنا بتتغير كتير
انا بصراحة عايش التجربة دي دلوقتي بس انا لسا في الاول وحتي مش عارف انصح حد ان كان يسافر ولا لا
بس اهم حاجة اللي هيسافر ده يكون عارف رايح ليه ولمين وهيعمل ايه ولازم يكون عارف لغة البلد اللي هو رايحها كويس ولازم يكون السفر قانوني لان اللي بيستغلو كتير
بس محدش جاوب انهي الاحسن.......لان اللي ظاهر ان فيه مميزات وعيوب في الموضوعين سواء بلاد عربية او اجنبية ؟
وفيه سؤال ضروري جدا...........هل فعلا لو سافرت ولاقدر الله وفشلت ورجعت بعد كذا سنة بدون ان تحوش مبلغ مثلا......كده انت ضيعت كتير في حياتك ومحتاج تبتدي من الاول ؟...
موضوع رائع ويمس ناس كتير وبصراحة اللي انا شايف انك لو عرفت تسافر لأوروبا يبقى احسنلك من الدول العربية بمراحل وده من وجهة نظري....
الواحد فى دماغه السفر باستمرار
بس اللى مانعنى انى مقدرش اسيب ابويا وامى لوحدهم
وبعدين حتى لو حتى هما حيعاملونا بره معاملة العبيد
على الاقل الاسم مش بلدنا يعنى مش باقيين عليها
لكن اللى يوجع انك تتعامل معاملة العبيد جوه بلد المفروض انها بلدك
الموضوع ده عايز صفحات بس انا في رايي اللي مالوش حاجة في مصر يزعل عليها وقدامه فرصة سفر يسافر هيتبهدل شوية في الاول بس بعد كده الحياة بتتغير وطبعا في الاول وفي الاخر الرزق بتاع ربنا انا من واقع تجربتي الصغيرة شوفت للاسف حاجات كتير غلط واسر متتفككة وحاجات تحزن وفي الاخر كل ده ليه عشان بس يخدو الجنسية او عشان عجبتهم العيشة بره وفي ناس اصلا خلاص مش عارفة ترجع الموضوع اتعكس بالنسبة لهم انهم يرجعو مصر اكنهم مسافرين يتغربو !
ربنا يرحمنا برحمته
في نوعين من السفر (تحوش شويه وترجع او تهاجر)
انا عشت التجربه الاولى مع اهلي في الخليج وكانت احسن ايام حياتي ،وبصراحه المصريين هما اللي كانو بيكسفونا وهما اللي بيحبو يعملو نفسهم عبيد
الانسان المحترم بيفرض احترامه على اي حد ،ولحد النهارده بعد ما رجعنا من زمان لسه في ناس بيكلمونا ولما بييجو مصر بيزورونا وطلباتنا بالنسبالهم اوامر وبيتحايلو على والدي يرجع (بشر عاديين والله وفيهم الحلو وفيهم الوحش)
في حاجه كمان غير فرض الاحترام وهي انك تعرف امتى توقف وتستغنى عن كل الفلوس اللي بتقبضها وترجع بلدك ،يعني احنا كنا كل الاسره هناك ولما جينا داخلين على ثانويه وجامعه رجعنا مصر وكان ممكن والدي يفضل هناك لوحده ويحوش جامد (زي ما معظم المصريين عاملين) بس هو رفض وقال اننا استمتعنا برره وصرفنا اللي صرفناه وحوشنا اللي حوشناه ومش هينفع نبقى مفككين علشان شوية فلوس وقدم استقالته وجه وبيقبض 1\20 من مرتبه هناك ومبسوطين الحمد لله
لان اهم حاجه مش الفلوس والتحويش زي ما الناس فاكره لان الطماع مهما قبض ملايين عمره ما هيرضى لان اهم حاجه القناعه وانا شايف نماذج من ناس عدت ال70 سنه واسرهم مفككه بقالها 30 سنه ومش قادرين يرجعو !! طيب بتحوش لايه اصلاً ما هي مبقتش اسره؟؟
انما انا شخصياً ناوي على الهجره ومش هزور مصر غير سياحه علشان اتخنقت خلاص ومش باقي على حاجه في البلد دي بصراحه !! واللي هيقولي عايش من خيرها هقوله ان لولا السفر كان زماني مدفون في ترابها!!
وخلو الطابق مستور :_Alshmokh08[1]:
دي معادلة سهلة - هاخد كام هناك وكام هنا لكن بتحكمها عوامل اخري هي السن والحالة الاجتماعية والرغبة بالاضافة للحالة الاقتصادية
انا شخصيا رفضت مبدا السفر من حيث المبدا حتي لبلاد العم سام بالرعم من حصولي علي فرصة لا تعوض من حوالي 10 سنين
من الاخر انصح الشباب اللي مش مرتبط انه يسافر يجيب فلوس شقة آدمية بعفشها مع حساب صغير في البنك ويجي يكمل هنا
وربنا يوفق الجميع
بعد الايام والليالي عشان اسافر
فاضلي حورالي 6 شهور واخلص كل مسئولياتي اللي هنا و ورقي
مش عارف هيعدو عليا ازاي
مش عارف ينفع اقول كده ولا ايه بس انا مش طايق العيشه في بلد اسمها مصر
مصر دي بلد اخرك تحبها بس لما تفكر تعيش يبقي لازم تسيبها
اسوأ ما في الغربة انك هتتعود على حياة كريمة جدا وهتشوف الناس بيعاملوك با حترام شديد بلدك ما عاملتكش بي !
مع انك هناك وافد ودرجة تالتة ولكن الدرجة التاتة عندهم انضف من الاولى بتاعتنا
المهم انط بعد الاخترام اللي انتا شوفته هناك مش هتعرف تعيش على ارض المحروسة يوم من اول وصولك للمطار هتحس بالمعاملة الوحشة وتنطيط ضابط الجوازات عليك
والله يا ناس انا كنت بوصل و بغادر مطار الدول الاخرى باترحاب وابتسام وناس تقلك حمد لله على السلامة وناس تقلك توصل بالسلامة ، مجرد ما توصل هنا تلاقي الناس واقفة طابور على مكتب الوصول والضابط ماسك السيجارة في وكباية الشاي في الايد التانية وتحس انه من نفسه يقولك انت مين اللي جابك هنا وتقعد تستنى الشنكة ساعة ونص وتلاقي موظفين المطار بيستقبلوك على حقير لانك مواطن مصري سبت البلد ورحت عبيت الفلوس في زكايب تيجي تركب التاكس يقولك على ابو 10 ب50 والشيال يفضل يرحب بيك يدعيلك لحد ما تحط في ايده ال20 ج ما تشوفوش أدامك .
طيب ازاى تاخد جنسية اجنبية (اوروبية -امريكية اى حاجة)
ولو عاوز الجنسية بس هاتقعد بيها هنا فى مصر ....هاتسيب الجنسية المصرية ولا بتكون معاك ؟؟؟
ولو اتجوزت اجنبية بتاخد الجنسية على طول ؟
يعنى لو انت تعرف واحدة اجنبية وقلتلها هاتجوزك (على ورق بس)
وتاخدى مبلغ معين وانا اخد الجنسية ؟؟؟ ينفع !!!
معلش طولت عليكم بس الاسئلة دى فى دماغى ..
كلام جميل بس قي مشكلة غالبا اللي هيسافر باسرته مش هيحوش شلن ، يبقى استفدنا ايه ولا هي غربة وخلاص ؟
كمان تغيير المدارس بالنسبة للعيال دي مشكلة مؤرفة وهتلاقي اللي برجعو سنة ورا واللي قرفان من المدرسة و . . .
انا لما كنت في سنين الدراسة كانت اسرتنا كلها في مسافرة حصل ظروف اضطرت ان والدتي واخواتي وانا نقعد في مصر ،أقشم بالله أتعقدت نفسيا من المدرسة ومن المدرسين ومن الطلاب تخيلو كنت في 3 اعدادي ما ورتش كشكولي لدرس طوووووووووووووووول السنة .
كان عندنا فسحة ساعة كاملة كنت بقضيها كلها لوحدي في المكتبة بعيد عن زمايل فصلي تختتي حتى .
كنت بسمع شتايم من المدرسين انا ما سمعتهاش من أصيعها طالب منحرف ومتمرد ومغضوب عليه بره .
تلاقي المدرس داخل الفصل بالسيجارة وكباية الشاي وبيشرب السجاير قدامنا عادي خالص .
ده احنا لما كنا بره كنا بنشوف المدرسين المدخنين الصبح بدري قبل ما الطابور يبدأ واقفين برا المدرسة عمالين يشربو سجاير لانه ممنوع يشربها جوة المدرسة .!
أيام يا غربة والله أيام حلوة الله لا يعودها
الله يبدلنا احسن منها بس في بلدنا ان شاء الله