الموضوع: عايزين نناقش فكرة السفر بره للعمل

انا والدي طول عمره فضل متغرب حوالي 28 سنه او 29 تقريبا
واحنا كنا معاه
السنين دي قضت علينا و انهت حياتنا تماما في مصر و عشان كده والدي حب يصلح غلطتوا و دخلني الجامعه هنا بعد ما خلصت الثانويه بره عشان مصلحتى
و الحمد لله تاقلمت بسرعه على الوضع الجديد بس للاسف هوه ما قدرش
و بيعاني لحد دلوقتي في المعاملات بجميع انواعها
وانا من نظرتي دي للسفر انا عمري ما هسافر الا اذا كنت مضطر اوي اوي اوي و عمري ما هسافر عشان سنه ولا اتنين انا يوم ما هسافر هسافر مده طويله اجيب منها قرشين عشان لما ارجع يبقى عندي خميره اتسند عليها و ما اتحوجش و اشغلها في اي مشروع لاني يوم ما هرجع عمري ما هرجع لشغلي تاني (بحكم عملي كطبيب )بالبلدي كده انتهيت
وعمري ما هاخد مراتي وولادي معايا
ممكن ابقى اجيلهم زيارات او ابعت و اخدهم عشان ما يحصلهمش زي اللي حصللي
ودي اسود نقطه في الموضوع بتاع السفر ان ولادك هيتربوا بعيد عنك و هتبقى بالنسبالهم اله جمع فلوس و بس
كل سنه هتنزلهم بابا اديني كذا عشان اشتري كذا و تلاقي الكذا ده مبالغ فيه بشكل غريب و العيال فالت عيارهم و الام بقت متوحشه في المعامله و العيال ممكن تلاقيها انحرفت
لالالالالالالالا.........لما تفكر في موضوع السفر ده مخك يوديك لابعاد كتير اوييييييييييي
ربنا ما يحوجنا للسفر ابدا