ساعة و لسة ما حصلتش ناصية محي الدين
تم النقل للاجتماعى بمعرفتي
الادارة(1)
عرض للطباعة
ساعة و لسة ما حصلتش ناصية محي الدين
تم النقل للاجتماعى بمعرفتي
الادارة(1)
كانت معكم علا أبو العافية على الهواء من أمام المالكي شارع جامعة الدول العربية المهندسين
الناس واقفون حائرون ينفخون يتأففون و من الغيظ يكادوا ينفجرون
ابقوا فكروني الماتش بتاع مصر اللي جاي ابقى آخده أجازة من الشغل
و انا برضو كنت هناك لانى ساكن هناك و كنت راجع من عند واحد صاحبى من امبابة و وقفت 45 دقيقة قدام منصور شيفورليه و المشكلة ان السبب الوحيد اللى مخلى جامعة الدول تقف هوا ملف مصطفى محمود و الملف اللى قبليه اللى بيطلعك على سفينكس كمبيوتر مول
بجد انا بلعن ابو اليوم اللى سكنت فيه فى المهندسين و مش عارفين كمان سنتين ولا 3 هايحصل ايه اكتر من كدة انا كرهت السواقة و اللى علمهالى
و ربنا يهدى بقى و ياريت يكون فيه حلول للزحمة دى الواحد مبقاش عارف يتحرك و لا يروح فى حتة
والله يا آنسة علا أعتقد عزاؤك الوحيد ان معاكي نايل موتورز أون لاين في العربية ...
بعد كده العربيات في مصر لازم تتوفر فيها كماليات جديدة علشان تناسب شوارعنا في مصر ، يعني لازم يكون فيها :
- Coffee machine يعمل على مخرج كهرباء الولاعة (12 فولت)
- نوتبوك علشان الانترنت وتخليص الشغل خلال الوقفة
- ثلاجة طبعا علشان الماية والمثلجات في الصيف
- ستاير تقيلة او زجاج غامق علشان النوم
طبعا الموبايل خلاص موجود للاتصالات - الردايو والكاسيت والسي دي للتسلية - لكن مهم التلفزيون والدش علشان الماتشات
و معكي ستورم من نايل موتورز بيقولك ربنا معاكووووووووووووووووووووو ووووووووووو
كان الله في العون
شكرا يا جماعة على المساندة النفسية. الطريق أخيرا اتحرك و عدينا كمان مصطفى محمود. فاضل محنة البطل احمد عبد العزيز. دعواتكوا
ربنا معاكى
بجد الأسكندرية رحححححححححححححمة كبيييييييييييييييرة بس انا بعشق القاهرة
لو ملحقتيش الماتش ممكن تشوفية من هنا ..و التشكيل الاساسى اللى هاينزل
http://minbymin.yallakora.com/arabic...ch.aspx?id=341
ربنا معاكى .
مين ده إللي بيعشق القاهرة :-! ...متشكرين يا أ. فهد على المجاملة دي :-)
هذا وقد انقطع البث المباشر من شارع جامعه الدول العربيه وعلى ما يبدو
ان مراسلاتنا علا اختفت فى ظروف غامضه بالمهندسين
ولازال جارى البحث عنها !!!!!!!!!!
يارب تكونى وصلتى بيتكم يا علا بالسلامه
يا جماعة مين دا اللي بيحب القاهرة
اتفضل يا باشا و الله ما تغلى عليك
خدها و اوعى ترجعها تاني
انا وقفت ساعة برده بس في التحرير منهم نص ساعة في اشارة واحدة اللي هي بعد الجامعة الامريكية .. بطلت العربية و سمعت البوم كامل و انا واقف في مكاني .. و اللي لاحظته ان فيه ناس في عربيات تانية واقفة معايا في الاشارة كانوا عقدوا صداقات مع بعض و نزلوا وقفوا برة العربيات
فعلا ساعات بسأل نفسي .. انا ليه جبت العربية !؟
يخربيت السواقة في القاهرة بجد
احسن حاجة نركب عجل ذى الصين
انا اساسا كاره المهندسين لأني لازم اعدي عليها من الجامعه و انا مروح :@
و دلوقتي كرهتوني فيها اكتر :@
يعني رايكم مروحشي بالعربيه ؟؟
انا كرهت القاهرة انا ناوي اعزل اروح كولالبور
او الصحراء الغربية او احرق القاهرة واخلص منها
انا طالع الساعة 7 من مدينة نصر وبتحديد من قدام سيتي ستارز
اوصل محكمة مصر الجديدة الساعة 8 وربع انا لو ماشي بعجلة
كنت وصلت في نص ساعة انا عملتها زمان من اكتر من 10 سنين
ورحت البيت جدتي بعجلة ووصلت بعد نص ساعة فعلاً لو الوضع استمر
كده انا ناوي ارجع للعصر اللي فات واركب عجلة ومش هجيب عربية
دي بلدنا كله على كله ساح يا بداح وعجبي
طبعا رجعت البيت لا لية نفس اشوف ماتشات و لا حتى اعرف النتيجة كام.. و هاتفرق ايه النتيجة و البلد في الحال المزري ده؟
بالرغم من اني كنت مستنية الماتش ده من يوم الأربعاء اللي فات.. انما بجد كان فيه حاجة جوايا مش عايزة مصر تغلب امبارح عشان ما اتعرضش لنفس العذاب ده في الماتش اللي قبل النهائي :(
يا جماعه عايز احكلكم على ماساتى, انا يوم الأثنين (امس) طالع من بيتى فى مدينة نصر ذاهب الى الهرم لم أأخذ الدائرى لانى كان عندى شىء لابد اشتريه من الدقى انا طلعت الساعه 2:30 Pm وصلت 5:50 Pm انا مش مصدق ايه الى حصل الطرق كلها مقفوله بطريقة غريبببببه!!!
عملت طيب انك ماخذتش الدائرى انا طلعت الساعة 5.30 من مدينة نصر وروحت بيتى فى المنيب وللاسف اخذت الدائرى وصلت الساعة 7.30 والطريق كان واقف تماما من قبل كارفور وحتى مخرج المعادى والغريب ان مكنش فى سبب للزحمة وضاع منى نصف الشوط الاول - بجد حاجة تنرفز ان الدائرى يكون زحمة هو كمان ؟؟؟
امبارح قلت انتهز وقت الماتش انزل اخلص مشاوير مهمة
جيت ادخل صلاح سالم من اول من ناحية الكلية الحربية وكان سابقني واحد صاحبي في الشغل قدامي
دخل لقى الطريق معجووون من اوله بس كان فيه ظابط ملرديش يخلية يرجع بضهرة
انا فكيت وخلعت بضهري بسرعة روحت ادخل الاتوستراد لقيته واقف
لفيت ورجعت من عند السندباد ودخلت مصر الجديد ووصلت حدايق القبة وصاحبي لسه جنب سور الكلية الحربية
عمار يا مصر
حاجة لاحظتها امبارح كمان من كتر لوقفة اصلي امبارح عامل مشاوير بتاع 150 كم جوة البلد
استهلاك بنزين بشع تقريبا نص التانك جوة البلد في 150 كم متر بس
مصر هى امى
نيلها هو دمى
وانا كمان بحب القاهرة والاسكندرية كمان
انا شارى العربية من حوالى تلات أسابيع و إمبارح بالتحديد الساعة 8 مساء ميعاد وصولى البيت(علما بأن خروجى من الشغل فى الهرم كان الساعة 5.30) قررت أسفا عرض العربية للبيع ....و ندمت على اليوم اللى جبت فيه العربية
ولا عزاء للمترو....
ده انا كنت بروح بالمترو فى 50 دقيقة دلوقتى بقيت بروح بالعربية فى 180 دقيقة
و اللي بيخنق في الزحمة الغرز اللي الناس بتعملها عالاول دي !
يبقي كل الحارات واقفة .. و واحد مصمم يدخل علي حارة تانية و يكسر عليك .. و بعد ما يعمل اللي هو عايزه و يكون عكنن عليك خلاص .. يقوم راجع مكانه تاني اما يلاقيها واقفة برده (سبحان الله!) .. انا بستغرب يعني بقول يمكن هما شايفين طريق غير اللي انا شايفه ! و في ناس بتستغبي و هي بتسلك نفسها و الطريق يتكلكلع زيادة ..
و كل يوم بقي يخلص بحرقة دم و خناقة و عكننة .. علي سبيل المثال .. انهاردة خبطني تك تك و انا واقف !! و انا واقف يا عااااااااااااااااااااااال م !!!
انا و الله بطلت اخرج و في حالة اكتئاب حاد من الشارع المصري .. مبنزلش الا اوصل والدتي الشعل و اجيبها و بس . غير كدة نسيت الخروج مع صحابي و التمشية بالليل و الكلام ده
انا الحمدلله شغلي جمب بيتي انا اصلي ساكن في ميدان الدقي وشغلي في شارع مصدق :p
بس طبعا مش باروح بالعربيه لاني مش بلاقي ركنه عند الشغل ولو شيلتها من مكنها مش هارجع الاقيه مع انه اصلا ممنوع الركنه فيه من المرور :D
وبعد ازنكم يعني مش عايز حد يقر عليا لحسن اصحي في يوم من الايام يقولولي الشغل اتنقل مدينه نصر ولا حاجه :D
ايه ياجدعان انتو ساكنين في بلد تانيه ولا ايه انا امبارح نزلت الساعه 3 الفجر وكان الكورنيش فاضي ...!!!!
واللهي انا نفسي يقسمو سكان القاهره قسمين قسم بيشتغل فترة الصبح...والقسم التاني بعد الظهر...
او يخلو يوم الاجازه بين الوزارات مختلف
لان بجد حرام الشوارع خلاص مبقتش مستحمله
البلد كلها زحمة
نمى إلى علمي ان ماتش النهائي هايكون الساعة 7.. أعمل ايه انا بأه دلوقتيييييييييييي؟ :confused:
لو كنت اعرف من امبارح كنت أخدته أجازة.. انما عندي مواعيد مع عملا ما ينفعش تتلغي :(
بس ماعنديش أي استعداد اقعد ساعتين و نص في الطريق تاني :eek:
حلك الوحيد يا تقعدي في الشغل شويه يا اما تروحي بدري شويه وربنا معاكي
ربنا يكون فى عونك يا عـــلا بتتعبــى ( :
مش تقريقة والله
امال انا اعمل ايه يا اخوان
انا اعمل مهندس فى احدى القنوات الفضائيه بمدينه الانتاج الاعلامى ب 6 اكتوبر واسكن فى مساكن الشيراتون بمصر الجديده ومنذ 5 سنوات اوانا يوميا فى هذه المعجنه 3 ساعات على اقل تقدير فى اليوم اقضيها فى المشوار ذهابا وايابا
ده غير الايام اللى الزحمه فيها زياده نتيجه لاى ظروف طارءه مثل بطوله افريقيا لكره القدم الحاليه او مؤتمر الحزب الوطنى اللى كان من سنه فاتت يوميها عملت حادث بسبب انى اخدت اكتر من 4 ساعات فى طريق العوده للمنزل ومن زهقى خرمت جميع التخريمات اللى تخطر على بالكم وفى الاخر ربنا رزقنى بواحد عجوز راكب مرسيدس قديمه بيعدى تقاطع من غير ما يبص !
الله يبارك فيك يا كيمو.. بجد فارقة معايا الأجازة دي طحننننننننننننننننننننننن ن.. و مستمتعة بيها فعلا لأقصى حد :)
عندنا في الشغل النهاردة هايمشوهم الساعة 3 بدل 5.. بس هو مين؟ 3 دي الللي هو نقعد ساعتين في الطريق بدل تلات ساعات :o
يا بختك يا علا
أنا حاتل هم النهارده أوى من الإسبوع إللى فات و عمال أفكر هاخرج إذاى من المهندسيين المحروقة و أوصل لمدينة نصر
ده أنا الصبح الساعة 7.25 و كوبرى إكتوبر واقف ........ إكتشفت إن النهارده ماتش + مدارس و جامعات
بجد أنا بفكر .....أفكر فى إيه مش عارف بس ماينفعش أروح فى 3 ساعات أنا ممكن يجيلى شلل فى السكة و خصوصا إن ركبتى اليمين فيها خشونة يعنى آخرى فى السواقة ساعتين و أكثر من كده رجلى تفصل و أنا مانمتش إمبارح و فاصل خلقة
رحمتك يا رب
الحمد الله صاحب الشغل عندنا اهلاوي جدا و متعصب للكرة جدا !
عزمنا عنده في البيت انهاردة نشوف الماتش علي شاشاة 42 بوصة ( من الجداد البلازما دول ) :)
بس انا استأذنت !
بالمناسبة يا جماعة انا رايح اشوف المــاتش في " PAUSE " الي جوه المطار للي عايز ييجي !
Min Charge. 50 LE