مشكلة خطيرة فى الفيات سيينا

**ksnag** · 15-05-2010 11:57 AM

الاخوة الكرام
تحية طيبة عاطرة الى حضراتكم برجاء افادتى عن مشكلة خطيرة وهى فوران قربة المياه فى السيينا 1400 cc على الرغم من عمل المروحة وعدم وجود تسريبات من الرادياتير فماذا يكون سبب المشكلة حيث انه اثناء السير بالسيارة الاحظ انبعاث بخار المياه من قربة المياه وعند التوقف يحدث فوران شديد للمياه بداخل القربة ثم تسرب المياه من شدة الضغط الذى يسببة بخار المياه فاقوم بتفريغ الهواء واعادة ملىء الرادياتير بالمياه الباردة ولا الاحظ اى تسريب للمياه الجديدة حتى اسير يوما او يومين فتتكرر المشكلة مرة اخى . احترت والله علما بان السيارة جميلة جدا وحالتها ممتازة ولا يحزنى سوى هذا العيب الذى لا اعرف له سببا علما بانىى ذهبت للكهربائى ولا توجد مشكلة كهربائية وذهيت لفنى الرادياتير وقال لا توجد مشكلة وذهبت للميكانيكى وقال ان هذا بسبب سخونة الطقس
ارجوا الافادة ومن عنده كتالوج السيينا 1400 ارجوا رفعة على الموقع او موافاتى بنسخة منه وله جزيل الشكر

**Ghamrawy** · 15-05-2010 12:21 PM

نفس المشكلة اللى انا كنت فيها بالظبط
الحل هو انك اكيد عندك الفيشة بتاعت المروحة مهزوزة و ساعات بتلقط و ساعات لا و دى حاتلاقيها فى الريدياتير تحت على ايدك اليمين لو انت واقف و وشك للعربية ...دى اول حاجة
تانى حاجة تغير ثرموستات كوعة المياه و ده حاتلاقيه بييجى مع وش الكوعة
اخيرا تفريغ دايرة التبريد من الهوا خالص

**sameh65** · 15-05-2010 09:23 PM

هذه المشكلة حدثت مع أحد أصدقائى فنصحه الميكانيكى بتغيير غطاء الردياتير وفعلاً قام بتغييره وانتهت المشكلة تماماً علماً بأنه كان لايوجد تسريب للمياه عنده .

**Eng.Geo** · 15-05-2010 09:35 PM

هذه المشكلة حدثت مع أحد أصدقائى فنصحه الميكانيكى بتغيير غطاء الردياتير وفعلاً قام بتغييره وانتهت المشكلة تماماً علماً بأنه كان لايوجد تسريب للمياه عنده .

احتمال كبير يكون هو ده السبب
غطا الردياتير مش محكم الغلق او فيه مشكلة مش بيقفل للاخر
غيره بواحد تاني ولو في حد تعرفه معاه زي عربيتك
بدل الغطا معاه يومين وشوف النتيجة عنده وعندك

**Ahmed Hamdy** · 16-05-2010 11:55 AM

أنا حصلت معايا نفس المشكلة من يومين ..
العربية من السنة اللى فاتت كنت واخدلها هوا وكانت ماشية كويس جدا مفيش مشاكل فى الحرارة ..
من يومين كنت ماشى الضهر ومشغل التكييف لقيت الحرارة بتعلى .. وقفت لقيت المروحة شغالة كويس على السرعة التانية ومفيش مشاكل ..
طفيت التكييف ومشيت وبعدين وقفت فى شارع شامبليون عشان أصلا كنت رايح أجيب حاجة من الكيلانى .. بطلت العربية وشوية لقيت المية بتفور فى القربة وبتخرج منها ..
فتحت الغطا شوية وجبت واحد بتاع ريداتيرات .. قالى فى خرطوم فيه تنفيس بسيط والعربية واخدة هوا .. ربط على الخرطوم وخد هوا وقالى ابأه روح البنزينة ونضف السربنتينة والريداتير بالهوا عشان مليانين تراب ..
عملت كده ومشيت شوية كويس ...
بعد شوية وانا مشغل التكييف فى عز الحر لقيت الحرارة بتعلى .. بطلت التكييف الحرارة نزلت ..
ركنت العربية ونزلت أقضى مصلحة ورجعت مشيت وقلت أجرب تانى لقيت مفيش مشاكل ..
وشغلت التكييف تانى بالليل فى مشوار طويل ومكانش فى مشاكل ..
والنهاردة الصبح برضه وأنا رايح الشغل شغلته طول الطريق ومكانش فى مشاكل ..
فمش عارف هى كده لسه فيها شوية هوا ومحتاج أخدلها هوا تانى ولا ايه ؟؟
بصراحة العربية السيينا جميلة جدا بس أرخم حاجة فيها موضوع الهوا ده ... لازم تبقى مظبوطة أوى ..
أنا السنة اللى فاتت برضه دخت فى الموضوع ده شوية ورحت لكذا واحد بتاع ريداتيرات أخدلى هوا .. بس برضه كانت الحرارة بتعلى ساعات ...
لحد ما رحت لكهربائى أخد هوا من ساعتها بقت تمام مع التكييف ومن غيره .. لحد ما حصلت المشكلة تانى من يومين ... مع إنى مبفتحش القربة أزود ميه غير الصبح قبل ما أتحرك بالعربية وهى باردة تماما فمش عارف ايه اللى رجع الهوا ده تانى !!!

**ksnag** · 16-05-2010 12:31 PM

الغطاء غيرته والمشكلة ما زالت موجودة ارجوا الافادة

**Ghamrawy** · 16-05-2010 12:42 PM

شوف كتاوت المروحة و الفيوز بتاعتها

**maxen911** · 16-05-2010 07:33 PM

اخي العزيز مشكلتك دي واضحة جدا
حدوث فوران في اربة المياة دليل علي تلف جوان وش السلندر
الفوران ده نتيجة تسرب غاز العادم في دورة مياة التبريد
الحق غير الجوان لان المشكلة مش سهله ودا بيادي الي تخمر وش السلندر ويحتاج الي خراطة
والله اعلم