كفايه هوا ده الجزء التاني و لا ايه انا لسا شايف واحد تاني دلوقتي
ربنا يسترها معانا جميعا
عرض للطباعة
كفايه هوا ده الجزء التاني و لا ايه انا لسا شايف واحد تاني دلوقتي
ربنا يسترها معانا جميعا
الفيديو ده صعب اوي صعب اوي يا جماعه, ربنا يسترها معانا جميعا يا رب, انا اعصابي باظت
1000 شكرا على الفيديو الرائع ده
شوفوا برة بيعوا الناس ازاي
مش كل همه يعمل لجنة عشان يروح بــ 1000 جنيه
جامد أوي أوي
مش عايز اكون متشائم بس للأسف ولا 10000 فيديو زى ده هايفرقوا فى سواقة شعبنا الجميل...
احنا الناس هنا اتعودت على الفهلوة و الفتاكة و الهرجلة و عدم النظام .. و للأسف قبل كل ده مافيش احترام للآدميين اللى فى الشوارع ، لا من سواق تاكسى ولا ميكروباص ولا باص و لا نقل و لا العديد من سواقين الملاكى.
طول ما السرفيس همه انه يوصل بسرعة علشان يحمل مرة تانية هاياخد غرز و يطلع فوق الرصيف و يكسر الأشارات و ... الخ الخ الخ
طول ما النقل عايز يوصل بسرعة هايمشى زى ما هو عايز و يلوش بعربيته او مقطورته او التريلا بتاعته بمزاجه و مش هايهمه حد...
طول ما الأوتوبيسات عايزين يوصلوا بسرعة و سواقينها حاسين انهم قرفانين هايكسروا على الناس و هم طالعين من المحطة و يطوحوا الأوتوبيس يمين و شمال زى ما يكون عربية صغيرة و يقفوا او مايقفوش على المحطات ، و اللى بيجرى علشان يركب يا يلحق يا ما يلحقش يا يتفرم تحت عجل الأوتوبيس او تحت عجل اى عربية جاية من ورا ، و نفس الحكاية ساعة النزول من الأوتوبيس...
طول ما الشباب الروش الفافى اللى سايق عربيات مش عارف قيمتها و لا تعبان فى تمنها ماشى يلعب بالعربيات فى الشارع و وراه اللى يطمنه و يخليه مايهمهوش اى حاجة مهما كانت ، هايتسابق بالعربيات فى الشوارع العامة و يدوس الناس سواء كبار او اطفال و يكسر كل القواعد و الأعراف ...
و كل ده لأن ما عندناش احترام للمرور و قواعده من أصله...
اما السبب فكلنا عارفينه و مش محتاج اقوله ... دى ثقافة شعب بحالة ...:majd(4):
المهم الفتاكة و الفهلوة..
و ربنا يستر طريقنا جميعا و يحفظنا
و تحياتى
اولا الف شكر ليك يادكتور شريف انك اخدت 10 دقايق من وقت حضرتك لمشاهدة هذا الفيديو.....
انا مع حضرتك ان اللي احنا فيه ده ثقافة شعب بأكمله وصعب جدا تتغير ولكن انا مش فاكر نص الأية بالظبط بس فيما معناه لان يغير الله قوم حتى يغيروا ما في انفسهم فعلى الأقل نبدا احنا بنفسنا اصل مستحيل في يوم تصحى تلاقي ال 80 مليون مصري متغيرين مرة واحدة لازم واحدة واحدة....
انا لو الفيديو ده مفرقش مع اي حد غير عضو واحد بس هبقى مبسوط جدا علشان على الأقل هتلاقي واحد ملتزم في الشارع وبيحترم نفسه ويتقي الله في الناس اللي في الشارع انا مش عارف انا متفائل وعندي امل اوي كده ليه (يمكن علشان لسه 20 سنة وطالب لسه) بس انا وانا سايق في الشارع واشوف العيال الفافي اللي عمالين يشدو ويحرقو في شارع مستحمل عربيتين بالعافية بكون نفسي ارتكب جناية فيهم....
ومن ا؟لأخر ربنا يهديهم ويهدينا كلنا ويرحمنا برحمته....
يا اخى العزيز انا مش باقول اننا مش هانتغير ...
لا يمكن ده قصدى ابدا...
و لكن انا فى عادة سيئة انى دايما فى كلامى لما بانتقد حاجة بيكون قصدى توصيل معنى اضافى بين السطور..
و هنا بين السطور كان قصدى (بجانب نقد السلبيات اللى اتكلمت عنها فى ردى السابق) ان المسألة مش بأننا نشوف كليب و نتعظ منه ، لأ .. لأن عدد قليل فقط اللى هايتأثر ، و كتير هاينسوا ... ده حتى اسم الأنسان هو من النسيان (حسب بعض التفاسير)..
و لكن لما أقول دى ثقافة شعب .. فالمعنى هنا ان دى تصرفات و طبائع و عادات على مر السنين حدثت و تغلغلت الى درجة انها اصبحت واقع و امر مسلم به ، و بالتالى فلن يتغير من شريط فيديو ولا حتى الف ...
مثلا زمان كان فيه شهامة ابن البلد ، و اللى كان يقول يا ناس يلاقى الف يلحقوه ، و دلوقت كل واحد بقى يقول "و انا مالى" ... دى وليدة سنين مش يومين و لا شهرين ... الجيل بتاع الشهامة راح و الجيل بتاع وانا مالى هو اللى جه.. و ده تغييره صعب جدا ، لأن من شب على شئ شاب عليه ، يبقى لازم علشان الشهامة ترجع ان الجيل الجديد يتربى عليها زى زمان.
لازم البداية من الطفولة ... زى ما كنا صغيرين و بنلاقى مكتوب على الجلدة الأخيرة من الكراسة النصائح الهامة زى "اغسل يديك قبل الأكل و بعده ، و اطع اوامر رجل المرور..." الخ .. مش زى دلوقتى بنلاقى تويتى و دباديب و غيره ...
لازم تتغير ثقافة الفتاكة و الفهلوة ، و دى مش هاتتغير فى سواقين دلوقت ، و لكن لازم تتشال من دماغ السواقين اللى هاييجوا بعد كده .. الأجيال اللى جايه ... علشان يبقى احترام الأشارة الحمراء نابع من تعوده على كده من من عسكرى المرور اللى واقف بدفتر المخالفات فى ايده..
لما كل واحد فينا يبدأ يزرع فى ابنه و بنته و اخواته الصغيرين احترام الناس و القوانين و حب الناس لبعضها ... الخ الخ... ساعتها السلوكيات السيئة هاتتغير مغ تقدم الزمن بالأجيال الجديدة المزروع فيها القيم دى... كده نبقى غيرنا انفسنا فعلا..
اما الحل الحالى ففى نظرى بالنظام و القانون اللى مايعرفش فرق بين اى حد ... ساعتها ممكن يبقى فيه نظام .. و لكن لو فيه عدم مساواة فى التطبيق .. اذا هايبقى الحال على ما هو عليه ...
و آسف للأطالة و لكن ارجو اكون وضحت وجهة نظرى
و تحياتى