شكرا لمرور حضرتك....
عرض للطباعة
شكرا لمرور حضرتك....
where this vedio
فين الفيديو اتا مش لاقية
انا بجد قلبي مقبوض اوي ومش قادر اتكلم
يارب استرها علينا واحفظنا جميعا من اي سوء
شكرا للافاده والعظه لصاحب الموضوع
عفوا....
وربنا يحفظك ويسلمك من شر الطريق....
يا جامدد ياجامد فيديو ولا اروع من كدة
ياجماعه العملية والأخطاء كلها مش من السرعه فيه عدم الأنتباه وعدم الألتزام بتعليمات المرور
يعني مثلآ مشهد اللقطه اللي البيبي فيها بيطير من أيد مامته
أحنا هنا بقى في مصر عندنا الموضوع ده بالهبل وربنا يستر يعني تلاقي الب أو الأم مقعد عياله في العربيه على رجله مابينه وبيم الدركسيون ومش أطفال دول بيبي وأنا شايف الموضوع أكتر من مره والله حرااااااااااام ليه لو أقل فرمله ولبس في اللي قدامه البيبي الله يرحمه؟؟؟؟ المفروض يتجط في الحزام بتاعه وره في المقعد الخلفي؟؟؟؟؟؟؟؟
عدم ربط حزام الأمان والأستهتار والكلام في الموبايل اللي ماشاء الله كأنه آخر الدنيا والبيزنس مقطع بعضه ولازم نتكلم وأحنا سايقين؟؟؟؟ والله يرضي مين ده؟؟؟؟؟
والف شكر على الفيديو أنا شايفه قبل كده بس كويس أن حضرتك حطيته علشان الغير يستفيد وبنطل تصرفاتنا السلبيه والأستهتار
ده فيه كمان اللى أكتر ، تلاقى العربية اللى شباكها الورانى طالع منه نص عيل و عمال يلعب و أهله عمالين يضحكوا قدام ، مع ان لو مطب جامد (و دول كتير عندنا) ممكن العيل يطير بره العربية ، أو لو عربية نقل و صندوقها طالع لبره شوية عدت جنبهم. و ساعات العيل بيكون نفس المنظر و لكن من الشباك الأمامى و على حجر أمه ، و برضه نصه طالع بره الشباك...
الموبايلات دلوقت بقى ليها تقاليع جديدة :
* الموبايل على الدركسيون علشان الأستاذ بيطلب نمرة ، و طبعا بيحاول الدركسيون ما يتحركش علشان يعرف يطلب صح ، و النتيجة قطر ماشى على قضبان بيشيل اللى قدامه...
* واحدة سايقة بتحط الموبايل فى الأيشارب بتاعها علشان تتكلم من غير ما تمسك الموبايل و من غير ما الموبايل يبان (يبقى مافيش مخالفة) ، و لكن المشكلة انها بتحطه فى الأيشارب بايديها الأثنين و العربية ماحدش سايقها عمالة تلوش يمين و شمال.
* الأستاذ ملتزم بيتكلم فى الموبايل و هو سايق باستعمال السماعة ، يا سلام على الألتزام ، و لكن المشكلة انه مش بيركب السماعة قبل ما يطلع بالعربية ، لأ ... ده بيركبها قبل المكالمة ، و طبعا لما يحب يتكلم بيطلع السماعة من جيبه ... و هو سايق ... و يقعد يبفك السلك من بعضه ... و هو سايق ... و يحط الجاك بتاع السماعة فى السوكيت بتاعة التليفون .... و هو سايق ... و يلبس السماعة فى ودنه ... و هو سايق ... و يطلب النمرة .... و هو سايق .. و بعدين يتكلم فى السماعة ... و بيبقى مستغرب جدا ... ايه كل الناس الحقودة اللى وراه اللى عمالة تزمر له من غير سبب !!!
و غيرهم كتييييير
و تحياتى
ايه رايكم نضرب الى يخالف ونعاقبه اهو احسن من انه يعمل مصيبه برضو مش كدا ولا ايه :d
انا فى رائى عمر ما الشعب هيتصلح الا لما النظام نفسه يتصلح
واى شعب فى الدنيا مشاغب وهمجى ولكن النظام هوا الى يحكمه ويخليه ملتزم علشان كدا لو عايزين تتغيروا وتصلحوا نفسيكم غيروا الى فوقكم الاول وصلحهوهم بس يستحسن تغيروهم لان الاصلاح معدش ينفع خلاص
وربنا يجحمه الى دخل كميات العربيات النقل دى فى البلد لو حد بيسافر على طريق معدش هيشوف ملاكى خلاص كله بقى نقل وتريلات وشويه حمير جهلاء يادوب يعرفوا يبصموا الى سايقينها
فوقوا بقى
زود عليهم أخطاء وتقاليع المشاه؟؟
اللي لازم يعبر عند منزل كوبري ؟؟؟؟
واللي بيعدي ببرود في وسط الشارع وماشي بمبدأ العربية فيها فرامل هي تهدي أو تفاديني؟؟؟؟؟
واللي بيعدي الشارع في وسط الميدان مش من على خطوط المشاه ديه بقى تلاقيها ظاهره في ميدان طلعت حرب أو عمومآ ميادين وسط البلد؟؟؟؟
ياناس حرااااااااااااااااااااااا اااااام بجد كفاياكم الروح ديه ملك الله واللي يستهتر بحياته وحياة غيره ربنا يحاسبه عليها