كان عندي سؤال صغير يا شباب ...
بالنسبة لموضوع الرنجات بتاعة الجنوط .. أنهي الأحسن الرنجات الالمونية ولا الرنجات التفلون
و مين أحسن واحد ممكن اعملها عنده
عشان أنا لسة مركب جانت بس في رجا جامدة و الرجل بتاع الترسيس ألي ده محتاجة رنجات
عرض للطباعة
كان عندي سؤال صغير يا شباب ...
بالنسبة لموضوع الرنجات بتاعة الجنوط .. أنهي الأحسن الرنجات الالمونية ولا الرنجات التفلون
و مين أحسن واحد ممكن اعملها عنده
عشان أنا لسة مركب جانت بس في رجا جامدة و الرجل بتاع الترسيس ألي ده محتاجة رنجات
أنا دايماً بسمع عن الرينجات دية بس انا عندى جنوط سبور اصليه يمكن عشان كده مش محتاجه رينجات
الرنجات دى مهمة جدا بس الالمونيوم طبعا افضل بس الاصلى لانى التقليد بيتاكل بسرعة و لو عندك جنط اصلى يبقى الرنج ثمنة من 100 الى 200 الواحد بس دة مش للجنط الصينى
مش فاهم الرنجات دي يعني ايه ... ممكن صورة ليها عشان أفهم قصدكم على ايه ؟
الرنجات بتتعمل عند الخراط وياريت يكون مشهور وشفت الموضوع ده في الحرفيين وربنا يكفيك شر الحرفيين
يا جماعه انا ليا تجربه مع الجنوط الأسبور والرنجات دي ها اقولهلكم وفيها ان شاء الله الخلاصه
انا كان عندي عربيه اونو 2006 وجنوطها الأصلي(حديد) زي الفل وعلي السرعات العاليه(لحد 165كم) مكنش فيه اي مشكله
وكمان الجنوط الاصليه كان ليها غطا شكله حلو وما يتخلعش بسهوله لأنه مربوط تحت المسامير
لحد كده تمام
قعد واحد صحبي يزن عليا يزن عليا علشان اركب جنط اسبور بحجه انه ها يخلي شكل العربيه احلي بكتير
المهم رحت جبت طقم جنوط صيني بس شكله روعه وركبته علي نفس مقاس الكوتش الفبريكه اللي نازل علي العربيه
وهما بيركبوه بوظو مسمار
ولقيتهم ركبو الرنجات دي(بلاستيك)
المهم بعد ما عملت المسمار عند الخراط بعد فك الطنبوره وذهاب واياب ووجع دماغ
مشييت بالعربيه وعينك ما تشوف الا النور
العربيه بعد ال 80 زي الزفت --- رجرجه وعدم ثبات وقرف
المهم واحد صحبي قلي ان السبب في الرنجات دي لأنها بلاستيك
وأخدني عند خراط في مسطرد متخصص فك الأربع جنوط وعمل لهم فلانشه حديد علي المخرطه ( ركبت شحط ) دا بعد ما أخد المقاسات للجنط وللطنبوره
وفعلا العربيه بقت كويسه
الخلاصه
لو عربيتك ليها جنوط اسبور نازله بيها اوليها دي احسن بكتير علشان تشتري دماغك
لو عاوز جنوط اسبور يبقي لازم تجيب جنوط اصلي علشان ما يطلعش عينك مع ولاد اللذين دول
(مفيش احسن من الجنوط الفبريكه)
انا عندى الرنجات دى بلاستك وزى الفل من حوالى 3000كم
يا باشا بتبان مع السرعات
انتا اخرك كام؟
انا عندى رنجات بلاستك بقالها اكتر من 100 الف فى السيارة الانوس وزى الفل
المهم يكون مقاس الرنجات مناسب ومظبوط على الجنط والطنبورة
ياريت صوره للرينجات ياجماعة؟
شكرا
ياجماعة ياريت اللى ركب رنجات بلاستك كويسة يقولنا عملها فين وبكام واللى عملها حديد او غيرة وكويسة يقولنا عملها عند مين وبكام علشان الكل يستفاد
مش فاهم حاجة
ياريت صوره يا رجالة
انا عندى نفس الحكايه وخايف اروح اعملها فى المخرطه يعملها غلط وادوخ ايه رأيكم اركب الحديد بتاعت الفبريكه ولا اعمل رينجات فى المخرطه وايه احسن مخرطه عايز حاجه نضيفه بجد وانا الجنوط بتاعتى يابانى استعمال يابانى وتنصحونى بأيه و ايه الاخطار الى هيبقى لو ركبت الرينجات
متابععععععععع :049:
']حد يقولنا إية شكل الرنجات ولازمتها إية ولو يقدر يرفع صور ليها ولية مبتنزلش مع العربية لانىأعرف أن الرنجات دى بتاعت الفوانيس
الرنجات ديه حلقات كده فيه منها بلاستيك و حديد (خراط فقط ) بتتحط بين الجنط الاسبور و الطنبور علشان تمسك الجنط فى الطنبور اكتر و العربيه مترجرجش على السرعات
الصور
http://img.auto555.com/photo/product...heel-Ring-.jpg
http://www.good-win-racing.com/miata...icrings002.jpg
http://i100.photobucket.com/albums/m...i/CIMG0228.jpg
إنكان كدة تبقى متنفعش بلاستك لازم تكون حديد
ولية شركات تصنيع الجنوط متحطش الرنجات مع الجنوط
فوق البيعة يعنى بدل مانروح للخراط ونتعذب
العربية بتاعتى نازلة بجنوط حديد و لما ركبت الاسبور كان جى معاهم الرنجات بتاعتهم الألومنيوم و بعد حوالى سنة ابتدين احس برجرجة على السرعات العالية و بالصدفة اكتشفت ان الرنجات اختفوا من الأربع فرد و عرفت انو بتوع الكاوتش بياخدوهم و هما بيفوكوا الكاوتش و مش بيرجعوهم تانى و دلوقتى انا ماشى برنجات بلاستيك بقالها 15 ألف كم و الدركسيون بيبتدى يتهز على خفيف اوى من اول 160 كم/س و حيث انى مش بوصل للسرهة ده اصلاً غير فى مناسبات نادرة أوى اجلت الموضوع بس حيث انى هغير الطنابير الأمامية قلت بالمرة أركب فيهم رنجات حديد عشان أخلص من الموضوع.
فممكن حد يقول فيين الورشة اللى أروحلها عشان اهمل الموضوع ده و محدش يقوللى أو ورشة خراطة ، أنا عايز ورشة خراطة عملت لحد الموضوع ده قبل كده و لو فى كذا عضو هيعمل نفس الموضوع ممكن نروح كلنا مع بعض و ناخد من الراجل سعر احسن للمجموعة كلها
السلام عليكم
انا كنت لفيت شويه في موضوع الرنجات ده وعملتهم عند خراط بس للاسف طلعو مش مظبوطين والمشكله لسه موجوده لحد ما واحد صنايعي ترصيص وظبط زوايا دلني علي واحد خراط في المعادي وفعلا رحتله بجد راجل مفيش بعد كده ظبط الدنيا ع الاخر
عملتهم تيفلون والحمد لله ظبتتلي العربية جدا
اسمه عماد الخراط في المعادي صقر قريش ودا رقمة 01221274541