الموضوع: معطر للعربية بيعيش كتير

ياريت بس مايكونش ليها اضرار هى كمان

جزاكم الله خيرا على الإفادة..لكن أنا جربته من فترة وطلع مش قد كده...ريحته جميلة طبعا لكن عمره قصير كالمعتاد

علي فكره موضوع العطر الي فيه كيماويات ده مفيش منه اي ضرر خالص والله و علي فكره هي نفس المواد المستخدمه في جليد او في غيره انا كنت قريت الموضوع قبل كده بتاع العطر بتاع الصابون السايل ده و هو مفيهوش اي ضرر علي فكره خالص وانا والدي يملك مصنع بيتم فيه تصنيع هذه الروائح و اقدر اقولك انها مفيهاش اي ضرر خالص

طيب حضرتك ممكن تفسرلنا فرق السعر أو فرق الفاعلية من واقع معرفة والدك بهذه الأمور؟.....وجزاكم الله خيرا

المشاركة الأصلية كتبت بواسطة بحري

طيب حضرتك ممكن تفسرلنا فرق السعر أو فرق الفاعلية من واقع معرفة والدك بهذه الأمور؟.....وجزاكم الله خيرا

حضرتك فرق السعر ان الماده الكيماويه الي بتقولو عليها دي مادي في منها مركز الكيلو بتاعه ب 100 و ب 200 وكده انما الماده الي بتتباع في المحلات دي دي بتبقي مخففه ب الماء و الماء لما بيدخل علي هذه الروائح بيخلي ريحتها تفتح و تنتشر وحضرتك جرب الماده دي هاتها من اي محل وزودها ماء مش هتقولك لأ و هتلاقيها بترغي انما الماده المركزه منها مبترغيش علشان مش داخل فيها ماء واقدر اطمنك ان كل المواد الي داخله فيها كلها مصرح بيها و كلها مفيش منها اي ضرر
انما جليد ده بصراحه معرفش التركيبه بتاعته بس هو بيبقي نفس الرائحه و بيتضاف ليها بعض الاشياء (مفتيش معرفهاش) زي العطر بتاع جليد الجيل برده نفس الروائح كلها واحده ب أختلاف طريقه التصنيع
مع العلم الماده الي انتم خايفين منها دي ده مش صابون سايل دي رائحه بتدخل في الصابون السائل بس علشان تديلو رائحه مش اكتر و برده هي هي نفس الماده الي بتدخل في انواع الشامبوهات و الصابون العادي الي طول اليوم طبعا بنستخدمو هو و الشامبو يبقي من باب اولي منستخدمش الشامبو علشان في ملامسه للجسم و للبشره مش نيجي علي المعطر الي مبنلمسوش و نقول لأ ف هذه الماده داخله في كل ادوات التنظيف الي بنستخدمها يوميا ولا بتجيب سرطان ولا اي حاجه من الكلام ده و نوضوع الحساسيه ده بيبقي واحد عنده حساسيه من البرفيوم عادي انما مش علشان هو ماده كيماويه ما كتير مننا عانده حساسيه من الخوخ هل هو طعام مؤذي اكيد لأ انما موضوع الحساسيه ده عادي منه ولا قلق و مفيش سرطان ولا حاجه ول هيحصلنا حاجه يبقي هتحصل من الشامبو و الصابون العادي و الصابون السايل
معلومه اكيد كتير منكم ميعرفهاش و لو عرفها ممكن يبطل يستخدم الصابون العادي الي بنغسل بيه ادينا و وشنا كل يوم الصابون ده في صوده كاويه و دي ماده كافيه انها لو لمست الجلد نحرقه بس مبتعملش حاجه داخل الصابون
ارجو اكون قدرت اوضح

أستاذ (الزواوي).جزاكم الله خيرا على التوضيح
هو أنا في الحقيقة كنت باسأل على افرق بين هذه المادة المركزة رخيصة الثمن وبين الزيوت العطرية العادية التي نشتريها بغرض الاستخدام الشخصي أو للتعطير..حيث أن هذه المادة المستخدمة في الصابون أرخص ثمنا بكثير وأطول وأشد أثرا