:s1[1]:
انا الحمد لله اشتريت فلونس و مسافره بيها كمان اسبوع ,هل هي بتحتاج تليين و تمشي على 90 و مفيش تكييف و لا العربيات دي متلينه ؟
و ايه اخبار البنزين 92 و لا 95 ؟
شكرا مقدما
عرض للطباعة
:s1[1]:
انا الحمد لله اشتريت فلونس و مسافره بيها كمان اسبوع ,هل هي بتحتاج تليين و تمشي على 90 و مفيش تكييف و لا العربيات دي متلينه ؟
و ايه اخبار البنزين 92 و لا 95 ؟
شكرا مقدما
مبروك العربيه بتيجى متلينه و يفضل ان البنزيين لا يقل عن 92 انا بحط 95 فى الميجان
الف مبروك يا ليتل يعطيك خيرها ويكفيك شرها .. ياترى لونها ايه؟
السياره متلينه لكن ما تتخطي سرعة ال 100 اول 1500 كيلو
بالنسبه للبنزين نظريا 95 افضل لراحه الموتور واطالة عمرو لكن حسب كلام الاخوه اللي اشترو الفلونس مفيش فرق فالاداء بين بنزين 95 و بنزين 92
مبروك و إن شاء الله تتمتعوا بيها في الخير
أول 1000 كم أقصى قراءة rpm=3000 سواء بالتكييف أو بدون .
بنزين 92 ماشي الحال حسب ما هو مكتوب على غطا التانك .
ربنا يبارك لك فيها
ها تلففنا بها لفة امتى؟؟؟ :-)))))
الف مبروك انضمامك لنايل موتورز وانضمامك لعضوات المنتدى الافاضل
والف مبروك العربية
... وعليكي بالقيادة الهادئة والصيانة في مواعيدها
ونرجو سرد التفاصيل ..والسعر والمواصفات
ألف مبروك
أنا شغلت التكيف بس rpm ميعديش 3.5 أول 1500 كيلو ده كلام التوكيل
الف مبروك .. وحذاري من السفر في الكيلومترات الأولي .. المفروض يكون لفات الموتور علي مختلف الارقام ليطبع جميع الظروف
كما ان موضوع الموتور مايزيدش عن 3000 ار بي ام ده غلطة شائعة تؤدي الي عدم احكام غلق غرف الاحتراق عند اقصي قدرة و سعة لها
و ان كان ولا بد .. يبقي ممكن ماتزودش عن 3500.. بس لازم ما يبقاش علي طريق سفر عشان يكون فيه امبلاج .. يعني ضغط بنزين قوي حتي يصل الموتور ل 3500 و تريح تاني ثم تعيد الكرَه
الموتور نصف متلين صحيح و لكن ترويضه لأقصي أداء ليس الشيء الذي يستطيع ان يفعله الكثيرون
احنا اصلا جيران انا في المقطم برده :) اول ما الف انا بيها نبقى نعمل دعوه عامه
انا تخيلت ان السفر هيبقى احسن في التليين ,طبعا انا مفهمتش يعني ايه امبلاج
ربنا يباركلك فيها
السلام عليكم
ممكن نعرف كيفية التليين فى 15000 كم الاولى بالتفصيل
و ما الاحتياطيات الواجب اتخاذها فى التعامل مع العربية فى الاول
والله هو الموضوع كبير
بس الخلاصة .. ف أول 3 الاف كيلو
تخيل طبقة رقيقة من الكربون تتراكم ببطء حول الشيميز و البستم ف أخره و عند أخر شوطه
لو ما زقيتش الاجزاء دي لأخرها .. الطبقة دي حتمنع تغير مكانها عند المكان اللي ثبتت عليه
و بالتالي لجعل المكان ده مش ثابت .. يجب عمل امبلاج مستمر و تغيير عدد اللفات باستمرار و طريقة ضغط البنزين كذلك
و لوصول الالاجزاء لاقصي اماكنها .. يجب ضغط البنزين بقوة علي الاقل بدون الوصول لأخر العداد ( و لو ان فيه بعض المدارس بتقول لازم ) و ربنا يوفق
الف مبروك و ربنا يكفيكى شرها و يباركلك فيها
موضوع التليين زى ما الاخوة الافاضل قالولك المهم ان ال rbm لا يتجاوز ال 3500 اول 1500 كيلو مش مهم على سرعة كام و تشغيل التكييف ما فيهوش مشكلة
و اخيرا مرحبا بيكى اول عضوة من الجنس اللطيف فى رابطة حائزى الفلوينس
نسيت اقولك على البنزين انا شخصيا بستعمل 95 من اول يوم استلمت العربية فية علشان كدة مقدرش اقول لك فارق عن ال 92 او لأ لكن انا فضلت استعمل ال 95 من باب ان دة ال Recommended يعنى المفضل للحفاظ على الموتور و الحصول على افضل Performance لية لكن دة ما يمنعش ان ال 92 شغال بردة
و بالتوفيق ان شاء الله
اولا ألف مبروك
ثانيًا
الموضوع ببساطة شديدة استعملي العربية عادي جدا وشغلي التكييف وسافري و مفيش أي مشكلة.
كل الموضوع إنك تاخدي بالك أول1000 - 1500 km إن rpm مايعديش 3000 - 3500 ولو مسافرة يستحسن إنك تريحي في الطريق اكتر من مرة وتخلي سرعتك متغيرة مش ثابتة لفترة طويلة.
الفكرة إن في أول كيلومترات للعربية اجزائها كلها بتبقى محتاجة تطبيع على بعدها, العفشة , الفتيس, الفرامل و الموتور طبعا. الموتور بالذات بيبقى لسة فيه نسبة احتكاك عالية ممكن تسبب سخونة زيادة لو عدد لفات الموتور زاد وطبعا ده غلط على الموتور.
مرحبا بيك مش بيكى
انا اسمى طارق يا استاذ
الف مبروووووووووووووك
مبروووووووك
شكرا يا جماعه على ترحيبكم الحار و تهانيكم و اكييد هحاول اقولكم على الاخبار اول بأول :)
السلام عليكم
ان شاء الله هاستلم بكرة وكنت عايز اعرف
استلم ازاى الفلوينس؟
واية الاوراق اللى لازم استلمها من المعرض
وايه الحاجات اللى مع العربية
اخيرا استلمت العربية
مبرووووووووووووك
الف مبروك
وربنا يبارلك فيها ويكفيك شرها
ألف مبروووك .... ربنا يديلك خيرها و يكفيكي شرها
الف مبروك يا جميل و ربنا يبارك فيها و يكفيكى شرها
مبروك يا باشاااااااااااا
ازيكم يا جماعه ,انا لسه راجعه امبارح من شرم الشيخ ,خلصت اول 1000 كيلو الحمد لله على الطريق .
العربيه جميله الحمد لله ,غلبيتنا في الغسيل عشان الماده الي عليها دي ,كانت مخلييها خشنه حتى الفوانيس غسلناها في حوالى 6 ساعات .
انا حطيت بنزين 95 و انا مسافره ,شغلنا التكييف طول الطريق .
وصلنا شرم الشيخ و لسه معانا ربع التنك تقريبا مع ان جوزي جري بيها كتير على الطريق .و شغلنا الكروز اغلب الطريق .
تعليقي اولا : على العدادات بتاعت الرحلات ! العداد الي بيقولك البنزين الي معاك هيمشيك اد ايه بيفضل ثابت كتيير اوي او فجأه يزيد بمعدل غريب !!
ثانيا : و حنا راجعين مكنش فيه 95 في شرم الشيخ وحطيت 92 .التنك كان في الاخر و احنا عند مدينة الشروق مع اننا بقى مجريناش و كنا مثبتين على 90 ,هل ده فرق الاوكتين ؟
لا طبعا فرق الاوكتان ميعملش كده نهائى فرق الحرق مش 25% زياده !! انا ماشى ب 92 من اول ما جبت العربيه و سفرت مرتين اسكندريه صد رد عادى جدا..بنسبه لعداد البنزين هو بحسب الكميه على حسب السرعه و الضغط على دواسه البنزين علشان كده هو ممكن يتغير من وقت للتانى على حسب طريقه القياده و الاستهلاك بيقل فى السرعات العاليه عموما
ألف مبروك على السيارة الجديدة وربنا يباركلك فيها بس اهتمى بالصيانة بتاعتها فى مواعيدها و أوعى تطنشى اى مشكلة تظهر فيها وربنا معاكى
مش شرط يكون فرق اوكتان فى عوامل كتيير مثلا الهوا المقابل للعربية بيكون قوى فبيقلل من عزم العربية
يقوم اللى سايق ضاغط بنزين أكتر فالعربية تستهلك اكتر ...... اوقات كتيير كانت بتحصلى وانا راجع من شرم
فمتقلقيش دى حاجة عادية وألف مبروك على العربية وربنا بحميها
من العين ويكيفكم شرها
الف الف مبروك
اولا .. العداد لما بيحسب الكمية في التانك تمشي قد ايه بيتغير حسب الاستهلاك .. يعني جوه البلد و انت لسه مفول التانك تلاقية بيقولك ( علي النظام ده حتمشي 400 كيلو بالكتير ) و بعد ما تمشي علي السريع فترة يقولك ( ده لستهلاك كويس و كده ممكن تمشي 800 كم )
نسبة انضغاط موتور الميجان ( و الفلونس ) بتقول ان افضل بنزين هو 93 اوكتان .. فالفرق بين 95 و 92 مش كبير
الف مبروك .. ربنا يبارك لك فيها
الف مبروك .. ربنا يبارك لك فيها