سعدوني ياوحوش اليروتون

**tornado_5m** · 16-05-2010 01:56 PM

السلام عليكم ورحمة الله وبركاته
كان عندي كام سؤال كده انا عملت حادث بسيط بالجين 2010 ونتج عنه انفجار 2 كوتش وانحناء في المساعد الامامي الايمن وغيرت الكوتش و واحد عفشجي قالي هنعمل حركه كده في المساعد بحيث يخرجه بره شويه وفعل حصل والعربيه ماشيه تمام مع العلم اني مواظب على الصيانه عن عز وفي بوم الجمعه سفرت بالعربيه ووجتها على السرعات العاليه فوق 120 فيه رجه في الدركسيون فقررت اغير المساعد ومش عارف اجيبه منين ولا سعره كام ومش هجيبه من التوكيل علشان سعره مبالغ فيه شويه لان في ناس قالولي ان موديل 2010 يختلف عن الي قابله في نوع المساعد وشكله وياريت اعرف سعره
تاني حاجه الشماسه الخلفيه يمين انكسرت في واحد ابن حرام كان بيحاول يسرقها في سوق الجمعه ومش عارف برده اجبها منين مع العلم اني من طنطا
واسف على الاطاله وشكراا جزيلاا ليكم جميعا

**msafa** · 17-05-2010 07:26 AM

فداك يا باشا العربية و اهم حاجة انك كويس

اولا موضوع الرجة دي غالبا بتبقى ترصيص فهل انت رصصت الكاوتش الجديد؟
هو عموما مش هيكلفك غير 20 جنيه للفردتين بس نقى واحد نضيف

بخصوص المساعدين انا اساسا مش برجح ي حد يلعب في العفشة بتاعة البروتون خصوصا اللي قدام الا لو واحد معروف، و موضوع حركة المساعدين دي انا شايف ان سلامتك اهم مليون مرة من 100 مساعدين و كويس انك هتغيره

انت بس رصص الاول عشات تعرف العيب منين بالضبط

وربنا يوفقك و يعوضك خير

**momopersona** · 17-05-2010 07:33 AM

زى ما استاذ مصطفى قالك
فعلا رصص واكشف على الكاوتشات الاول يا باشا

وان شاء الله ماتعوزش تغير حاجه
بس نصيحه وديها لعفشجى فاهم بردو يكشفلك على كل حاجه احتياطى عشان العفشه دى حاجه مافيهاش هزار زيها زى الفرامل كده

بالنسبه للشماسه دى لو قصدك على المثلث اللى فى شباك الباب الخلفى دى بسيطه هاتلائيها فى الحرفيين بسهوله