سؤال بخصوص الكروسيه الكامل للشاسيه الوسط

**Ahmed_Gallant** · 20-05-2010 09:55 AM

المشاركة الأصلية كتبت بواسطة m!na

ايه الأسعار ديه؟!!!!!!!

دا واضح أنه فعلا عايز يكرمك و يديلك الحاجة بسعر لقطة !!!!!!!!!!!!!!!!

يا باشا الكلام اللي بتقول عليه ده مبااااااااااااااااااااالغ فيه جدااااااااااااااااااااااا ااااااا

نزلت عند مكرم في وكالة البلح؟؟

ياريت لو تنزل و تقوللي النتيجة....

و أنا هرجعلك قريب بخصوص تجار الاستيراد في القناطر و في بلبيس...

انا ان شاء الله هنزل واقولك بس انا منزلتش وكاله البلح غير مره واحده يا ترى مكرم ده قريب من الشارع ولا لا والمفروض الاسعار تكون كام تقريبا يعنى الكنبه والمساعدين وكده عشان ابقى عارف وميتعملشى عليا شغل

**M!NA** · 20-05-2010 10:42 AM

المشاركة الأصلية كتبت بواسطة acoal

انا ان شاء الله هنزل واقولك بس انا منزلتش وكاله البلح غير مره واحده يا ترى مكرم ده قريب من الشارع ولا لا والمفروض الاسعار تكون كام تقريبا يعنى الكنبه والمساعدين وكده عشان ابقى عارف وميتعملشى عليا شغل

المشاركة الأصلية كتبت بواسطة m!na

انزل اسأل عند مكرم (وكالة البلح) - خلف البنك الأهلي....

الأسعار ديه تقدر تعرفها من اللف الكتير....

و خدها قاعدة... مفيش تاجر بيقولك سعر نهائي... اللي بيقوللك 20 ألف قوللو أنا معايا 8 آلاف بس... هتوصلوا مع بعض لحد 12 في الآخر...
اللي يقولك 15.. قوللو أنا معايا 5... يقولك ماينفعوش.. قوللو طب أدفعهم و أبعتلك الباقي... طب أنا ممكن أزودهم لحد 6... 7... و هكذا...

فصال يعني... هتلاقي نفسك بتنزل أكتر من تلت السعر اللي قالهولك في الأول...

**sava** · 20-05-2010 11:07 AM

يا ريتك يا استاذ مينا تعرفلنا تجار استيراد الجيب فين
انا اعرف واحد صاحبي جاب عربيه جيب رانجلر موديل 1997 نصفين بالماكينه و الفايبر و كل حاجه كامله فيه مش ناقصها حاجه خالص ب 21 الف
بس تقريبا مش بترخص

**sava** · 20-05-2010 11:12 AM

يا ريتك يا استاذ مينا تعرف لنا تجار استيراد الجيب فين
واحد صاحبي جاب عربيه جيب رانجلر نصفين كامله مش ناقصها حاجه خاص (بالماكينه و الفايبر و كل حاجه) ب 21 الف بس تقريبا مش بترخص

**Ahmed_Gallant** · 20-05-2010 03:38 PM

شكلى عشان طلعت من الشغل عليهم على طول ولابس قميص وبنطلون راحوا افتكرونى افندى على العموم انا دلوقتى بقيت اسال اكتر من 14 مره عشان اشترى حاجه ب 100 حنيه :) انا بقى هنزل تانى بس بالعفريته وحبه الشحم الجميل ونتكلم بقى فى الاسعار براحتنا واستنونى لما اروح الوكاله واسال هناك انا هكتب الاسعار المره دى ان شاء الله

**Metastable** · 30-05-2010 01:39 PM

طيب معلش للمقاطعه ... ممكن سؤال ؟
حد يعرف سعر المرايات الجانبيه للرانجلر الاصلي .. ؟
عشان سألت واحد فاتح محل استيراد في المعادي .. في صقر قريش ... قاللي الواحده 250 جنيه ... هي فعلا كده ؟

**M!NA** · 30-05-2010 01:48 PM

المشاركة الأصلية كتبت بواسطة ....stable

طيب معلش للمقاطعه ... ممكن سؤال ؟
حد يعرف سعر المرايات الجانبيه للرانجلر الاصلي .. ؟
عشان سألت واحد فاتح محل استيراد في المعادي .. في صقر قريش ... قاللي الواحده 250 جنيه ... هي فعلا كده ؟

بس؟؟ دي رخيصة خالص... أنا لو منك أقوللو أنا شكلي هبقا زبونك الدايم.... و ما دايم غير وجه الله....

بص أنا مش هفتي و أقولك سعرها كام عشان معرفهوش....

بس أبسط و أسهل حل على الإطلاق.... أنك تجيب جوز كفوف مرايات دايهاتسو (اللي أصغر من الجامبو) و تخلي حداد يعمللك قاعدة ليهم في الباب.... لو حداد نضيف هيعملهالك و هيبقا شكلها أحسن من الفابريكة...

و بكدا يوم أما مرايتك تتخبط... تنزل تجيب الكف كله ب 12 جنيه (على أقصى تقدير) - و أصلا ممكن تجيب شوية تخليهم عندك إحتياطي

**Ahmed_Gallant** · 09-06-2010 09:24 AM

السلام عليكم
انا نزلت امبارح البدروم وجبت الاسعار وكانت بصراحه مبشره جدا بعد ما مؤمن جيب خلانى اصرف نظر عن تظبيط العربيه وابيعها كمان
كان فى حاجات محتاجها ضرورى فى العربيه بس برده سالت على شويه حاجات تانيه بس للعلم بالشئ
1-جوز مساعدين ورا جداد 140
2-كنبه حالتها متوسطه بس ثابته مش بتضم 250
3-رفارف فيبر مصرى ورا 70
4-رفارف فيبر مصرى قدام 100
5-مرايات رانجلر اصليه 80 العادىيه و100 الاستالس
6-باب الشنطه الصاج 350
7-بابين الجنب رانجلر حديث بيبدأ من 2500 للجوز
8-تابلوه رف 120
9-رفرفين+كبوت+شبكه مربعه 2500