ازاى احول العربيه من انجكشن لعاده

**karim2001** · 16-05-2010 06:24 PM

السلام عليكم ورحمة الله وبركاته
كنت عملت حادثه بالعربيه بونتو موديل 94 و بعد ما خلصت وكانت بطلع دخان اسود ولا بتتكشف على الكمبيوتر مفيش كمبيوتر عاوز يكشف عليها و الرشاش بيقطع عند 4500 لفه والحياه كانت دمار
انا قلت فى عقل بالى هل ممكن احولها اونوا والغى الكارته خالص واركب كربيراتير عادى واسبيراتير وكلام من دا واريح دماغى من وجع قلب الانجكشن

بس قلقان من قوه الموتور هتبقى عامله ازاى وكمان السحب واستهلاك البنزين ولو حبيت ابيعها

ايه الحجات المطلوبه وتتكلف كام مع استهلاكى للبنزين هيكون قد ايه مع العلم انى هش هتقيد بنوع بنزين وهبقى عايش

ودمتم سالمين

**kaza** · 17-05-2010 06:16 PM

ممكن تتحول هتشيل جسم الرشاش وتركب مكانة كربرايتر وتعملة الوصلات بتاعتة وطبعا هتركب اسبراتير بس انا ماعرفش الموتور بتاعك اية علشان اقولك علي القطع البديلة وبعديت لية الانجكشن تاعبك اوي كده لو بيقطع علي 4500 غير حساس الكرنك طالما الطلمبة عندك متاكد من سلامتها

**macdiv** · 17-05-2010 06:22 PM

المشاركة الأصلية كتبت بواسطة kaza

ممكن تتحول هتشيل جسم الرشاش وتركب مكانة كربرايتر وتعملة الوصلات بتاعتة وطبعا هتركب اسبراتير بس انا ماعرفش الموتور بتاعك اية علشان اقولك علي القطع البديلة وبعديت لية الانجكشن تاعبك اوي كده لو بيقطع علي 4500 غير حساس الكرنك طالما الطلمبة عندك متاكد من سلامتها

+++1111 هو يبدو ان بورده الكونترول هيه اللي فيها مشكله و الله اعلم . يريت العضو يوضح اكتر ايه مشكلته بالظبط اللي عشانها عايز يغير

**karim2001** · 17-05-2010 11:22 PM

لالا يا جماعه الحمد لله مش هحتاج اغير حاجه ولا اصلح حاجه الحمد لله
العربيه اتباعت النهارده ب 23000 وبارك الله فيما رزق
العربيه حلو عليها السعر دا خاصة انى عامل بيها حادثه فى الوش اكلت الوش خالص و كان المفروض اغير تلت بس مغيرتش فا العربيه طالعه لوحه سنه بس محدش هياخد باله وكمان برضو كان فيه بنطتين لحام فى الشاسيه من الجناب علشان الشد والسحب بتاع العربيه

ربنا يباركلمكم على اهتمامكم
وادعولى اجيب واحده كاروا اى حاجه حاكم انا متبهدل بقالى 3 شهور