سؤال بخصوص تشغييل التكييف فى الالف الاولى

**semsem8100** · 17-05-2010 12:10 AM

أنا عامل بالعربيه حتى الان حوالى 860 كيلو وان شاء الله هعمل صيانه الالف يوم الجمعه القادم وهكون عديت الالف بس كانت النصيحه أنى لا أتجاوز سرعه 90 ولا أشغل التكييف قبل الالف كيلوا الاولى وعمل صيانه الالف هل فى مشكله لو بدأت أشغل التكييف من الان علشان لو فى مشكله أكتشفها قبل الصيانه ولا أيه رأيكم .. برجاء الافاده ولكم جزيل الشكر

**gsmegy** · 17-05-2010 12:16 AM

والله انا من رأيى انك تستنى اما العداد يعمل الالف علشان تبقى مدى المحرك حريتة لانك لو شغلتة دلوقتى هيبقى حمل علية وهوة دلوقتى فى بداية تشغيلة
وفى الاول والاخر الموضوع يرجع ليك
بس مجرد انك تمشى على التعليمات علشان المحرك يبقى معاك كويس ان شاء الله
وعقبال ال 100000

**M!SHO** · 17-05-2010 12:27 AM

موضوع التكييف ده فيه كلام كتير وناس بتأيد وناس بترفض وانا عن نفسى شغلته على طول اول لما جبت العربيه بس مشغلتوش كتير ....
ولو عايز تشغله شغله وان شاء الله مفيش اى مشاكل وبالمره تجربه فى الحر الشديد ده قبل متروح الصيانه عشان لقدر الله لو فيه حاجه تقولهم ...

**gsmegy** · 17-05-2010 12:34 AM

ههههههههههههههههه
الموضوع انى مقتنع بأن تشغيل التكييف فى الالف الاولى مش مفيد للمحرك
والمحرك فى الوقت داة بيبقى محتاج معاملة خاصة علشان تقدر تستفيد منة بعد كدة
وحتى على الاقل لما تغير الزيت بتاع اول الف
تمنياتى بالتوفيق
م / محمد صالح
مهندس بتوكيل نيسان
واى مساعدة انا فى الخدمة

**M!SHO** · 17-05-2010 01:11 AM

المشاركة الأصلية كتبت بواسطة gsmegy

ههههههههههههههههه
الموضوع انى مقتنع بأن تشغيل التكييف فى الالف الاولى مش مفيد للمحرك
والمحرك فى الوقت داة بيبقى محتاج معاملة خاصة علشان تقدر تستفيد منة بعد كدة
وحتى على الاقل لما تغير الزيت بتاع اول الف
تمنياتى بالتوفيق
م / محمد صالح
مهندس بتوكيل نيسان
واى مساعدة انا فى الخدمة

هههههههههههههه
تشرفنا يا فندم
والموضوع ببساطه انى قريت مشاركات كتير لناس بثق فى كلامهم من المنتدى بتأكد ان التكييف ملوش علاقه بفترة التليين وفيه مناقشات كتيره فى الموضوع ده وانتهت ب مفيش مانع من تشغيل التكييف ...
والعموم اكيد حضرتك ادرى منى بما انك من التوكيل ومش هتفرق ده كلهم 140 كيلو كمان ويكمل الالف
تقبل مرورى

**Elsayed** · 17-05-2010 08:25 AM

انا لم اقرأ اى حاجه عن التكييف فى كتالوج السياره فى فترة التليين ولا كمان السرعه 90 او غيره وانما كان اهم شىء هو عدم تخطى عدد لفات المحرك ال 4000 لفه.
فأعتقد توكل على الله وشغل التكييف مفيش مشكله وانا عملت كده من اول يوم

**hanyaly** · 17-05-2010 10:27 AM

على فكره انا سألت فى التوكيل عن نفس السؤال وكانت الاجابه بالرفض والتحذير وقالو ان المكيف هيكون حمل على المحرك والمحرك بيكون فى فتره التشغيل الاولى محتاج انك تعامله معامله خاصه فنصيحتى لك ان تصبر بعد صيانه الالف

**aiman0173** · 17-05-2010 05:10 PM

المشاركة الأصلية كتبت بواسطة hanyaly

على فكره انا سألت فى التوكيل عن نفس السؤال وكانت الاجابه بالرفض والتحذير وقالو ان المكيف هيكون حمل على المحرك والمحرك بيكون فى فتره التشغيل الاولى محتاج انك تعامله معامله خاصه فنصيحتى لك ان تصبر بعد صيانه الالف

واضح إن الموضوع في وجهات نظر مختلفة لأني لما سألت في التوكيل قالوا مفيش مشكلة من تشغيلة من أول يوم ، وعموما الكتالوج مجبش سيرة عن الموضوع دا والحاجة الوحيدة اللي مذكورة في الكتالوج عن فترة التليين (على ما أتذكر) هي عدم المشي على سرعات ثابتة لمدة طويلة خلال ال 1600 كم الأولي ، والله أعلم

**AhmadKamal** · 17-05-2010 07:27 PM

Good afternoon,

The important thing is that the engine's rpm never exceed 3000 rpm in the first 1000 Km,

the ones from the agent that told U about not operating the A/C before the fisrt 1000 Km are horses,

wallaho a3lam,

Cheers

**mohamedhamam** · 17-05-2010 07:58 PM

لابد و أن تجرب التكييف قبل صيانة الـ1000 كم و من الخطأ تشغيل التكييف بإستمرار أثاء أول 1000 كم و لكن يمكنك تجربته و أنت ماشى على سرعة 90 كم للحكم عليه فقط و ليس تشغيله بإستمرار و للكشف هل هناك أى مشكلة أم الوضع طبيعى بدون أى مشاكل و فى هذه ظروف التشغيل فقط لن يتسبب تشغيله فى أى مشكلة بالمرة