اوكتافيا ايه 4 2002

**hardman20060** · 17-05-2010 03:54 PM

المشاركة الأصلية كتبت بواسطة ENG\AHMED

شكلك هتفتح معرض وتشتغل تاجر

ياباشا مبروك مقدما وربنا يحفظهالك ان شاء الله

انا هقولك اللى اعرفة عنها هن تجربة لمسافة قليلة فى عربية 2006 اوتوماتيك
بالنسبة للموتور 1.6 16 صمام , طلعتها بطيئة وتحس بتقل العربية بس مش هتعوز منها حاجة وتقولك لأ
يعنى طول مابتدوس الموتور فية
عاملة زى الفكترا 1.6 طلعتها وقورة مش هتتنطط وتزعق زى عربيات تانية حتى لو طلعت قارص ومهما تدوس هتجيب
موتورها انعم من الفكترا 1.6 الموتور الاسود

الصالون ضيق وبالذات من ورا يعنى الفكترا اوسع بفرق كبير بس قعدتها مريحة , عفشتها زى باقى الالمانى مش ناعمى بس مش هتقطم ضهرك فى المطبات والشرواع المكسرة

الشنطة مغارة بس على حساب الصالون
شنطة واسعة جدا دة غير ان العربية ليفت باك يعنى الشنطة والزجاج حتة واحدة زى الهاتشباك يعنىى ممكن تقلبها نص نقل وتحمل براحتك

عربية ثابتة جدا , تقفيلها نضيف وخامات محترمة .. عربية بامضاء vw !!
تكييفها محترم جدا , فيها كومبيوتر رحلات وفى منها بفتحة سقف وفى منها بجنوط
درج التابلوة ضيق مش زى الفكترا

الشاسية بتاعها مشترك مع الجولف 4 والبورا والليون

قطع غيارها اللى اعرفة انها مش غالية بالعكس مناسبة جدا خصوصا بعد ماشوفت اسعار قطع غيار لل A5 فى التوكيل ولقيتها تقريبا فى نفس رينج الفكترا B فى التوكيل او اقل كمان فى بعض حاجات وبالاخص الاكسسوارات الخارجية زى الاكصدامات والفوانيس مع ملاحظة فرق العمر بين العربيتين

الله ينور عليك ياباشا انت وصفت العربيه بالظبط حسستني كاني سايقها

**ENG\AHMED** · 17-05-2010 06:00 PM

المشاركة الأصلية كتبت بواسطة hardman20060

الله ينور عليك ياباشا انت وصفت العربيه بالظبط حسستني كاني سايقها

وعليك ياباشا

**tananybasha** · 17-05-2010 10:34 PM

الحمد لله
مليش نصيب فيها
اتعملت عليا برتيته عشان يرفعوا السعر
و انا بمنتهى البساطه سبتهم و مشيت و مسكت فى اخويا و صاحبة فى التليفون و اديتهم من المنقى خيار و لما تعرفوا رجاله يا .......... و الذى منه بقى
لما كلمت عاطف صالح قاللى متسبهمش انا لو مكانك كنت مسكت فيهم و طلعت منهم بخمس تلاف جنيه
انا على العموم مستنى اشوف بكره اخويا و اشوف صاحبة اللى جايب العربية هيعمل ايه
و ربنا يسهل و اقولكم على اخر التطورات
العربية بجد تحزن اى حد
العربية اللزقة اللى على الكاسيت و التابلوه زى ما هى
الكراسى مفيش غير كرسى السواق و الكنبة اليمينن اللى اتعقد عليهم
كرسى قدام فابريكه
تكييف ما شاء الله الكترونى
شاشة معلومات فى النص فيها بيانات كتير قوى
صوت الموتور مش ناعم خشن كعادة المواتير الألمانى
الشنطه بقى الكتالوجات بقفل الشركه هى و شنطة العده و الأستبن ملمسشى الأرض حتى اللزقه اللى على فانوس الشنطه زى ما هى
العربية مفيهاش خدش والله ولا خدش
لونها فضى بس تحس انه مقفول شوية
الموتور شحم الفابريكه عبيه
الكنبه ورا واسعه مش ضيقة ولا حاجة
الشنطه تقعد فيها فيل بزلومه ما يبنش
و الحمد لله و اللى يشاءه ربنا يكون بقى لو ليا نصيب فيها هاخدها لو مليش يبقى ربنا رايد كده
و الف شكر ليكم بجد

**tananybasha** · 17-05-2010 10:46 PM

قاعد عند الراجل على القهوه هما مش تجار بس هما اللى هيبيعوا العربية و بعد ما اتفرجت و تمام التمام
واخد معايا 5000 جنيه فى جيبى ربط كلام و هاستلم العربية و التوكيل بكره و تمام قوى كده
لقيت اللى دخل ايه يا خالد انت بتعمل ايه ش قلتلك العربية دى بتاعتى و اتفقنا قاله ده من طرف فلان شريكهم فى البيعه طيب انا حاطط فى العربية دى كذا لقيت اللى بيبص طيب انت ترضالنا بالخسارة يا بيه احنا نقسم البلد نصين
قلتلهم لا نصين و لا ربعين و ما دام بتعامل مع خواجات يبقى تغور
و قمت مسكت اخويا و صاحبة اللى شريكهم فى التليفون و خلتهم ما يسوش بصله يسبب حرقة الدم اللى كنت فيها
قدر الله و ما شاء فعل

**tananybasha** · 17-05-2010 10:57 PM

انا سبت اخويا بقلة ادبة براذلته عليهم و هاشوف يعمل ايه معاهم

**tananybasha** · 17-05-2010 11:08 PM

العربية هتطلع من عينى
والله لو طالعه من المعرض ما هتبقى بالنضافة و الجمال ده
و هاشوف بقى انا و نصيبى

-

-

-

-

الموضوع: اوكتافيا ايه 4 2002

LinkBack

أدوات الموضوع

عرض

-

-

-

-

المواضيع المتشابهه

بورا , اوكتافيا a4 , باسات ( 2002 -2004 )

مطلوب اوكتافيا 2002-2003 الاسكندرية

للشراء اوكتافيا 2002-2003 الاسكندرية

مطلوب اوكتافيا 2002-2003 الاسكندرية

مطلوب شراء اوكتافيا من 2002 الى 2003

الكلمات الدلالية لهذا الموضوع

المفضلات

المفضلات

ضوابط المشاركة