ايه رأيكم فى العربية دى
وقعت قدامى واحده 2002 عاملة 35000 مانيوال كامله
تسوى كام و ايه عيوب و مزايا العربية دى
عرض للطباعة
ايه رأيكم فى العربية دى
وقعت قدامى واحده 2002 عاملة 35000 مانيوال كامله
تسوى كام و ايه عيوب و مزايا العربية دى
عربية جميلة جدا امسك فيها متسبهاش
تموره حبيب قلبى يا رافع روحى المعنوية
تسوى كام و هابعتلك على الخاص السعر اللى جالى و قللى ايه رأيك بس بسرعه
و ايه عيوةبها و مميزاتها
عربية جميلة
ربنا يبارك للى هياخدها
انا بافكر اخدها و هاقولكوا ليه
بس اشوف ارائكم الأول هى لونها فضى بتاعت مستشار
اوعى تسيبها يا طنانى ..
عيوبها ضيقه شويه من ورا ...
و هتحس انها تقيله عشان انت راكب 2000 ...
بس متعه يا رااااااااجل ..
ربنا يكرمك و تاخدها بسعر كويس ان شاء الله ..
خالد باشا ربنا يخليك بس هى ضيقة قوى يعنى و شنطتها عامله ايه
الجرى مش مهم الأهم الثبات و قطع الغيار
بس برضوا محدش قال تلعب فى كام
الف شكر يا باشا
انا 180 سم يعنى معقول و باحب الكرسى فى الوضع الطبيعى مش مكفى لور
العربية انا هاروح اشوفها بكره فى المعادى ان شاء الله الساعه 7
العربية كاملة مانيوال فضى 35000 كم
هاكشف عليها بس راجع الخاص و رد عليا
يعنى يا تامر اتوكل على الله و اروح اشوفها و اكشف عليها و اعتمد
انا هاستلف فلوسها عشان اجيبها
تامر هاكلمك الصبح اشحن تليفونى عشان قاطع و اتكلم معاك
ربنا يباركلك روح شوف وعاين بنفسك وربنا يجبلك اللى فيه الخير
والأوكتافيا جميله ماشاء الله
العربيه دى محترمه بشهاده كل اللى جربوها
و الشنطه بتاعتها ما شاء الله واسعااااااااااااااااااااا ااااااااااااااا
و الثبات من الاخر
كانت مع خالى ومشكلتها فى الصالون مش اكتر
انا ركبتها وسقتها عربيه ركوبتها جميله وثابته اوي وتكييفها تمام بس هي عربيه ناشفه شويه بس بجد محترمه واعتقد ان سعرها هيكوم في حدود 65.
تعمل من 75 ل 80 ألف لو أوتوماتيك وساعات توصل ل 85 علي حسب الحالة طبعا ، قول ممكن تنزل 5 آلاف عشان مانيوال ...ألف مبروك مقدماً.
هو طالب كام؟
تحياتي.
ايه ده يا عم طنانى و الله عيب كده انا هنا و انت بتسأل ماشى يا كبير عموماً مش هافوتهالك توكل على الله و السعر المناسب فى حدود 60 لو الموتور الصغير بتاعه المعوقين و لو الموتور الكبير بتكون فى حدود 65
و العربيه دى ثابته جداً عفشه ممتازه مش ناشفه شنطتها حاجه تغيظ الصالون مش واسع بس ماينفعش تقول عليه ضيق قطع غيارها بتراب الفلوس لأن كلها بتاعه الجولف 4 و دى عدى على وجودها 13 سنه يعنى مفيش نواقص و الكلام الفارغ بتاع الموديلات الجديده
الاستيراد منها مغرق الدنيا يعنى حاجه محترمه من الاخر اكشف و توكل على الله .
شكلك هتفتح معرض وتشتغل تاجر :M_yes[1]:
ياباشا مبروك مقدما وربنا يحفظهالك ان شاء الله
انا هقولك اللى اعرفة عنها هن تجربة لمسافة قليلة فى عربية 2006 اوتوماتيك
بالنسبة للموتور 1.6 16 صمام , طلعتها بطيئة وتحس بتقل العربية بس مش هتعوز منها حاجة وتقولك لأ
يعنى طول مابتدوس الموتور فية
عاملة زى الفكترا 1.6 طلعتها وقورة مش هتتنطط وتزعق زى عربيات تانية حتى لو طلعت قارص ومهما تدوس هتجيب
موتورها انعم من الفكترا 1.6 الموتور الاسود
الصالون ضيق وبالذات من ورا يعنى الفكترا اوسع بفرق كبير بس قعدتها مريحة , عفشتها زى باقى الالمانى مش ناعمى بس مش هتقطم ضهرك فى المطبات والشرواع المكسرة
الشنطة مغارة بس على حساب الصالون
شنطة واسعة جدا دة غير ان العربية ليفت باك يعنى الشنطة والزجاج حتة واحدة زى الهاتشباك يعنىى ممكن تقلبها نص نقل وتحمل براحتك
عربية ثابتة جدا , تقفيلها نضيف وخامات محترمة .. عربية بامضاء vw !!
تكييفها محترم جدا , فيها كومبيوتر رحلات وفى منها بفتحة سقف وفى منها بجنوط
درج التابلوة ضيق مش زى الفكترا
الشاسية بتاعها مشترك مع الجولف 4 والبورا والليون
قطع غيارها اللى اعرفة انها مش غالية بالعكس مناسبة جدا خصوصا بعد ماشوفت اسعار قطع غيار لل A5 فى التوكيل ولقيتها تقريبا فى نفس رينج الفكترا B فى التوكيل او اقل كمان فى بعض حاجات وبالاخص الاكسسوارات الخارجية زى الاكصدامات والفوانيس مع ملاحظة فرق العمر بين العربيتين
الحمد لله
مليش نصيب فيها
اتعملت عليا برتيته عشان يرفعوا السعر
و انا بمنتهى البساطه سبتهم و مشيت و مسكت فى اخويا و صاحبة فى التليفون و اديتهم من المنقى خيار و لما تعرفوا رجاله يا .......... و الذى منه بقى
لما كلمت عاطف صالح قاللى متسبهمش انا لو مكانك كنت مسكت فيهم و طلعت منهم بخمس تلاف جنيه
انا على العموم مستنى اشوف بكره اخويا و اشوف صاحبة اللى جايب العربية هيعمل ايه
و ربنا يسهل و اقولكم على اخر التطورات
العربية بجد تحزن اى حد
العربية اللزقة اللى على الكاسيت و التابلوه زى ما هى
الكراسى مفيش غير كرسى السواق و الكنبة اليمينن اللى اتعقد عليهم
كرسى قدام فابريكه
تكييف ما شاء الله الكترونى
شاشة معلومات فى النص فيها بيانات كتير قوى
صوت الموتور مش ناعم خشن كعادة المواتير الألمانى
الشنطه بقى الكتالوجات بقفل الشركه هى و شنطة العده و الأستبن ملمسشى الأرض حتى اللزقه اللى على فانوس الشنطه زى ما هى
العربية مفيهاش خدش والله ولا خدش
لونها فضى بس تحس انه مقفول شوية
الموتور شحم الفابريكه عبيه
الكنبه ورا واسعه مش ضيقة ولا حاجة
الشنطه تقعد فيها فيل بزلومه ما يبنش
و الحمد لله و اللى يشاءه ربنا يكون بقى لو ليا نصيب فيها هاخدها لو مليش يبقى ربنا رايد كده
و الف شكر ليكم بجد
يلا خير
بس برتيته ازاى يعنى؟
قاعد عند الراجل على القهوه هما مش تجار بس هما اللى هيبيعوا العربية و بعد ما اتفرجت و تمام التمام
واخد معايا 5000 جنيه فى جيبى ربط كلام و هاستلم العربية و التوكيل بكره و تمام قوى كده
لقيت اللى دخل ايه يا خالد انت بتعمل ايه ش قلتلك العربية دى بتاعتى و اتفقنا قاله ده من طرف فلان شريكهم فى البيعه طيب انا حاطط فى العربية دى كذا لقيت اللى بيبص طيب انت ترضالنا بالخسارة يا بيه احنا نقسم البلد نصين
قلتلهم لا نصين و لا ربعين و ما دام بتعامل مع خواجات يبقى تغور
و قمت مسكت اخويا و صاحبة اللى شريكهم فى التليفون و خلتهم ما يسوش بصله يسبب حرقة الدم اللى كنت فيها
قدر الله و ما شاء فعل
نفس الحوار الفكسان دا حصل معايا و انا بشترى عربية لواحد صاحبى بتفرج عليها مبدأى لقيت الى جاى يعمل كدا كان طالب فيها 37 قلتله ما تسواش فى نظرى أكتر من 27 لو هتبيع كلمنى و سيبناهو مشينا
و على فكرة كدا غالبا العربية فيها حاجة مستخبية لأن فى العربية الى شوفتها طلعت مغيرة مكنة و الباشا كان بيقولى المكنة بتاعتها دا غير الكراسى المبهدلة الى كان فاككها ساعتها
انا سبت اخويا بقلة ادبة براذلته عليهم و هاشوف يعمل ايه معاهم
يعم متكبرش الموضوع خلاص طنش ملكش نصيب فيها وخلاص
ده انت باين عليك العربيه ملعلعه فى عينك
العربية هتطلع من عينى
والله لو طالعه من المعرض ما هتبقى بالنضافة و الجمال ده
و هاشوف بقى انا و نصيبى
طب طالما هى كده مضحتش معاهم ليه
عموما ربنا يجعلها من نصيبك
قدر الله وما شاء فعل يا طنانى
و متزعلش نفسك ربنا مش ريدهالك و ده كل خير من عند ربنا
تأكد حتى لو مخدتش العربية انة خير , ربنا مبيجيبش حاجة وحشة
الحوار اللى بتتكلم فية دة شغل تجار لأن ببساطة لو العربية كانت حالتها زى مابتقول كان طلب السعر الاعلى من البداية
مش حاسة طريقة كلام مستشار
اتعمل معايا حركة شبيهة فى عربية استرا 1.6 وطلعت فيها خبطة صغيرة من قدام مسمعة فى الشاسية
بيبقى الهدف من الحركات دى انة يحلى العربية فى عين الزبون
هو الراجل موكلهم فى بيع العربية و هما شباب محاسبين شغالين فى مكتب كبير مش تجار عربيات بس طمعوا قوى
الحمد لله على كل شئ وقدر الله وماشاء فعل
وبعدين يا طنانى اللى مكتوب لك هتأخده وإن شاء الله العربية دى تيقى بتاعتك ولو ربنا مش رايد متزعلش
عشان يمكن يحصل حاجة لو إشتريتها (يعنى تأخد عين ولا حاجة بس مش فى العربية فى حد من أولادك )(ربنا يحميهم ويبارك فيهم)
فعشان كدة ربنا مش بيجيب حاجة وحشة أبدا
واحمد ربنا على كل شى
الحمد لله
انا مش زعلان على العربية اللى مزعلنى طريقة الناس فى المعامله
انا من الناس اللى كلمتى سيف على رقبتى و مستنى تعامل الناس معايا كده
لا يا عم سحس الكلام دة كان زمان
إنما دلوقتى
الراجل مش بس بكلمته .......الراجل برعايته لبيته وأسرته
ههههههههههههههه
والله الواحد بيعانى فعلا من تعاملات الناس (لو بيبعولك حاجة وحشة بيلزوقهالك باى طريقة ولو حاجة كويسة بيتنكو عليك )
مانا قلتلك يا طنانى انت الغلطان كنت اضرب كرسى فى الكلوب و فيها لأخفيها و انا المعلم احمد ابو كامل و خاص
على العموم زى ما فى اخ هنا قال طالما ماخدتهاش يبقى ربنا عايزلك الخير و كان ممكن يحصل حاجه مش كويسه فاحمد ربنا و خيرها فى غيرها .
بس انا كان رأيي يا طناني كنت طول في القعده شويه وإفهم الليله ماشيه إزاى وتحاول بالعقل توديهم للي إنتا عايزه