استهلاك زائد فى البنزين + تقطيع على السلانسية - نوبيرا 2004

[OVERLINE] [/OVERLINE][OVERLINE][/OVERLINE][OVERLINE]
[OVERLINE][/OVERLINE]السلام عليكم و رحمة الله و بركاته
يا جماعه عاوز اى حد يفيدنى فى الموضوع ده لحسن انا خلالالالالالالالالالاص هتجنن
الموضوع باختصار
من اسبوعين كده اشتريت نوبيرا 2004 1600 cc و لاقيت فيها مشكلتين 1- استهلاك البنزين عالى جدا بتعمل 5.5 كم فى الليتر 2- بتقطع جامد على السلانسيه و بتبطل لما بنقل من التانى الى الاول مثلا و انا داخل على اشارة ولا حاجة
المهم روحت لميكانيكى بيقولوا عليه كويس فقالى لازم نغير حساس الاكسجين و بالفعل غيره بواحد استيراد بــ100 جم لكن المشكلة فضلت زى ما هيه فقالى لازم نغير حساس البوابه ( ادلر ) ( هوة قالى كده ) و بالفعل قلت سمعا و طاعه لكن برده مازالتالمشكلة قائمة فقالى نغير ال agr و هوة حاجة مدورة كده جنب البوجيهات و خارج منها خرطوم لانه جرب يشيل الخرطوم ده منه فظبطت لكن ما فيش سحب خالص فقلتله ماااااشى و بالفعل التقطيع اتحسن جدا لكن استهلاك البنزين مازال زى ما هوة
اعمل ايييييييييييييييييييييييه
خلاص هتجنن
الحقوووووووووووونى يا جماعه انا مش عارف اعمل ايه و مش عاوز ارجع للميكانيكى ده تانى لكن مضطر بعد اللى غيره ده كله لانى مش عاوز اروح لواحد تانى يبدأالموضوع من الاول
الحقونى يا جماعه من ساعه ما جيبت العربية و انا متعذب
اه على فكرة
المالك اللى فات قالى انه غير الرشاشات لنوع اخر بيوفر فى البنزين و بالفعل الميكانيكى اللى انه روحتله ده اكد على كلامه و فال ان نوع الرشاشات دة ممتازة
افيدونى افادكم الله
الحقووووووووووووووووووووو وووووووووووووووونى
[/OVERLINE]


__________________________________

العضو الفاضل

ممنوع الكتابه باللون الأحمر للأعضاء

اللون الأحمر مخصص للمداخلات الأداريه

يرجى مراجعة قواعد المنتدى


مشرف قسم الورشه

من الكلام دة وانت بتقول انك غيرت حساس الاوكسيجين مافيش حاجة تؤدي الي استهلاك زائد في البنزين غير الرشاشات وفلتر الهواء (نسبيا) لازم تتاكد من كمية ضخ الرشاشات عند واحد بتاع تنظيف رشاشات وتفير فلتر الهواء وبرضة علشان تتاكد من الرشاشات دور العربية وقف بجانب الشكمان وشوف لو ريحة العادم فيها ريحة بنزين نيئ غير تام الاحتراق ولا لا كل دة واحنا متاكدين ان حساس الاوكجين اللي ركبتة بحالة جيدة

الرشاشات عيب الدايو المعروف
مش محتاجه لف ولا دوران

كان لازم تحط العربيه على الاسكانر الاول قبل ماتغير اي حساس عشان لو بايظ هايبان على الكمبيوتر بدل ماتغير على الفاضي

بالنسبه للاستهلاك
غير فلتر البنزين و فلتر الهواء
و غيرت الزيت ولا لسه
و غيرت سير الكاتينه ولا لسه

و بالمرة نضف البوابه و بلف الايدل
و شوف ايه اللى هايحصل

وممكن تقولنا بتحسب البنزين ازاي؟؟

ايه يا جماعه محدش عاوز يرد عليا ؟؟؟؟

اقتباس:

---

المشاركة الأصلية كتبت بواسطة Moh_Zaher

كان لازم تحط العربيه على الاسكانر الاول قبل ماتغير اي حساس عشان لو بايظ هايبان على الكمبيوتر بدل ماتغير على الفاضي

للأسف لم افعل هذا !!!

بالنسبه للاستهلاك
غير فلتر البنزين و فلتر الهواء
و غيرت الزيت ولا لسه
و غيرت سير الكاتينه ولا لسه

و بالمرة نضف البوابه و بلف الايدل
و شوف ايه اللى هايحصل

غيرت فلتر البنزين و الميكانيكى قالى ان فلتر الهواء مش محتاج تغيير هوة و سير الكاتينة لانها جديدة و نضفلى البوابة و بلف الايدل

وممكن تقولنا بتحسب البنزين ازاي؟؟

بمون لحد ما بنزين يظهر من فتحة التانك و اصفر العداد و اعمل 100 كم و امون تانى

[OVERLINE]بارك الله لك معلش تعبتك معايا[/OVERLINE]

---

طب البوجيهات اخبارها ايه و سلوك البوجيهات

و زيت المكنه و الفلتر غيرتهم ولا لسه

و ياريت تغير سير الكاتينه لانك ماتعرفش اللى قبلك غيره من امته لانه اخره بيكون 40 الف كلم و ده مافيهوش هزار يعني غيره و ريح دماغك

و ممكن تحط العربيه على الاسكانر قبل ماتعمل اي حاجة عشان تشوف لو فيه حساس فيه مشكله لان ممكن حساس الشكمان لانه برده استيراد ممكن مايكونش شغال بالكفاءه اللازمة

اقتباس:

---

المشاركة الأصلية كتبت بواسطة Moh_Zaher

كان لازم تحط العربيه على الاسكانر الاول قبل ماتغير اي حساس عشان لو بايظ هايبان على الكمبيوتر بدل ماتغير على الفاضي

بالنسبه للاستهلاك
غير فلتر البنزين و فلتر الهواء
و غيرت الزيت ولا لسه
و غيرت سير الكاتينه ولا لسه

و بالمرة نضف البوابه و بلف الايدل
و شوف ايه اللى هايحصل

وممكن تقولنا بتحسب البنزين ازاي؟؟

---

كلام سليم:satelite:

غيرت البوجيهات و السلوك بتاعتهاو الزيت ادامه شوية لسه لونه و لزوجته كويسين و هغيرهم كمان 10 ايام كده همه و الفلتر
اما سير الكاتينة ففعلا قلت للميكانيكى يغيرهم لكن كشف علهم و قالى حرام دى لسه جديدة و بتعمل 40 كم لكن للأمان امشى بيها 20 كم بس و تعالى اكشفلك عليها
فتهيألى انه امين و الا كان غير و خد مصنعية و خلاص

اما بالنسبة للأسكانر فحضرتك تفتكر اوديها للتوكيل ولا ممكن عند اى ورشة فيها جهاز انا سمعت ان فى واحد فى الحرفيين
و يا ريت لو تعرف حد كويس قولى عليه لأن ظروف الشغل قد لا تسمح بالذهاب للتوكيل صباحا

رشاشات بلا ادنى شك

اقتباس:

---

المشاركة الأصلية كتبت بواسطة titonasr4u

غيرت البوجيهات و السلوك بتاعتهاو الزيت ادامه شوية لسه لونه و لزوجته كويسين و هغيرهم كمان 10 ايام كده همه و الفلتر
اما سير الكاتينة ففعلا قلت للميكانيكى يغيرهم لكن كشف علهم و قالى حرام دى لسه جديدة و بتعمل 40 كم لكن للأمان امشى بيها 20 كم بس و تعالى اكشفلك عليها
فتهيألى انه امين و الا كان غير و خد مصنعية و خلاص

اما بالنسبة للأسكانر فحضرتك تفتكر اوديها للتوكيل ولا ممكن عند اى ورشة فيها جهاز انا سمعت ان فى واحد فى الحرفيين
و يا ريت لو تعرف حد كويس قولى عليه لأن ظروف الشغل قد لا تسمح بالذهاب للتوكيل صباحا

---

ماتتاخرش في في الزيت والفلتر بتاعه
مش هاتفرق النهارده من 10 ايام

الاسكانر بقى فيه في الحرفين اكيد ناس كويسه بس للاسف معرفش حد هناك

و تفتكر الجهاز ممكن يبين اذا كان عيب رشاشات ولا لأ

الف شكر انا تعبتك معايا بس ممكن الجهاز يبين اذا كان العيب فى الرشاشات ولا لا
انا سمعت ان فيه عيوب ما يبينهاش الجهاز ولا هوة بيبين كل حاجة
و اذا كان كده فالمفروض محدش يخلى اى ميكانيكى يحط ايده فى العربية الا بعد ما تعدى على الجهاز

هو حضرتك ساكن فين يوجد أسكانر في ورش كتير

فيه اجهزه اعتقد بتبين نسب فتح و غلق الرشاشات

هوه حضرتك بتستخدم بنزين كام
و بتحرق على الغيارات ولا سواقتك هاديه

انا ساكن فى مصر الجديدة فهل يوجد ورشة حضرتك سمعت انهم كويسين موجودة ناجية مصر الجديدة

اما بخصوص البنزين فالمالك السابق كان بيحط 90 و قالى استخدمه خاصة ان غطا التانك عليه استيكر ارشادات باستخدام البنزين الــ90
تفتكرا لانه الـ92 ما كانش نزل فى 2004 ولا لآنه فعلا لازم نستخدم الـ90
على العمومانا بحط دلوقتى 90 لكن ساعات كده لما الاقى التانك فاضله 10 ولا 15 لتر اروح حاطط 92 اهو يرفع من الكفائة شوية
اما بخصوص سواقتى فانا مابحبش الجرى و حرق الغيارات ولا بحب اسمع صوت الماتور خالص
يعنى بتعامل معاها بكل ذوق و رقة

يا titonasr4u باشا
عصر الميكانيكيا الللى بيفتو انتهى خلاص داوقتى تحط العربية على الجهاز يقلك فيها ايه
لو حساس مثلا بايظ تماما او ضعيف الجهاز هيقولك فيها اية بدون ما حد يفتى حتى لو الرشاشات فيها مشكلة برضو الجهاز هيقولك
بمعنى لما تروح لدكتور و انت بتشتكى من حاجة و يقولك اعملى تحاليل او اشعة يبقى الدكتور دا بيتشغل صح
و دلوقتى الجهاز موجود فى كل حتة بس المهم اللى بيستعمله يكون فاهم فيه
فى حد فى شبرا عنده جهاز و فاهم كويس و دا تليفونه 0122543011 اسمه انطون
و طمنا

نصيحه منى الجهاز ثم الجهاز ثم الجهاز ده انت تبوس ايدك انى عربيتك فيها كنترول ، انا عندي فى البولو فى تقطيعه على التاني كانت بتظهر فى الاسبوع مره الميكانيكي قالي تعاله نجرب أنا وهو نص ساعه مفيش اى حاجه قالي العربيه تمام ، روحط لواحد عنده الجهاز قالي نجرب أخد العربيه حرق علي كل الغيارات قالي عربيتك جميله ماشاء الله ومصمم انى العربيه مفيهاش والجهاز مش حيقرا حاجه ، قولتلوا تصدق لما تحطها على الجهاز حتطلع ايرور وفعلاً كان فى ثلاث اخطاء متسجلين من حاجات عمر ماحد حياخد باله منها ، عشان كده حطها على الجهاز ممكن يكون ايرور محتاج يتمسح بس

اقتباس:

---

المشاركة الأصلية كتبت بواسطة estemalek

يا titonasr4u باشا
عصر الميكانيكيا الللى بيفتو انتهى خلاص داوقتى تحط العربية على الجهاز يقلك فيها ايه
لو حساس مثلا بايظ تماما او ضعيف الجهاز هيقولك فيها اية بدون ما حد يفتى حتى لو الرشاشات فيها مشكلة برضو الجهاز هيقولك
بمعنى لما تروح لدكتور و انت بتشتكى من حاجة و يقولك اعملى تحاليل او اشعة يبقى الدكتور دا بيتشغل صح
و دلوقتى الجهاز موجود فى كل حتة بس المهم اللى بيستعمله يكون فاهم فيه
فى حد فى شبرا عنده جهاز و فاهم كويس و دا تليفونه 0122543011 اسمه انطون
و طمنا

---

الف شكر يا باشا انا تعبتكم معايا جدا و هتصل بيه ان شاء الله فى اقرب فرصة
بس هدور على حد عنده الجهاز قريب منى ولو مالقيتش هروح عنده ان شاء الله خاصة انى ساكن فى مصر الجديدة و الميكانيكى جنبى

و اشكرك مرة اخرى

اقتباس:

---

المشاركة الأصلية كتبت بواسطة mesho_kimi

نصيحه منى الجهاز ثم الجهاز ثم الجهاز ده انت تبوس ايدك انى عربيتك فيها كنترول ، انا عندي فى البولو فى تقطيعه على التاني كانت بتظهر فى الاسبوع مره الميكانيكي قالي تعاله نجرب أنا وهو نص ساعه مفيش اى حاجه قالي العربيه تمام ، روحط لواحد عنده الجهاز قالي نجرب أخد العربيه حرق علي كل الغيارات قالي عربيتك جميله ماشاء الله ومصمم انى العربيه مفيهاش والجهاز مش حيقرا حاجه ، قولتلوا تصدق لما تحطها على الجهاز حتطلع ايرور وفعلاً كان فى ثلاث اخطاء متسجلين من حاجات عمر ماحد حياخد باله منها ، عشان كده حطها على الجهاز ممكن يكون ايرور محتاج يتمسح بس

---

انت عندك حق يا باشا انا فعلا لازم اروح للجهاز و كفاية اللى عمله فيا الميكانيكى ده - انا اول مرة اروحله بعد ما واحد اعرفه قعد يشكرلى فيه - لكنه ما طلعش ميكانيكى ده طلع بتاع كفته لانه مدفعنى لحد دلوقتى حوالى 500 جم و قعد يبدلى فى الحساسات ياخد اللى عندى و يحطلى مكانهم من عنده قال ايه بيجرب و لما سئلته عن الحساسات بتوعى بعد ما العيب ظل كما هو قالى واحد طلع بايظ و التانى مش لاقيه و هكذا بس بصراحة علشان ما اظلموش هوة غيرلى الـــ AGR ( و هيه حاجة مدورة جنب البوجيهات شبه طبق الفنجان كده و على فكرة كان قديم من عنده برده لكن التقطيع راح من بعد ما غيره ) لكن ما زال نزيف البنزين قائم

بس انا حاسس انى باختصار .............اتنصب عليا :mad2::H_angry[1]::mad2::H_angry[1]:

[overline]
يا جماعه انا حطيت العربية على الجهاز و الجهاز قال ان ما فيش حاجة و كله تمام و الميكانيكى قالى ان العيب ممكن يكون ان الرشاشات عاوزة تتنضف و بالصــــــــــدفـــــــــ ــــــــــــة ....هوة عنده جهاز تنظيف للرشاشات على مرحلتين مرة بالمادة المخصوصة و مرة بالألتراسونيك ( انا افتكرت العربية حامل و هيعملها سونار )
المهم ماكدبتش خبر و قلتله دوس و نضف شغال ... و بالفعل نضفت الرشاشات ...........و النتيجة..........
ولا حااااااااااااااجة و زى ما احنا و استهلاك البنزين زى ما هوة 6كم فى اللتر يعنى 120 كم فى الصفيحة
مع ملاحظة ان الميكانيكى قال ان الرشاشات دى فعلا موفرة فى البنزين حيث انها جديدة و رشاشات هيونداى و شكر فيها و الجهاز قال انها سليمة

حد يقولى اعمل ايه بقى لحسن انا هتجنن خلالالالالالالالالالالالا لالاص
[/overline]

اولا ياباشا مافيش حاجة اسمها حساس كدة يتغير مرة واحدة الاول الحساس بيتنظف جاب نتيجة واشتغل تمام يبقى خير وبركة ماجابش نتيجة خالص يبقى يتغير لكن انة يغيرلك الحساس من غير مايحطها على جهاز دة كدة بيفتى فعلا
بالنسبة للتقطيعة فدية من حاجتين ,عيب فى الرشاشات وفلتر البنزين مسدود ,لائما عيب فى البوجيهات وخلى بالك ممكن تكون حساب توقيت فتح وغلق الرشاش مش مظبوط على وحدة التحكم بتاعتك ecu
بالنسبة لاستهلاك البنزين العالى ياريت تحطها على اسكانر وتشوف حساس الmaf عندك اخبارة اية لانة بيزود استهلاك البنزين وبيعمل خنقة للعربية نتيجة لعدم ظبط كمية الهواء مع كمية البنزين شوف كدة الحساس دة وقول اية الاخبار

ما انا حطيتها فعلا على جهاز و قالى ان ما فيش حاجة و كله تمام و يمكن يكون من الرشاشات فلازم ننضفها و بالفعل نضفتها

يعنى انا دلوقتى عامل الاتى:-

- مغير بوجيهات
- مغير سلك بوجيهات
- مغير فلتر بنزين
- مغير agr و دى حاجة جنب البوجيهات زى طبق الفنجان كده و داخل لها خرطوم رفيع ( و ده صلح عيب التقطيع بنسبة 99% )
- مغير حساس اوكسجين ( او شكمان ) و هوة حساس بعد الماتور و فى بداية الفرن
- مغير حساس بوابة ( ادلر )
- تم تنظيف البوابة بالاسبراى
- تم تنظيف فلتر الهوا حيث انه جديد
- تم تنظيف الرشاشات بالجهاز ( و هى رشاشات هيونداى جديدة و المفروض انها موفرة للبنزين و ده بناء على افادة 2 ميكانيكى غير بعض و غير اللى مركبها .

و لحد دلوقتى بتعمل 120 كم فى الصفيحة يعنى 6 كم فى اللتر و بحسبها صح جدا يعنى بفول لحد ما البنزين يظهر على شفة التنك و اصفر العداد و اقطع مسافة و افول تانى بنفس الطريقة و اقسم عدد الكيلو من العداد على عدد الليترات
يا اخونا ده انا حتى شكيت فى البنزينة فجربت الموضوع مع اكثر من بنزينة

يا جماعه انا هتجنن خلالالالالالالاص..... يا تلحقونى يا اما هركب العربية و انط بيها من البلاكونة علشان انتقم منها

طبعا بهزر لانى ............هرميها بس مش هكون جواها .......اما بخصوص البلاكونة فدى ممكن تحصل لانى خلاص شكلى هركنها فى البيت من كتر ما انا مش لاقى مكان اركن من الزحمه

مش بقولكوا اتجننت خلاص

اقتباس:

---

المشاركة الأصلية كتبت بواسطة titonasr4u

ما انا حطيتها فعلا على جهاز و قالى ان ما فيش حاجة و كله تمام و يمكن يكون من الرشاشات فلازم ننضفها و بالفعل نضفتها

يعنى انا دلوقتى عامل الاتى:-

- مغير بوجيهات
- مغير سلك بوجيهات
- مغير فلتر بنزين
- مغير agr و دى حاجة جنب البوجيهات زى طبق الفنجان كده و داخل لها خرطوم رفيع ( و ده صلح عيب التقطيع بنسبة 99% )
- مغير حساس اوكسجين ( او شكمان ) و هوة حساس بعد الماتور و فى بداية الفرن
- مغير حساس بوابة ( ادلر )
- تم تنظيف البوابة بالاسبراى
- تم تنظيف فلتر الهوا حيث انه جديد
- تم تنظيف الرشاشات بالجهاز ( و هى رشاشات هيونداى جديدة و المفروض انها موفرة للبنزين و ده بناء على افادة 2 ميكانيكى غير بعض و غير اللى مركبها .

و لحد دلوقتى بتعمل 120 كم فى الصفيحة يعنى 6 كم فى اللتر و بحسبها صح جدا يعنى بفول لحد ما البنزين يظهر على شفة التنك و اصفر العداد و اقطع مسافة و افول تانى بنفس الطريقة و اقسم عدد الكيلو من العداد على عدد الليترات
يا اخونا ده انا حتى شكيت فى البنزينة فجربت الموضوع مع اكثر من بنزينة

يا جماعه انا هتجنن خلالالالالالالاص..... يا تلحقونى يا اما هركب العربية و انط بيها من البلاكونة علشان انتقم منها

طبعا بهزر لانى ............هرميها بس مش هكون جواها .......اما بخصوص البلاكونة فدى ممكن تحصل لانى خلاص شكلى هركنها فى البيت من كتر ما انا مش لاقى مكان اركن من الزحمه

مش بقولكوا اتجننت خلاص

---

يبقى زى ماقولتلك الecu بيخلى الرشاشات ترمى بنزين اكتر من المعتاد ,طيب ياريت تتابع رائحة العادم اللى خارجة من الشكمان

ياعم ماتتجننش ولا حاجة ان شاء الله بسيطة
قولي الاول انت بتحسب الاستهلاك جوه البلد ولا على طريق سريع و على سرعه كام

اقتباس:

---

المشاركة الأصلية كتبت بواسطة semsem kane

يبقى زى ماقولتلك الecu بيخلى الرشاشات ترمى بنزين اكتر من المعتاد ,طيب ياريت تتابع رائحة العادم اللى خارجة من الشكمان

---

طيب هوة ايه الــ ecu ده و اعمل ايه علشان اظبطه اذا كان ولا ميكانيكى جابلى سيرة عنه ؟؟

اما رائحة العادم ففعلا فيه رائحة عادم بنزين نى و لكن خفيفة و ده حسب كلام ميكانيكى

اقتباس:

---

المشاركة الأصلية كتبت بواسطة m.zaher

ياعم ماتتجننش ولا حاجة ان شاء الله بسيطة
قولي الاول انت بتحسب الاستهلاك جوه البلد ولا على طريق سريع و على سرعه كام

---

لا هتجنن

انا بحسب الاستهلاك ده جوة البلد و ما حسبتهاش بره البلد و بحسبها جوة البلد و غالبا السرعه بتكون من 40 كم الى 70 كم انت عارف الطرقات و الشوارع عاملة ايه ؟؟

لكن اشمعنا السؤال ده هيفيدنا بإيه ؟؟

على العموم انا عارف انى تعبتكم معايا لكن انا فعلا مش عارف اعمل ايه خاصة انى روحت التوكيل و سئلت مهندس هناك و من غير ما يبص ولا يجرب ولا اى حاجة قالى ..........استهلاك البنزين يا اما من حساس الاكسجين او من الرشاشات و الرشاشات الطقم بــ 1700جم
انا خايف اروح التوكيل يدخلونى فى قصة تعمل 2000 جم على الفاضى

افيدونى افادكم الله

اقتباس:

---

المشاركة الأصلية كتبت بواسطة titonasr4u

لا هتجنن

انا بحسب الاستهلاك ده جوة البلد و ما حسبتهاش بره البلد و بحسبها جوة البلد و غالبا السرعه بتكون من 40 كم الى 70 كم انت عارف الطرقات و الشوارع عاملة ايه ؟؟

لكن اشمعنا السؤال ده هيفيدنا بإيه ؟؟

على العموم انا عارف انى تعبتكم معايا لكن انا فعلا مش عارف اعمل ايه خاصة انى روحت التوكيل و سئلت مهندس هناك و من غير ما يبص ولا يجرب ولا اى حاجة قالى ..........استهلاك البنزين يا اما من حساس الاكسجين او من الرشاشات و الرشاشات الطقم بــ 1700جم
انا خايف اروح التوكيل يدخلونى فى قصة تعمل 2000 جم على الفاضى

افيدونى افادكم الله

---

طب معلش جرب تحسبها على السريع يعني فول العربيه وصفر عداد الرحلات و خدلك مشوار يجي 100 كيلو كده و بعدين فول تاني و شوف اخدت كام لتر و اقسم عدد اللترات على الكليو متر اللى العداد حسبها و شوف عملت كام؟؟؟

على فكره انا معايا نوبيرا بتعمل جوه البلد من 150 ل 180 كلم
و على السريع بتعمل 260 ل 280 كلم في الصفيحة

وبعدين لو هاتغير رشاشات هات بتاعت البي ام m40 طقم رشاشات بوش استيراد جامد جدا هايفرق معاك جامد جدا في الاستهلاك و السحب ب 200 جنيه بس
وسيبك من الجديد ده تماما واوعى تعملها و تجيب جديد لان كده كده الرشاشات بتاعت الدايو بتبوظ بعد فتره

اقتباس:

---

المشاركة الأصلية كتبت بواسطة m.zaher

طب معلش جرب تحسبها على السريع يعني فول العربيه وصفر عداد الرحلات و خدلك مشوار يجي 100 كيلو كده و بعدين فول تاني و شوف اخدت كام لتر و اقسم عدد اللترات على الكليو متر اللى العداد حسبها و شوف عملت كام؟؟؟

على فكره انا معايا نوبيرا بتعمل جوه البلد من 150 ل 180 كلم
و على السريع بتعمل 260 ل 280 كلم في الصفيحة

وبعدين لو هاتغير رشاشات هات بتاعت البي ام m40 طقم رشاشات بوش استيراد جامد جدا هايفرق معاك جامد جدا في الاستهلاك و السحب ب 200 جنيه بس
وسيبك من الجديد ده تماما واوعى تعملها و تجيب جديد لان كده كده الرشاشات بتاعت الدايو بتبوظ بعد فتره

---

انا متشكر ليك جدا ....هجرب ان شاء الله و اقولك