الموضوع: سؤال غريب ؟

هقولك إيه ولا إيه؟؟؟؟
شكلك لسه طالب..أو لسه مادخلتش في طاحونة الحياة..معمعة الشغل

جرب تكون موظف ...والراتب بتاعك في حدود الـ500 جنيه
جرب تكون صاحب شغل خاص بتدفع عليه ضرايب وتأمينات وأجـــور عمال وإيجارات
جرب تاخد المدام وتنزل تشتري هدوم ليها وللعيال
جرب تروح تجدد رخصتك وتلاقي عليك مخالفات في مناطق عمرك ماروحتها ..ومخالفات بألــووووووف
جرب ظابط حليوة يوقفك في كمين ..ويديك مخالفة على بادج إنت حاطه على عربيتك..في الوقت إلي العربية الملاكي بتاعت نفس الظابط واقفة فيميه سوبر دارك ومن غير لوحات كمان
جرب تروح تشتري كيلو سكر ..تلاقيه تمنه -بقدرة قادر-من 3 جنيه ..يطلع لحد 5 جنيه
جرب تروح تعمل حاجة في عربيتك في التوكيل
جرب تروح تخلص ورقة في مصلحة حكومية
جرب تصحى الصبح تلاقي الوزير المحترم عامل ضرايب على التي شيرت إلي إنت لابسه...هههههههههههه
جرب تقف في لجنة ..وتلاقي الظابط بيكلمك بتناكة وقرف...وجرب تروح بلد أوروبية وظابط يوقفك ويضحك في وشك ويقولك"حضرتك..وسيادتك ..ومن فضلك...وبعد إذنك"
جرب تتظلم في أي بلد بره ..وشوف سفارتك حكومتك هتقف جمبك إزاي؟؟؟
جرب تلاقي نفسك ماشي على طريق ..هوبااااااااااااااااااااا ا..تلاقي مطب من غير علامات إرشادية..تاكله
وتروح تغير عليه قواعد مكنة ومساعدين بأكتر من ألف جنيه...من غير ذنب ليك
جرب تمشي على طريق سريع وتلاقي نفسك نازل في بلاعة تقلبلك عربيتك
جرب تروح بلد أوروبي وتقوله إنك مصري وتفتخر....شوف هيبصلك إزاي؟؟؟
جرب تكون الأول على دفعتك ..وبقدرة قادر..ماتتعينش..وييجي واحد أقل منك في التقدير يتعين
جرب تقف في طابور البطالة
جرب تموت على شواطئ اليونان وإيطاليا
جرب تمشي في مظاهرة علشان تطالب بحقك ...هترجع بإعاقة مستديمة




أقول كمااااااااان؟؟؟