الموضوع: هو انا مجنون (علشان فكرت فى الجواز)

السلام عليكم هو موضوع مكرر بس يا جماعة بصراحة انا احترت جدا
انا اهلى رافضين فكرة الجواز للااسباب شوية غريبة
المهم دلوقتى انا عندى 25 ودة واحد من ضمن اسباب الوالد انت لسة صغير اوى
الحمد اللة شغال ومتثبت والدنيا تمام الحمد اللة
الشقة المشكلة كلها والى قاعد فى اسكندرية عارف انها بقت عاملة ازاى بعد المحافظ الجديد

ووالدى واعدنى انو فى خلال 6 شهور هيكون جايبها وهينقل هو فيها مع والدتى وانا واخويا هنفصل القتين بتعان (احنا ساكنين فى شقتين مفتوحين على بعض)
بس بقا من ساعت ما قولت عايز اقرا فتحة فى ال 6 شهور دول وكأنى كفرت علشان انا فى واحدة مختارها وشايف فيها اغلب الصفات الى انا عايزها (ليس كل ما يتمناة المرء يدركة )
الوالد انت لسة صغير والبنات كتير ومش هيخلصوا وكلام كدة والبنت دى اكيد بتمثل عليك
والدتى ربنا يسهل لما تيجى الشقة نبقى نشوف
اخويا بص لمستقبلك الاول وانسى كل الكلام دة دلوقتى المهم انك تبقى اعلى من كدة


دى ارائهم لما افتح الموضوع اخواتى البنات مش بيتكلموا فى الموضوع
انا اصغر واحد فيهم
بس هل انا اتجننت انى فكرت فى حاجة زى كدة ولا اية
هل هما ارائهم اية
مع العلم انا كنت شاب مستهتر جدا فى مواضيع البنات دى وعملت اخطاء كتير ربنا يسامحنى عليها بس كنت قولت قبل كدة لو ربنا وفقنى فى واحدة تمام هتوكل على اللة وحسيت بكة بعد ما اتكلمنا وبدا يكون فى ارتباط التثبت والمرتب فى فترة صغيرة


يعنى انا بصراحة مش فاهم حاجة وبتكلم معاكو ا علشان بجد انا برتاح فى نايل جدا جدا
واسف انى طولت عليكم بس بحاول اشرحلكم
شكرا

المشاركة الأصلية كتبت بواسطة أحمد كمال

مش هاقول لك اكتر من

اسمع كلام اهلك

بدل ما بعد كام سنة تقول لهم انتم كنتوا على حق

و صدقني

دايما بيطلعوا على حق

استاذ احمد كمال انا بحترم مواضيعك وكلام حضرتك لو هنتكلم بالمنطق الشائع فى المجتمع يبقى محدش هيتجوز خالص
يعنى بعد الجواز نكد وقرف والبنت بتتحول يعنى الى هما هيختاروها مش هتتحول
ولا رئى حضرتك اية