الموضوع: مجزرة الطالبية

الصدمة يا رجالة ان الثالث مات كمان وامهم بصحوها تانى يوم لقوها ميتة من الحسرة

انا مقدرتش اكمل الفيديو , ياه يا ناس على البنى ادم لما بيتدبح من بنى ادم زيه كدا بدون اى رحمه

الناس دى قلوبها شكلها ايه وبتعيش حياتها كدا ازاى

استرها علينا يارب

الله يرحمهم

المشاركة الأصلية كتبت بواسطة wawoo

انا مش فاهم اية علاقة الحادث دة باللى بيحصل للمصريين فى الخارج ...هو حضرتك تعرف بلد مش بيحصل فيها حوادث قتل هو فى بلد مافيهاش مجرمين ...

تحب احكيلك عن حوادث قتل فى انجلترا نفسها و فى امريكا نفسها بيحصل فيها اية من البشاعة بدرجة لا يمكن تتخيلها ..

هو معنى ان بلد فيها مجرمين ان دة يكون مبرر ان موطنيها يتسحلو و يقتلو فى الدول الاخرى ..مش فاهم اية المنطق دة ؟؟؟

هو اية المطلوب من الدولة مثلا انها توفر عسكرى لكل مواطن ولا كاميرا تراقب حركة كل بنى ادم ...مهو المجرمين موجودين بيننا و فى اى فرصة ممكن اجرامهم يطلع و يرتكبو جريمتهم ..هى الدنيا كدة دار ابتلاء و حيكون فى اخرة كل الناس حتتحاسب و المجرمين حيترمو فى جهنم و الصالحين مكنهم الجنة ...

اللى حصل للمصرى اللى فى لبنان دة جرمية جماعية لقرية بحلها ..مش كام واحد بيتخنقو و الخناقة تطورت الى جرمية ...و الفرق كبير لم تكون قرية باكملها مجرمة و بين عدد محدود من المجرمين ....

و عموما لو تلاحظ ان حوادث اجرماية كتير جدا بتحصل بين الجزارين لانهم بيتخيلو ان السلاح الى معهم ممكن يستعملوة ضد اى حد يدسلهم على طرف عشان كدة ممكن بكل سهولة اى خناقة مع جزار تتحول الى جرمية لو فى جزار بداخلة مجرم منتظر انة يظهر مع اى فرصة ..

ياريت تقراء تقرير الطبيب الشرعى عشان تعرف المصرى فى لبنان مات ازى , حتعرف ان اللى حصلة لا علاقة لة بالحادث دة فى مصر .

كلام حضرتك مضبوط بس فى جزئية مهمة صاحب الموضوع اعتقد انو يقصدها من مقارنة الجريمتان هو ان نفوس الناس بقت خربانة بصرف النظر عن الجنسية او السبب ومرض النفوس اصبح يبان مع اى مشكلة بسيطة بتنفجر سواء عند المصريين بينهم وبين بعضهم او اللبنانيين او الجزائريين اوغيرهم من العرب نتيجة كثرة المشاكل والاستراتيجية المنظمة لاعدائنا فى التفريق بين الناس ( فرق تسد) وتغييب العقول وتهميش الروابط بين البشر من اول الروابط الانسانية يليها الجخرافية واللغوية والدينية ربنا يرحمنا جميعآ فينك يا حبيبى يا رسول الله عليك افضل الصلاة والسلام شهد لك الغريب قبل الحبيب والعدو قبل الصديق بأنك وبعون الله وقدرتة لحللت مشاكل العالم وانت تجلس تشرب فنجان قهوة نسأل الله ان يجعل لنا من اصلابنا من يكون على نهجة ونهج صحابتة الابرار