اذاي استخدم البوليش الملون؟؟؟

**marawansabry** · 18-05-2010 07:17 PM

المشاركة الأصلية كتبت بواسطة sam_zen_elden

بالنسبة لتلميع الخدوش الطريقة حسب مااذكر مكتوبة على العبوة وملخصها
1- وضع السيارة فى مكان ظل
2- غسيل السيارة جيدا بالماء والصابون وشطفها جيدا بالماء
3- فرد البوليش على مكان المراد تلميعة باسفنجة نظيفة وتركة حتى يجير
4- يتم المسح (الدعك ) بفوطه ناعمه
5- يراعى تجنب وضع الماء على منطقة الخدش لمدة يوم تقريبا
6- بالنسبة للقلم يمرر على منطقة الخدش قبل فرد البوليش
وبالتوفيق عايز اعرف النتيجة

متشكرين يا باشا .. بس الاول همشي بالقلم قبل البوليش ولا لما اخلص البوليش ؟؟
سؤال كمان .. هنسيب البوليش لما يجير طيب هنزيلة اذاي ؟؟
اخر سؤال بعد اذنك .. كان في ناس بتقول ان الفرد يكون بقطنة نظيفة .. انت اية رايك؟؟

المشاركة الأصلية كتبت بواسطة ringoo

انا بستخدمه من 5 شهور وهو بيدى لمعة جميلة للعربية وبيحافظ عليها من الشمس والتراب وبيخلى تنضيفها سهل
لكن القلم والخدوش والكلام دة فهو مالوش تأثير ملموس ... لكن كا بوليش و واكس جامد جدا واحسن بكتير من الحاجات الارخص
الكلام على sonax الالمانى سعره 73 جنيه فى كارفور

انت تقصد استخدامة كملمع يعني للعربية ككل ميش علشان نزيل الخدوش ميش كدة تقصد ولا اية .. بس لو كدة ميش هيطفي لون العربية .. وشكرا يا باشا

**amr.elsayed** · 18-05-2010 07:26 PM

المشاركة الأصلية كتبت بواسطة marawansabry

انت تقصد استخدامة كملمع يعني للعربية ككل ميش علشان نزيل الخدوش ميش كدة تقصد ولا اية .. .. وشكرا يا باشا

بالظبط استخدامه كملمع وبيعمل طبقة شمع بتحمى العربية من التراب والشمس وبيحمى العربية
من انها تتخربش من التراب اللى بيكون عليها وبيتحك فى الدهان مع الفوطة اثناء التنضيف

بس لو كدة ميش هيطفي لون العربية

العكس صحيح .... بيحافظ على الدهان وبيلمع وبيعمل طبقة لحمايته واطالة عمره .. وفى بعض كتالوجات السيارات بتنصح بيه
انت عارف ليه انا بشجع السوناكس دة علشان جربت انواع كتير فى منها كويس لكن مفعولها بيروح بسرعة
مقارنتا بال sonax بصراحة الغالى تمنه فيه ..... ونصيحة منى كبر دماغك من مواضيع الخدوش العميقة
لانها ملهاش حل غير الرش ولا قلم دوكو ولا قلم شمع بينفع مع الخدوش العميقة

**marawansabry** · 19-05-2010 09:19 AM

المشاركة الأصلية كتبت بواسطة ringoo

بالظبط استخدامه كملمع وبيعمل طبقة شمع بتحمى العربية من التراب والشمس وبيحمى العربية
من انها تتخربش من التراب اللى بيكون عليها وبيتحك فى الدهان مع الفوطة اثناء التنضيف

يا باشا الف شكر منتحرمش منك .. بس اذاي بقي المع بيه العربية كلها .. يعني افردة الاول على لاعربية كلها بفوطة نضيفة لغاية لما يجير وينشف وبعد كدة اشيلة .. ولا اية .. انت بتعملة اذاي بالظبط؟؟

العكس صحيح .... بيحافظ على الدهان وبيلمع وبيعمل طبقة لحمايته واطالة عمره .. وفى بعض كتالوجات السيارات بتنصح بيه
انت عارف ليه انا بشجع السوناكس دة علشان جربت انواع كتير فى منها كويس لكن مفعولها بيروح بسرعة
مقارنتا بال sonax بصراحة الغالى تمنه فيه ..... ونصيحة منى كبر دماغك من مواضيع الخدوش العميقة
لانها ملهاش حل غير الرش ولا قلم دوكو ولا قلم شمع بينفع مع الخدوش العميقة

بص انا جبت السوناكس امبارح من كارفور عمل تقريبا 79 جنية وكسوروكان فية فوطة سوناكس بحوالي 69 جنية طبعا مرضتش اشتريها وكان في سفنجة بحوالي 19 جنية برضة مرضتيش اشتريها قلت اجيب واحدة بتاعت احذية بي 2 جنية اوفر .. متشكرين يا الاهتمام يا باشا .. بس لو سمحت قلي اذاي لمعت بية العربية كلها

**amr.elsayed** · 19-05-2010 08:41 PM

المشاركة الأصلية كتبت بواسطة marawansabry

بص انا جبت السوناكس امبارح من كارفور عمل تقريبا 79 جنية وكسوروكان فية فوطة سوناكس بحوالي 69 جنية طبعا مرضتش اشتريها وكان في سفنجة بحوالي 19 جنية برضة مرضتيش اشتريها قلت اجيب واحدة بتاعت احذية بي 2 جنية اوفر .. متشكرين يا الاهتمام يا باشا .. بس لو سمحت قلي اذاي لمعت بية العربية كلها

اولا اسف على التاخير
بص يا باشا انا حقولك انا باستخدمه ازاى
انا بجيب كيس قطن و فوطة فيبر
اولا لازم الاول تكون العربية مغسولة غسلة حلوة ومايكنش عليها اى تراب او اى حاجة لازقة فى الدهان
ثانيا تكون العربية باردة ومش تحت ضوء الشمس
................................
بترج الازازة كويس وتبدأ تحط شوية من السائل على القطنة وتبدأ تفرشه على كل قطعة على حدة وكل قطعة فى العربية حتدهنها تدهنها بقطنة منفصلة

بمعنى انك تمسك الكبوت وتدهن الواكس عليه بواسطة القطنة فى شكل دوائر وتستنى 10 دقائق فى خلال ال 10 دقائق اللى حتستنا فيهم الواكس علشان ينشف من على الكبوت تكون انت دهنت الشنطة وتقوم راجع للكبوت وبالفوطة الفيبر تبدأ تدعك الكبوت وبعد ما تخلص الكبوت تقوم راجع للشنطة وتدعكها هى كمان بالفوطة الفيبر
تكرر العملية دى مع باقيت العربية يعنى مثلا تعمل الباب الامامى مع الرفرف الامامى وتقوم داعك بالفوطة وتبدأ من المنطقة اللى ابتديت منها دهان الواكس .. وتعمل الباب الخلفى مع الرفرف الخلفى بنفس الطريق والسقف لوحده علشان بياخد وقت واخيرا الاكصدامين
بعد ما تخلص تعمل تتطويقة سريعة بفوطة فيبر ويفضل تكون واحدة نضيفة غير اللى انت دعكت بيها الواكس علشان العربية تلمع اكتر وتشيل اى اثار لدهان الواكس ما كانش اتشال مع الدعك
وفى النهاية اتفرج على لمعة العربية زى ما كانت زيرو .. وماتنساش ترج الزجاجة قبل الاستعمال وممكن تستخدم القطن بدل الفوطة الفيبر بس حتاخد مجهود اكبر

**A.Saad** · 20-05-2010 01:30 PM

ما ينفعش سفنجة الاحذية لان فيها زيوت ولانها خشنة

**amr.elsayed** · 23-05-2010 06:00 PM

المشاركة الأصلية كتبت بواسطة mody_elmoshax

سؤال رفيع...ايه الفوطة الفيبر دى؟؟

هى اسمها كدة ... كل ما فى الامر انها مش بتطلع وبر .. وعلى فكرة صعب تشرب المياه يعنى مش لتجفيف العربية من المياه
وهى بتتباع فى كارفور .. على ما افتكر الواحدة ب 3.5 جنيه .. وممتازة فى التلمييع

**BLOODY_STONE** · 24-05-2010 01:03 AM

لا و كمان عمرها ما تخربش العربية

**islamkhidr** · 22-07-2010 01:28 AM

المشاركة الأصلية كتبت بواسطة ringoo

هى اسمها كدة ... كل ما فى الامر انها مش بتطلع وبر .. وعلى فكرة صعب تشرب المياه يعنى مش لتجفيف العربية من المياه
وهى بتتباع فى كارفور .. على ما افتكر الواحدة ب 3.5 جنيه .. وممتازة فى التلمييع

ياريت لو عندك ليها صورة علشان اعرفها لما اجى اشتريها

**A.Saad** · 22-07-2010 08:30 AM

5.5 جنيه
مش شرط كارفور
محطات البنزين فيها

-

الموضوع: اذاي استخدم البوليش الملون؟؟؟

LinkBack

أدوات الموضوع

عرض

-

-

-

-

-

المواضيع المتشابهه

اذاي اجيب كود كاسيت الميجان؟؟؟؟

لادا اذاي تزود السرعة والسحب

كيفية استخدام البوليش الملون؟؟

حد يعرف اذاي اجيب اتوبيس رحلات ؟؟

الزجاج الملون

الكلمات الدلالية لهذا الموضوع

المفضلات

المفضلات

ضوابط المشاركة