حادث سرقة غريب جدااا !!

**abo_lamar** · 17-05-2010 10:27 PM

السلام عليكم ورحمه الله يا شباب

امبارح حصلت عندنا حادث سرقة غريبة جدا وبعتقد الأول من نوعها .. كنت نازل الصبح رايح شغلي لقيت جار ليا واقف جنب عربيته (نسيان تيدا) وهو في حالة زهول والناس حواليه عارفين ايه اللي اتسرق ؟
فردة الكاوتش اليمين الامامية وفردة الكاوتش اليسار الخلفية أتسرقوا !!!!!
والحرامي طلع كويس ومحترم حط حجرين مكان الكاوتش المسروق عشان العربية تفضل واقفة .
طبعا الراجل المسكين اتجنن وراح عمل محضر بالواقعة بس معرفش وصل لأيه .
المهم انا بعد الموقف ده حلفت اني ماخليش العربية في الشارع تاني ورحت موديها جراج خاص أمان احسن من الشارع .
شوفتوا الحال وصل بينا لأيه في شوارعنا .

**M.Osman** · 17-05-2010 10:31 PM

فردة الكاوتش بالجنط طبعاً ! مش كدا ؟؟

اعتقد حصلت هنا كذا مرة مع الأعضاء.... حاجة تفرس

**abou_ruqi** · 17-05-2010 10:32 PM

لا ماهي التيدا جنوطها مطلوبة قوي من الحرامية مش عارف ليه
http://www.nilemotors.net/Nile/74862-a.html

**فادى محمد** · 17-05-2010 10:33 PM

والله العظيم انا شفت عربيه ماتريكس مسروق منها ال4 فرد ومتحمله علي 4 طوبات وصورتها بس للاسف مسحت الصوره من فتره - الاغرب من كده جوز عمتي نزل يدور عربيته مش بتدور فاستغرب لانه سايبها بالليل كويسه اكتشف ان الحرامي فتح الكبود وسرق البطاريه! وحسبنا الله ونعم الوكيل في الظالم.

**alhaytham** · 17-05-2010 10:34 PM

دي مش سرقه خالص
دا مقلب من واحد اكيد جارك حرق دمه قبل كد

**Eng.Geo** · 17-05-2010 10:38 PM

شفتها قبل كدة
الطوب ده مش جدعنه منه
ده عشان بيبقي ساندها بيه عشان يعرف يفكها

**Eng_Mostafa_89** · 17-05-2010 10:41 PM

انا اتسرق من زمان الكاسيت
وبعدها بفترة اتسرق منى مسامير العجل مسمار من كل عجلة والعجلة الخلفية شمال اخد منها مسمارين والغبي تركلى الاتنين اللى جنب بعض!!!!!!!!!!!
واخر السرقة بقالها بتاع اسبوعين وانا فى الجماعة خلصت محضرات وطالع بركب العربية ملاقيش البطارية
اللى غايظنى ان الحرامى جرئ جدا جدا
انا كنت فى الجامعة اليوم دة من الساعة 12 الظهر لغاية 4 العصر!!!!!!!!!!!
وواضح انة كان واخد رحتة فك القواطيش عادى جدا جدا وقاعة البطارية يعنى كان معاه عدة وعندة الوقت وعاش حياتة

يلا حسبنا الله ونعم الوكيل

**M.Osman** · 17-05-2010 10:42 PM

المشاركة الأصلية كتبت بواسطة hellboy

والله العظيم انا شفت عربيه ماتريكس مسروق منها ال4 فرد ومتحمله علي 4 طوبات وصورتها بس للاسف مسحت الصوره من فتره - الاغرب من كده جوز عمتي نزل يدور عربيته مش بتدور فاستغرب لانه سايبها بالليل كويسه اكتشف ان الحرامي فتح الكبود وسرق البطاريه! وحسبنا الله ونعم الوكيل في الظالم.

واحد قريبي جاي مرة يدور عربيته الصبح ... لقى مفيش حاجة خالص

بيفتح الكبوت ملقاش الرادياتير ولا البطارية (و بيقوللي ان اللانسر فيها عيب ان الصنايعية بيعرفوا يفتحوا الكبوت من تحت الرفرف ..حاجة زي كدا) !!