السلام عليكم ورحمه الله يا شباب

امبارح حصلت عندنا حادث سرقة غريبة جدا وبعتقد الأول من نوعها .. كنت نازل الصبح رايح شغلي لقيت جار ليا واقف جنب عربيته (نسيان تيدا) وهو في حالة زهول والناس حواليه عارفين ايه اللي اتسرق ؟
فردة الكاوتش اليمين الامامية وفردة الكاوتش اليسار الخلفية أتسرقوا !!!!!
والحرامي طلع كويس ومحترم حط حجرين مكان الكاوتش المسروق عشان العربية تفضل واقفة .
طبعا الراجل المسكين اتجنن وراح عمل محضر بالواقعة بس معرفش وصل لأيه .
المهم انا بعد الموقف ده حلفت اني ماخليش العربية في الشارع تاني ورحت موديها جراج خاص أمان احسن من الشارع .
شوفتوا الحال وصل بينا لأيه في شوارعنا .