فاكرين الخوخ ؟؟؟

**misoalex** · 18-05-2010 03:46 PM

المشاركة الأصلية كتبت بواسطة abou_ruqi

إيه الموز اللي فيه بذر ده؟؟
يا خميس التانية اسمها كاكا !!!

ههههههههههههههههههههههههه هههههههههههههههههههه

فكرتنى بالكاكا والله ليها وحشه

الموز كان فيه فى النص حتت صغيره اوىىى زى البزر كده صغيره جداااااا مكنتش بحبها معرفش اسمها ايه والله
بس بعد كده مبقاش موجود غير فى الموز الصحراوى فقط انما الى بنجيبه ده مفهوش
حد يعرف بقا اسمها ايه الحتت الصغيره الى زى البزر فى الموز الى يعرف ليه منى هديه

**abou_ruqi** · 21-06-2010 12:01 AM

النهاردة كنت عند فكهاني فخم من اللي بيبيعوا فاكهة مستوردة , لاقيت عنده خوخ عجيب كده مش مدور , مبطط !!!
المهم بقوله إيه ده يا عم قالي خوخ أردني

قلت قشطه أخيرا حدوق الخوخ المظبوط ,والله لو كان بميت جنيه حيجيبه بس أستطعم خوخ نضيف مرة من بتوع زمان

ضربتلي كيلو واتخبطت 25 جنيه (معلش لجل الورد تتسقي أم العليق والكيف بيذل)

روحت البيت , باكل منه لقيته هو هو اللي عندنا !!!
نفس الطعم الماسخ و بيسيل ماية على الهدوم واللحم مخاصم النواة وحاجة مالهاش أي علاقة بالخوخ الحقيقي !!!!

ماهو أنا من غبائي ماخدتش بالي من بلد المنشأ !!

ما هي الأردن ماضية اتفاقية وادي عربة زي ما احنا مضينا كامب ديفيد !!!
يعني اللي بيصلح الزراعة عندهم بياخد شتلات من اسرائيل زي عندنا !!!

طب ما طبيعي نفس القرف !!!!

دي حاجة قرف وعيشة تقرف وولا الأكل الرخيص نافع و لا الغالي نافع ولا لاقي أي حل للبلد دي , أنا مش عارف اسيبها و أروح فين الساعة دي من الليل ما هو كل السفارات قافلة !!!

أوف لكم وما تزرعون!

**abou_ruqi** · 21-06-2010 12:19 AM

لقيت صور للخوخ العجيب ده

**pro_samir** · 21-06-2010 12:20 AM

المرة اللي فاتت بعد الموضوع دة روحت علي فكهاني اشتريت شوية فاكهة

مفيش حاجة منهم كانت حلوة غير البرقوق هو اللي حسيت انة زي ما هو شوية وكان ب25 جنية برضو ويمكن الموز معقول

لكن الباقي استغفر الله العظيم حاجات تتفرج عليها بس والجميز طعمة احسن من الخوخ ، عايزين نجرب الأورجانيك يمكن