الحمد لله على فضله و نعمته...جراند تى جيت

**osamy** · 18-05-2010 04:01 PM

المشاركة الأصلية كتبت بواسطة ghamrawy

الله يبارك فيك يا كريم باشا
و اكيد طبعا فى فرق عن السيينا بس تصدق ان الروح واحدة

يعنى صوت الموتور قريب جدا من بعضه و ماسكة العربية لنفسها فى المطبات واحدة فى الاثنيين مع ان الكوبيه جنط 17" و الكاوتش على 45 (ربنا يكفينا شر البلاعات المفتوحة و الحفر الخفية و بلالين الكاوتش )
و الكوبيه لسه موجودة و سعرها 116500 ج

امين يا رب و لك بمثل ما دعوت اضعاف مضاعفة باذن الله

بصرة يت باشا و ربنا يبارك فيك و يحفظك

بارك الله فيك
انا ماكنتش عايز الايفو على الاقل بالموتور اللى حاتنتزل بيه (ال 77 حصان ) انا كنت عايز عربية موتورها قوى و ثابتة و كمالياتها معقولة و تكون فتيس عادى مش اوتو
بالنسبة للسعر ما اظنش انه حاينزل لانها بالفعل نازلة من 125000 ل 116500 يعنى نازلة مبلغ حلو و فى نفس الوقت ما اقدرتش استنى علشان اللون اللى انا عايزه كان ابتدى يحصل عليه كلام و انا خطفته من يق الاسد

شكرا يا باشا
والف مبرووك

**Ghamrawy** · 18-05-2010 05:40 PM

المشاركة الأصلية كتبت بواسطة wildesso

ألف مبروك و ربنا يحفظك شرها و شر الطريق

امين يا رب
بارك الله فيك

المشاركة الأصلية كتبت بواسطة motoxp

الف مبروك

بس بسهوله كده تسييب السيينا

صحيح وبكل امانة ايه الفرق بينها و بين السيينا ثبات وموتور وفرامل وكل حاجة ارجوك قولى ؟؟

بارك الله فيك
و الفرق بينها و بين السيينا زى الفرق بين بى ام موديل 90 و بى ام موديل 2010

المشاركة الأصلية كتبت بواسطة damasry

كمااااااان، بقى انا اقولك ساعتها على المفاجأة بتاعتى وانت مش تقولى؟؟؟ الاسكندرانية بيخبوا واحنا مش معاهم هههه

الفرامل الديسكات انت ممكن تغير الطنابير اللى عندك وتجيب حاجة سيراميك هتكون افضل وتحسن اداء الفرامل اكتر واكتر.

والتقرير لازمله صور ويا سلام فيديوهات عشان يبقى متكاااااامل

يا باشا مفاجاتك كانت حلوة قوى و اتمنى انها تتم قريب و انا برضه حبيت اعملها مفاجاة و يا ريت لو تعرف اى حاجة عن موضوع الفرامل السيراميك قولى و ان شاء الله الصور قريب بس الواحد يفضى يوم مخصوص للتصوير

**Ralliart** · 18-05-2010 05:47 PM

الف مبروووووك على العربيه واللون الجامد
عايزين تقرير كبيير بالذات عن الثبات والtraction control

هي ايه الالوان اللي فاضله عندهم ؟؟

**Ghamrawy** · 18-05-2010 05:54 PM

المشاركة الأصلية كتبت بواسطة tamer_a7

باشا انا عايز اوضح نقطه بس صغيره بالنسبه للتربو
التربو يعمل في جميع حالات عمل المحرك ودا طبيعي جدا لانه بيشتغل علي العادم اللي خارج من المحرك
المعروف بقي هو ان اداء التيربو في الارب بي ام القليل بيكون غير محسوس علي عكس السوبر تشارجر اللي الاداء بتعاعه بيبقي حكايه في الارب بي ام الواطي لكن طبعا ولا يجي نص التيربو في الحرق العالي
سيبك انت انا بقي عايز اسال سؤال مهم جدا ايه رايك في السينا يعني نفسي لو تقييم شامل ليها انا صراحه ناوي والنهارده المفروض اتفرج علي واحده 2002 ايه راااااااااايك

كلامك صح
و السيينا حلوة لو سليمة انما لو فيها حاجة كده و لا كده و خصوصا فى الموتور و البارومة لو موجودة

المشاركة الأصلية كتبت بواسطة monster245

مبروك الجراند الكوبية و ربنا يباركاك فيها يا رب .... و ربنا يصونهالك من الحسد ( خصوصا ان لونها ابيض

) و بانتظار التقرير منك ان شاء الله

الله يبارك فيك و فى عمرك
و ربنا يكفينا شر الحسد و عيون الناس و رقبتهم اللى بتلف 180 درجة و التقرير قريب ان شاء الله

المشاركة الأصلية كتبت بواسطة hemaah48

الف مبروك ياباشا ربنا يعطيك خيرها ويكفيك شرها

الله يبارك فيك و ربنا يحفظنا جميعا

**Ghamrawy** · 18-05-2010 06:05 PM

المشاركة الأصلية كتبت بواسطة momokinzy

الف مبرووووووك يا باشا ولازم تصورهالنا عشان انا مشفتش الابيض بتاعها قبل كدة

الله يبارك فيك و من عينايا

**Ghamrawy** · 18-05-2010 06:08 PM

المشاركة الأصلية كتبت بواسطة ralliart

الف مبروووووك على العربيه واللون الجامد
عايزين تقرير كبيير بالذات عن الثبات والtraction control

هي ايه الالوان اللي فاضله عندهم ؟؟

الله يبارك فيك يا باشا
و ان شاء الله حاعمل تقرير عن عن كل حاجة
بالنسبة للالوان اعتقد ان اللى فاضل كله اسود

**elassar2010** · 18-05-2010 06:33 PM

ألف مبروك يا باشا , ربنا يهديك خيرها و يكفيك شرها

**amr mokhtar** · 18-05-2010 06:49 PM

10000 مبروك
ربنا يباركلك فيها و يحفظها
إختيار موفق و عربية شكلها جميل

بس عايز رأيك فى مركز الصيانة اللى فى الإسكندرية ( طارق النيل )؟؟
و هل توكيل فيات عنده نية لفتح مركز خدمة خاص بيه فى إسكندرية؟؟

**3dwizard** · 18-05-2010 07:00 PM

ربنا يباركلك فيها و يديك كل خيرها و يكفيك كل شرها,

المشاركة الأصلية كتبت بواسطة damasry

التليين فا اطمن كل العربيات التربو لازم المواتير تكون متلينة قبل تركيب التربو، يعنى براحتك بس بلاش القيادة العنيفة اوى فى الاول.

كلام منطقي جدا و طالع من استااااااااذ

المشاركة الأصلية كتبت بواسطة damasry

الفرامل مش عارف ليه بتقول انها ضعيفة؟؟ فرامل الفيات ماشاء الله عليها حاجة تمام جدا

فعلا
الفرامل حسااااااااااااااااااااسه جدا و بتسعف جدا , فضلت اسبوعين على ما اتعودت عليها بس طبعا اندفاع ال T-Jet مختلف

**eng_ahesham** · 18-05-2010 08:14 PM

الف الف الف مبروك يا ريس
والعربيه دي كانت لسه في دماغي النهارده
والسؤال اللي طرأ علي دماغي
هل ينفع باي طريقه من الطرق اجيب الجراند تي جت بس 4 باب مش 2
ياريت بجد حد يرد عليا ويقولي إزاي