حسبي الله ونعم الوكيـــــــل هاقولها الف مرة ومرة
انا يا بشوات رخصتي هتخلص في نص 6 قلت اما ابدا اتسلى...
و اللي حصل كالتالي...أنا من سمنود (الغربيــة) كنت شاري العربية من سنه تقريبا بعقــد مسجل من سوق مدينة نصـــــر من واحد ابن حلال...المهم الباشا كان منمر العربية على قديمه...وبعدين نمرها جديد قبل مايبيعها بيوم واحد...وطبعا انا مقلتلوش على شهادة مخالفات بحكم انها لســـه طازة....
وطبعا بما انها بعقد مسجل...يبقى وقت التجديد لازم انقلها مرور المحلة....والمحله عاوزة مخالفات....والفرخة عاوزة قمحة والقمحة عند الفلاح..................
استعنت بالله وبقى لي سنة بادور على موقع المخالفات وكل اما ادخل الاقيه معطل...الحمد لله امبارح فتح ...باشوف المخالفات لقيتها مش موجودة.....وعربيتي رخصها (حدائق القبــــــــة) نسأل ناس من القاهرة قالوا روح الدراسة...طبعا انا قلبي وقع في رجلي....الدراسة!!! يانهار اثــــود....
استعنت عالشقا بالله وشديت الرحال للدراســــة...وأنا أصلا معلوماتي عن طرق القاهرة صفر ولا صفر المونديال....ادور واسأل....فوق....تحت .....شمال في الوش....المهم بعد اللف والدوران....قال ايه هي مش هنا وهتعوز تروح الحدايق عشان تجيب مخالفات الرقم القديم!!!!!!!!!!! طب وانا مال اهلى؟؟؟ أنا شاري العربية منمرة جديد....نعمل ايه؟؟؟لقيت مافيش فايدة....صعبت على واحد قال لي هاكلم لك واحد فالحدايق....قال له الرقم كذا....طيب الرقم ده فين؟؟؟ قال مرور عين الصيرة....يا دي البعتة.......طالع باكلم نفسي....باسأل واحد قال لي لأ دي مرور مصــــــــــــر الجديدة ...قلت حسبي الله ونعم الوكيل....بعد التأكد من الحكاية انها مصر الجديدة .... منين يا اسيادنا؟؟؟بسيطة خالص صلاح سالم....نفق الثورة....وشمال فيمين فوق تحت....المهم حسيت ان الدنيا اسودت اروح لمين واليك المشتكى يارب
المهم توكلت على الله ومشيت على الاشواك لا عرفوا ايه وداك ولا ايه جابك....ومتقولش يا اخي انا بادور على ابرة في كوم قش ....دخت ساعتين فالشمس لحد ماوصلت...بعد كدة....
اكمل بكرة عشان انا شكلى واخد ضربة شمس محترمة