فاقد الشىء لا يعطيه، نساعدهم ازاى بالظبط؟ واضح ان الفلوس مش مشكلة بالنسبة لهم و الدليل الأسعار الغريبة اللى كانوا بيشتروا بيها، طب نساعدهم يتحرروا، أنا موافق بس فى حالة واحدة بس، لما يقتحموا حدودهم مع اسرائيل، مش يقتحموا حدودنا، الحدود و الأمن القومى مفيهوش هزار يعنى لا تقولى عروبة و لا أخوة، المصرى اللى بيخون بلده و يهدد امنها القومى بيتعدم، الحكاية مش هزار يا اخواننا و الله انا عايش على اعصابى لو اى واحد منهم يفجر قنبلة فى اى فندق و بيوت ناس كتير تتخرب من وراه و الموضوع مش بسيط و الأمن مستنفر بشدة و ربنا يستر.
كلمة أخيرة
لو واحد مصرى بلطجى عمل الحكاية دى فى صاحب كريم، غالبا هيتجاب، أو على الأقل احتمال يتعاقب، تقدروا تقولولى بقى مين هيجيب الجبان اللى ضيع مستقبل أخونا صاحب كريم؟