سلام يا جماعة
حد جرب الـabs بتاع السيراتو؟؟ إيه أقل مسافة ممكن توقف فيها من سرعة 120 مثلا ؟؟؟
يا ريت لو حد عندو تجربة يقلنا عنها
أصل مبسدقش كل الكلام اللي بيتقال كدعاية
محتاج تجربة
تحياتي :Y_hi_3[1]:
عرض للطباعة
سلام يا جماعة
حد جرب الـabs بتاع السيراتو؟؟ إيه أقل مسافة ممكن توقف فيها من سرعة 120 مثلا ؟؟؟
يا ريت لو حد عندو تجربة يقلنا عنها
أصل مبسدقش كل الكلام اللي بيتقال كدعاية
محتاج تجربة
تحياتي :Y_hi_3[1]:
علي حسب الي انا فهمه من كلام حضرتك انك بتتوقع ان يكون فرامل السيراتو أو اي سياره مزوده بنظام abs انه عند فرملة السياره تقف في وقت ومسافه أقل وأنا بصراحه كنت فاهم كدا في الأول حتي اني انا معايا سيراتو الشكل القديم وكنت عايز ازود فيها هذا النظام ولم سألت كتير في الموضوع ده اتضح لى عكس اللي كنت فاهمه واتضح لي ان هذا النظام الغرض منه فقط هو التحكم في السياره أثناء الفرامل اي استطيع ان اعمل بها مناورات والعجل ما يزحفش على الأرض أو العربيه تعوم مع الفرمله القويه وبالتالي في نظام استخدام ال abs مشوار العربيه بيبقي اطول لغاية ما تقف تماما اقصد المسافه اللي هاتمشيها العربيه اطول من استخدامل فرامل عاديه بس ذلك في مقابل اللي انا استطيع القيام بالمناورات اثناء الفرامل وتفادي اي خطر امامي بس هذه النظريه ليست في بال كثير من الناس عن مفهوم الغرض من هذا النظام وطبعا الكلام اللي حضرتك بتقول ان ممكن يكون دعايه هو فعلا معظم ذلك دعايه للأسف وده عن تجارب مع ناس عربيتهم بها هذا النظام وتقبل تحياتي
لأ خالص
أنا عارف النظام ده على شان الأمان و العربية ما تعومش و تتقلب على فرام قوي و مفاجئ مش عشان تقليل المسافة
بس انا ربطت بين الاتنين لان الـAbs مابيشتغلش إلا عند فرام جامد جدا و سريع و انا مجربتش قبل كده و ما حصلتش معايا
و عايز أعرف إيه فعالية الفرامل تجريبيا لو حد جرب
متشكر حضرتك على الرد:shine[1]:
مش شرط ال abs يشتغل عند فرملة جامدة, هو بيشتغل لما الفرملة تؤدي لزحلقة العجلة, بغض النظر عن قوة الفرملة (على المية مثلا, العربية ممكن تتزحلق مع فرملة خفيفة جدا).
قياس قوة الفرملة معتمد على حاجات كتير قوي, وزن العربية وسرعتها وطبيعة الارض والرياح.
ماهو لما الفرامل تغلق مرة وحدة هيحصل انزلاق و عوم
بينما الـabs بيقطع الفرام بشكل سريع و ما يخليهوش يمسك العجل مرة وحدة و بالتالي بيدي فرصة أكبر للتحكم و الثبات أثناء الفرملة السريعة
على فكرة أنا جربته قبل كده بس مش في السيراتو و دواسة الفرام لمل يشتغل الـ abs تحسها بترعش تحت رجلك و تنور لمبة abs في التابلوه
و من الاخر الـ abs مانع انغلاق فرامل بس بيساعد على عدم الانزلاق وقت الفرملة
لو الABS بيوقف العربيه في مسافه اطول كانت الشركات وقفت انتاجه من زمان و وقفت تطويره و مبقاش في حاجا اسمها EBD !!! مثال سريع هاتوه كبايه ميه فاضيه و زأأوها على لوح ازاز املس و احسبه زمن وصولها للنهايه و بعدين كرروا نفس المثال بس على لوح مسنفر بشكل غير منتظم زي الشطرنج يعني ،،حته ناعمه و حته خشنه و حتي نعمه و حته خشنه ،،،و شوفو الكبايه هتوصل امتى ؟ !!! طبعا المثال التاني الكبايه هتتأخر عشان معامل احتكاكها بالارض زاد للنص نتيجه الصنفره اللي انها عملناها ،،،،و هو ده الABS بيعمله ،،بيمنع انزلاق السياره المستمر و بالتالي بيأخر وصول السياره للارتطام و بيزود بعد السياره عن الهدف اللي هوه التصادم ،،،يعني مش معقوله لو عندنا عربييتين واحده كوتشها قديم و منحول و التانيه كوتش جديد ،مين فيهم هيأف الاول لما ندوس فرامل :khd:
انا برده قريت قبل كده ان الفرامل العاديه توقف العربيه اسرع من الفرامل ال abs بس طبعا لو حالة الطريق كويسه