إشاعة جامدة

**elassar2010** · 22-05-2010 04:02 PM

المشاركة الأصلية كتبت بواسطة som3aa

مرسيدس مبينزلوش اسعارهم فى مصر ابدا و دى سياستهم علشان يكسبوا زيادة و يحافظوا على سعر اعادة البيع فيكسبوا زيادة اكتر.
Bmw.

دى سياسة جمهورية مصر العربية من اول عم عبدة البقال لحد اكبر وكيل منتج اجنبى فى مصر

**som3aa** · 22-05-2010 06:29 PM

دى سياسة جمهورية مصر العربية من اول عم عبدة البقال لحد اكبر وكيل منتج اجنبى فى مصر

ايوه انا فاهم طبعا بس دا فى حالة لما يبقى محتكر او معاه سلعة عليها طلب جامد اوى , bmw مثلا كتير بينزلوا فى اسعار عربياتهم و دا اللى مخلى سعر اعادة البيع فى الضياع يعنى نزلوا ال318 ب 279 الف , جت فترة كانت موجودة عند الموزعين ب 250 الف و دلوقتى نزلوا ال 316 ب 240 الف !! كل شوية السعر نازل , مرسيدس العكس فى الطالع

**elassar2010** · 22-05-2010 06:57 PM

المشاركة الأصلية كتبت بواسطة som3aa

ايوه انا فاهم طبعا بس دا فى حالة لما يبقى محتكر او معاه سلعة عليها طلب جامد اوى , bmw مثلا كتير بينزلوا فى اسعار عربياتهم و دا اللى مخلى سعر اعادة البيع فى الضياع يعنى نزلوا ال318 ب 279 الف , جت فترة كانت موجودة عند الموزعين ب 250 الف و دلوقتى نزلوا ال 316 ب 240 الف !! كل شوية السعر نازل , مرسيدس العكس فى الطالع

انا اعرف انة لما بينزل سعرها بيشيل حاجة من الكماليات

يعنى بيحسسك انها رخصت بس هى فى الحقيقة نفس التمن ونفس مكسبة
توكيل دايهاتسون كان عانل كدة فى التريوس
البى ام ماعنديش فكرة

**hokaboka** · 23-05-2010 10:56 AM

المشاركة الأصلية كتبت بواسطة som3aa

انا لو منك كنت اشتكيت لمرسيدس المانيا لما قالولى الاستلام شهر 7 او 8 لان العربية انت واخدها standard مش special order و مش مجمعة فى مصر و بالتالى المفروض تسليمها يبقى فورى و الspecial order هو اللى ياخد 3 شهور و دا النظام المتبع فى الخليج.

معاك حق يا باشا، انا طلبت عربية سودة وفرش اسود، مش عارف ده يبقي special order ولا ايه؟ بس المشكلة ان التوكيل مستغني..يعني واحد صاحبي كان حاجز في شهر 9 2009 واستلم شهر 2 2010 وبالواسطة والخناق كمان، ولما حد يقولهم ده مش كلام يقولوا ممكن حضرتك تلغي الحجز وتسترد فلوسك في اي وقت !! مش هاممهم يعني علي اساس الف من يشتري العربية.. المفاجاءة بقي، ان ورق الافراج الجمركي اللي مع صحبي بيقول العربية دخلت مصر في شهر 8 2009!!!!! مش عارف ليه التوكيل بيعمل كده! هل عشان يخلي مبلغ الحجز في البنك يعمل فوايد؟ ولا عشان يعرضوا العربية في كام معرض؟ مش واضح...

**Astra200** · 27-05-2010 01:13 AM

طيب حد عنده فكرة تمنها كام في المانيا ؟
وازاي الواحد ممكن يشتريها من بره ؟

المفروض ان الجمرك بيعمل تخفيض 10 % لما العربية تخش بعد شهر 10 من كل سنة

لو حد عنده خبرة يقولنا

الواحد يروح يجيبها من المانيا وبحسب سعر اليورو
وتدفع الجمارك الحقيقية

**kasten** · 27-05-2010 04:47 AM

مصر الدوله الوحيده فى العالم اللى مش بتتأثر بنزول اسعار العملات الاجنبيه
دوله متقدمه ياجماعه
لان تجار السيارات بيبقى عندهم مخزون تمام
السعر على او هبط .. الفلوس فمصر مش بتقل .. ممكن تزيد بس

**nimo.mimo** · 27-05-2010 09:45 AM

أمال حماية المستهلك دية بتعمل إيه؟!!
شغالة على الصينى و بس؟!!
يعنى المرسيدس مش مشكلة ماهو صاحبها غنى و مرتاح و متريش , يدفع بقى؟!!!!

فالحين بس يطلعوا كل 5 شهور بتوجيه إنذار شديد اللهجة للشركات المخالفة
و يقعدوا يهددوا بإغلاق التوكيلات و توقيع غرامات و كلها أخبار فى الكلتش و مفيش حاجة بتحصل
و ما فيش تاجر أو توكيل بيعملهم أى حساب

أنا بأقترح إنشاء قسم يسمى "جهاز حماية المستهلك" نتناول فيه سلبيات هذا الجهاز و شكاوى العملاء من سوء الخدمة الذى أصبح يشبه "الجهاز المحلى" اللى ما بيسفلتش الشوارع و يظبط المدارس و المستشفيات و المترو إلا لما يكون الوزير أو المحافظ معدى و بعد كدة سلامو عليكو!!!!!