أنا عندي أفيو 2005 عامل بيها 58.000 كيلو لحد دلوقتي
تقييمي للعربية , ما شاء الله 80%
ودي نسبة كويسة لعربية اقتصادية , ومش معقول مفلسين ومعناش فلوس غير الـ 75 ألف ونطالب العربية بأداء المزاراتي أو اللمبورجيني !!!!
ليه نقصتها 20 %
علشان :-
1- العربية سحبها وحش بالنسبة لـ 1500 سي سي وده طبعا علشان الحصان بتاعها صغير
2- نفس عيب فتيس اللانوس بيعض شوية بس دي مش مشكلة لأنك مبتحسش بيها غير لما تركب عربية تانية ودي نادراً ما بتحصل
3- فيه عيب في جلب المقصات مبتعيش أكتر من 15.00 كيلو ودي تمنها 90 جنية يعني مش مشكلة ,بس هي غلسة لأنها بتعمل صوت في المطبات الهباب وعند الفرملة , وعلى فكر هي في الضمان , يعني لو رحت التوكيل حيعملوهالك ببلاش -عملوها لواحد صحبي- , بس أنا ماليش في التوكيلات
وليه إدتلها 80 %
1- أنا مطلع عين أمها شقاء أحمال وسرعات وحرق وعمرها ما إشتكت بصراحة مبحتطش غير بنزين و زيت (غير النقطة رقم 3 اللي فاتت )
2- تكييفها حلو جداً و محستش بكده غير لما ركبت الإلنترا الجديدة , وقلت اللهم ديمها نعمة وأحفظها من الزوال
3- صغيرة وواسعة ودي عظمة تصميمها واللي يقعد جواها بيحس بده على طول
4- بنزينها حلو جداً جداً جداً
5- مش تقفيل مصري ومن غير زعل , لا باسمع اصوات في العفشة و لا الزجاج بيخبط , ولما بأقفل الزجاج بتعزلني عن الدوشة الخارجية بنسبة 80 % كأنك في عربية ألماني
وأدخل الصني المصري وإتأكد من كلامي
ده بإختصار , وجاهز للإستفسارات
المفضلات