الموضوع: معهد ناصر

السلام عليكم


معلش يا جماعة لو حد شغال فى معهد ناصر او يعرف حد شغال هناك او قريب منه المكان وممكن يسألى على حاجة ياريت لو يسمح وقته

انا مفروض والداتى حتعمل عملية قلب مفتوح تغير فيها صمام فى القلب هناك قريب بس لسه مرحناش علشان نحدد الميعاد فكنت عايزة اعرف اسماء الدكاترة الجراحين اللى هناك علشان اسل عليهم بحيث اقدر اتابع مع حد فيهم اللى حنختاره منهم فى عيادته ونرتب معاه بحيث يكون هو اللى يعملها العملية
فلو حد يقدر يجيب اللستة ديه من هناك يبقى ميرسى ليه جدااا لانى حاولت اتصل بخدمة العملاء علشان اعرف منهم محدش جاوبنى وقالولى دول كتير ومش حينفع فى التليفون ز

المكان ده اختارناه بناء على انه اتقالى انه احسن مكان فى المكان اللى جاية فهل الكلام ده صحيح لو حد يعرف

1- معهد ناصر
2- معهد القلب
3- القصر العينى
4- الدمرداش ( مستشفى عين شمس الجامعى )
5-مستشفى عين شمس التخصصى

المشاركة الأصلية كتبت بواسطة al_qassam2003

الاخت غاده
سلام الله عليكى ورحمته وبركاته
الف سلامة على الحاجة وربنا يشفيها هى وكل مرضى المسلمين
بالنسبة للاماكن التى ذكرتيها كلها اكثر من ممتازة
لكن الامر يتوقف على عدة اشياء :
1- هل الحاجة لها تأمين صحى
2- اذا كانت تعمل هل جهة عملها متعاقدة مع اى من هذه المستشفيات
3- الامكانيات المادية
اذا كانت هتتحمل جميع التكاليف فانا اقترح معهد ناصر ثم عين شمس التخصصى (ممتازة بس حراقة شويه) وممكن حضرتك تروحى تسألى فى كل مكان تكلفة العملية كام
والشفاء من عند الله ربنا يكتب لها الشفاء وطول العمر وحسن العمل وان شاء الله نبارك لها على نجاح العملية
وخليكى على تواصل لتطمنينا على الحاجة

الله يسلمك ويارب يشفيها هى وكل المسلمين يارب
هى فعلا عندها تأمين صحى و المستشفيات ديه اللى ممكن تعمل فيها العملية علشان كده انا حصرت الاختيارات فيهم بس مكنتش عارفة انهو أحسن علشان نقدر نختار انهو واحدة فيهم
ومتشكرة لاهتمام حضرتك