تغيير مياه ردياتير بولو

**meladadel** · 19-05-2010 05:32 AM

السلام عليكم. انا ميلاد جديد فى عالم البولو, ولو لاحظتو اسئلتى كتير معلش لسه حديث

الموضوع هو مياه الردياتير.

انا عارف ان المياه الأصلية هى hepu ودى صاحب العربية القديم كان بيحطها. بس هو قاللى انها بتتكسر بمياه مقطرة وانا قريت فى المنتدى انها بتتحط كاملة هيبو وثمن الزجاجة تقريبا 50 جنيه وبرضه فيه حد من اصحابى قاللى انها لازم تتكسر بمياه مقطرة علشان الجو فى مصر ( مش عارف ايه العلاقة ) طيب يا جماعة لو هى صرف هتكل على الله واغيرها بعد غسيل الردياتير بمياه مقطرة. ولو بتتكسر بمياه مقطرة تبقى النسب كام مع العلم ان صاحب العربية ادانى نصف زجاجة وده معناه انو حط نصفها فقط. وشكرًا على الإفادة يا رجالة

**M.Mostafa80** · 19-05-2010 01:14 PM

المفروض تحط زجاجه كامله وتكمل بمياه مقطره لو قريت اللى مكتوب على الزجاجه هتلاقيهم بينصحو بتخفيفها لازم تحط ازازه كامله وتكمل مياه مقطره

**meladadel** · 19-05-2010 01:24 PM

شكرًا يابو حميد.... المهم انت كويس الحمدلله وعامل ايه ؟؟؟

**M.Mostafa80** · 19-05-2010 01:26 PM

الحمد لله فى تحسن

**meladadel** · 19-05-2010 01:28 PM

طيب مبدئيًا اغسل الردياتير الاول بمياه مقطرة كام مرة - املاه وادور العربية وقت قد ايه واعمل كدة كام مرة قبل الهيبو. وانا عندى نصف زجاجة ازودها عاى الزجاجة اللى هشتريها ولا احط النصف بس ولا زجاجة كاملة واسيب النص ده للطوارئ وسؤال اخير اجيب المياه دى منين مضمونة وسعرها معقول ؟؟؟؟؟ اسئلة كتير قوى.. ايه الغلاسة دى !!!!!!!!!!!

**meeg** · 19-05-2010 01:33 PM

بعد اذنكم ياجماعه انا معايا ابيزا لسه شاريها من شهر
وعايز اغسل الردياتير واغير المياه بتاعت واحط مياه حمراء g12
فايه رايكم

**meladadel** · 19-05-2010 01:41 PM

اعمل تجربة لدورة المياه شوفها بتنقص ولا لأ. ولو ما بتنقص حط طبعًا g12 بدون كلام . مياه الحنفية دى لعنة على الموتور. صدًا واملاح وبتاكل وش السلندر

**meeg** · 19-05-2010 02:00 PM

هى المياه مش بتنقص انا بزودها كل اسبوع حاجه بسيطه مع العلم ان حركتها بيها قليله
انا بكلم انى عايز احافظ على دورة التبريد فهل g12 حلو ولا فى احسن منه
واللى يعرف احسن يريت يفيدنا
وشكرا

**M.Mostafa80** · 19-05-2010 02:20 PM

اعملها دوره الغسيل العاديه فى محطه البنزين بمياه مقطره وبعد كدا هات الميه الهيبو وحطها بالكامل ومش هيضر لو حطيت النص زجاجه اللى معاك كمان وبعد كده زود ميه مقطره وان شاء الله خير
الميه هتلاقيها عند محلات الصفوه اللى فى شارع رمسيس
او اى حد بتاع قطع غيار مرسيدس بردو ممكن تلاقيها عندهم
بالتوفيق ان شاء الله

**meeg** · 19-05-2010 02:28 PM

ياجماعه ايه المياه الهيبو اللى انتوا بتكلموا عنها ده واجيبها منين؟
وشكرا

الموضوع: تغيير مياه ردياتير بولو

LinkBack

أدوات الموضوع

عرض

تغيير مياه ردياتير بولو - انشر الموضوع فى :

-

-

-

-

-

-

المواضيع المتشابهه

موضوع ده عن Coolant Mix and Overheating وايه مياه ردياتير انسب اللأجواء بتاعتنا ؟

تغيير مياه الرادياتير

تغيير مياه

زودت مياه عاديه في ردياتير الأفيو .. هل فيها مشكله ؟؟

مياه ردياتير للألنترا 2009

الكلمات الدلالية لهذا الموضوع

المفضلات

المفضلات

ضوابط المشاركة