يعني النهارده السجاير المالبورو الابيض بكام
يعني النهارده السجاير المالبورو الابيض بكام
يللا أهي بجملة الخراب.
النهاردة السجاير غليت وبكرة الأسمنت والموبايل وبعده البنزين والزيت وبعده قانون مرور جديد وبعده ضرائب جديدة وبعده وبعده.
التطور الطبيعي للحاجة الساقعة :Oc_sun1[1]:
علي راي حسن حسني:
يافاشل ....... يافاشل يافاشل
كل اللى اقدر اقوله طول ما فى علف لازم البهايم تكبر وتثمن
* * * .... * * * *
* * * * * .... * ....
ممكن كمان بعض الكلمات دى لشاعرنا الكبير احمد فؤاد نجم تعبر شويع عن اللى جوانا
تم حذف انص المخالف لقواعد المنتدى
مشرف عام .3
1:57 ص- 20 مايو
ما فيش فايدة ..!!!!
[youtube]http://www.youtube.com/watch?v=9W86i337aZg[/youtube]
هو مش مفروض الضرائب بتبقى على اللي بيربح؟
ليه اللمستهلك هو اللي بيدفعها؟
يعني لما تشتري حاجة , يإما ما تأخدش فاتورة والتاجر " الرابح " يتهرب من الضرائب
يا إما تدفع انت الضريبة في سبيل ان تأخذ الفاتورة والعملية التجارية دي تتحسب
حسبي الله ونعم الوكيل
بلد عاوزة ضرب النار والحرق والسلخ والسحل والتسمم وكل حاجة من النوع ده
على فكرة إحنا ماشيين في نفس السكة اللي هتوصلنا للوضع اللي غنى فيه سيد درويش (شد الحزام على وسطك)..وقتها كانت كل موارد البلد رايحة لدعم الإنجليز والوضع الاقتصادي كان زي الزفت والشعب يتحرق بقى يشد الحزام يشد في شعره مش مشكلة..دلوقتي موارد البلد كلها رايحة لدعم اللي يستاهلوا الدعق والحرق والوضع الاقتصادي برضه زي الزفت والفرق إن الناس مش حتلاقي حزام عشان تشده أساسا
لا هو المقصود ان الصناعات دى ملوثة للبيئة وبتؤدى لامراض (اومال الاجانب بيفتحوا مصانع عندنا ليه) فبالتالى هو بيقول لازم تفرض عليها ضريبة علشان تدعم موارد الصحة
السجاير ماشى لكن الاسمنت جت اوت لان للاسف الاتنين جنيه حيوصولا لمستهلك 50 جنيه عندنا بجاحة ملهاش حدود
انا خايف بكره يبقى فيه ضرايب على الكلام
اهم حاجه الرنامج
نموت نموت و يحيا البرنامج
هي الموازنة على طول معجزة كده
بطلوا سرقة وهي تتظبط
وعجبي
طيب المعسل يزيد يبقى الرجاله هتقعد فى البيت و ده معروف تأثيره على الزياده السكانيه
و الصحه تزيد و الامراض تقل و الوفيات تقل
هما مش حاسبينها صح ولا ايه
طول ما ربنا بالينا بالاثنين دول اللى قاعدين على نفسنا هتفضل البلد من سئ الى اسوأ ربنا قادر يريحنا منهم كلهم فهو على كل شئ قدير
الاكشاك ما كانتش عاوزة تبيع لحد العر ما تاكد ال lm بتتباع ب 7 او 7.5 و المارلبور 10 جنية و 11 كمان الواحد يبطل التدخين احسن و اوفر
اولا احب اوضح
الناس اللي بتشجع الضرايب علي السجائر علشان صحتها و صحه الناس
ارجو منهم انهم يجتهدو و يعملو ابحاث علي النت علي الكلمات دي:
الرصاص - اول اوكسيد الكربون- مخلفات البلاستك و نواتج حرقه-- حرق القمامه-- عوادم السيارات
و هتعرفو ان علبه سجاير تشربها ارحم من سحابه اول اوكسيد كربون ورا ميكروباص ولا اوتوبيس ولا عربيه ملاكي حتي!!!
و لو الناس لسه عندها وقت تبحث و تتقصي الحقائق يبقي دورو في موضوع حلوان و الملك كان مخططها ايه
و عبد الناصر جه بفلسفه التأميم و خلي منفذ الهواء الي القاهره عباره عن ايه
حلوان دي كانت مشفي
حاليا مصانعها و بلاويها بنشمها كل يوم انا و انت و غيرنا في القاهره
الكلام عن السجاير و انها بتبوظ صحه الغير مدخن هنا في مصر عامل زي واحد بيشتكي من تكييف بينقط ميه في الشارع و السيول نفسها نازله ترخ علي الارض
===============
بالنسبه للضرايب الجديده دي ذات نفسها
تاريخ الدول بيقولنا ان الدول قبل ما تنهار بتضعف
و من دلالئل ضعفها انتشار الفنون
و دي لا خلاف عليها كنقطه ظاهره لكل صاحب عين
و علامه تانيه هي انتشار الضرايب
دوله غير منتجه و مصنعه هتجيب فلوس منين
هتتجه لمواطنينها
و ترفع عليهم الضرايب
و ده اللي بيحصل حالبا و حصل من قبل كده و هيحصل بعد كده
هما بس بيحاولو يلعبوها بأسلوب ميقلبش عليهم الناس
زي ما كان في كلام جس نبض عن ان اسعار الوقود لازم تكون مش متساويه ما بين اللي راكب عربيه رخيصه و اللي راكب مرسيدس و بي ام
تقليب المجتمع علي بعضه
هو ذنب اللي راكب مرسيدس انه ناجح في عمله
هي بقت تهمه انك تكون ناجح
يعني حاجه تفكرنا بفكره التأميم
استيلاء الجماعه علي ممتلكات الخاصه بحجه واهيه و ضعيفه
ديننا نفسه مش بيسمح بكده
و بعد ما السجاير و الاسمنت يزيدو
معظم اسعار المباني هتزيد
و مين المتحمل النهائي
انا و انت
ده الكارثه لو المصانع و الشركات مقدرتش تشتغل في ظل ارتفاعات الضرايب و تكاليف التشغيل
المسئولين لازم يتخلو عن البيروقراطيه و يفكرو بأسلوب واعي و بنظره للمستقبل البعيد قبل القريب
ده الجرنان النهارده مكتوب فيه ان الاكشاك و المحلات بدأت ترفع اسعار السجاير بالاسعار الجديده او انها تخفيها و تخزنها علشان تستفيد بفرق السعر
حاجه تضحك و الله
الدوله بتجبرهم انهم يبيعو بالاسعار القديمه الي ان تفعل الاسعار الجديده
طب ما العربيات لما اسعارها انخفضت عالميا قالك اصل احنا استوردنا بالاسعار القديمه و لازم نبيعها بالغالي
و لما الدورلار كان بيزيد كان بيبرر ارتفاع الاسعار بيه
و لما انخفض الدولار كان بيبرر الارتفاع بارتفاع الين
تأييد الموقف بالحنجل و المنجل و نظام التلت ورقات
للاسف كلامنا هنا مش هيفرق حاجه
هي الامور بتمشي كده
و هتفضل تمشي كده
ده من ايام الفراعنه و احنا برضو كده
اللي مش عاجبه الحال يا اما يسكت و خلاص يا اما يسيبها و خلاص
للاسف يا أستاذ امير احنا الدولة الوحيدة اللى فى العالم كلو لما الدولار يطلع ينزل قصادو الجنيه
و بردو لما الدولار بينزل بينزل معاه الجنيه
كل دول العالم عملاتها بتطلع و تنزل
بس الجنيه بتعنا الله أكبر على كبرياءه بسم الله ماشاء الله مكبر دماغو من الكلام الفاضى دا
والله لو الجنيه بيتكلم كانت الحكومة خلتوا يقول دولار ايه و يورو ايه و ين ايه دول موش مستوايا اعمل عقلى بعقلهم ليييييييييييييييه؟؟؟؟؟؟؟
انا محافظ على اتجاه واحد بس ولاا عاوزنى اقلد عدوية حبة فوق و حبة تحت؟؟؟؟؟؟؟؟؟
انا ارفض بشدة ان مصيرى (اللى هو الجنيه المصرى) يرتبط باغنية
وعلى راى كاريكا الجنيه بعد ما عاوموا ضرب الغطس مقبش تانى
الفكرة مش غلو سجاير او معسل الفكرة انو بيشغلونا عن حاجات بتحصل فى البلد من ورانا ربنا يستورها
انا حاسس ان الحكومة بتقولنا بصوا العصفورة اللى هنااااااااااك و اول ما ننشغل تاخد مننا حاجة
يا راب انت اللى لينا ابعد الشر عننا و خليك معانا احنا زهقنا و تعبنا و اللى فيه الخير اعملهلنا انا سلمتلك امرى يااارب
طيب متقولى ايه النتيجة اللى حوصلها؟
ان دخان السجاير مش مؤذى؟ ولا ان فى حاجات اخطر من السجاير؟
لو فى حاجات اخطر من السجاير ده ميعنيش اننا نسيب السجاير