الحمد لله ربنا هدانى اخيرا وبعد تفحيص و تمحيص استمر اكتر من سته اشهر
أستقريت على الكروز هاى لاين اللى ب 131000 جنيه
وان شاء الله هانزل اجازه اول شهر يونيو الى قاهرة المعز
كى ابدأ رحله البحث عن معرض محترم اشتريها من عنده
لذلك محتاج ضرورى من اخوتى فى الله وحوش شيفروليه -خاصة الاستاذ حسام اوبتراوى اللى تعبته معايا فى موضوع الكروز الخليجى اللى طلع فى الاخر اونطا- ان يساعدونى بخبراتهم الكبيره فى شراء السياره ان شاء الله.
ندخل فى الموضوع كفايه رغى
ليا كام سؤال كده محتاج نصيحتكم عشان ما ادبسش فى عربيه مضروبه
- ايه افضل معرض موثوق فى نزاهته (ان شاء الله الدفع كاش)
- يكون المعرض متوفر عنده السياره والتسليم فورى (اللون المطلوب نبيتى)
- أيه الحاجات اللى لازم استلمها مع السياره عند الاستلام
- أول صيانه للسياره بتكون عند كام كيلو متر

مبدئيا كفايه كده عشان ماتئلش عليكم ولكم جزيل الشكر على حسن تعاونكم المتوقع دائما من رجاله أحسن منتدى فى الدنيا