الموضوع: خلاص نويت على الكروز هاى لاين

المشاركة الأصلية كتبت بواسطة mmtronic

طالما نويت على التعامل مع منصور - راجع كدة الرابط دة عن عربية كوووووورى ( افيو ) بس كورى لـ اكبر توكيل فى بركة السبع

http://www.nilemotors.net/Nile/151268-2010.html



و انت تعرف انت داخل على اية

سبحان الله

هو حضرتك الاستاذ صاحب الموضوع حدد اختياراه

و بعدين انتا حاطط رابط لافيو مش كروز و بعدين هديك مثال

http://www.nilemotors.net/Nile/131964-a.html

هل معنى كده ان محدش هيشترى هيونداى تانى!!!!!!!!!!!

و بعدين تعامل ايه مع منصور هو هيناسبه ولا هيشترى عربية

و بعدين مال حضرتك بتقول عربية كورى بالطريقة ديه رغم انك مش راكب المانى انت راكب كورى برده

و فى النهاية

نفسى يا مصر الكلام فيكى يبقى عليه جمرك

المشاركة الأصلية كتبت بواسطة mmtronic

فعلا سبحان الله فى كل وقت

وانت مزعل نفسك قوى لية كدة

قولى هوة انت راكب عربية من منصور و لا لا - لانة الاجابة تفرق كتير

لان لو انت مش راكب عربية من منصور اى كانت ماركيتها - يبقى فعلا الكلام لازم يبقى علية جمرك

اما لو راكب عربية من منصور و بتنصح الراجل يشترى عربية اى كانت منة يبقى انت كدة حرام عليك


و بعديين انت مدايق قوى من الطريقة الى بقول بيها " كووووورى " - هوة سيادتك كورى و لا حاجة و زعلان على الجنسية

على فكرة انا راكب مصرى - مش كووووووورى

و بعديين تذكر انا كل واحد بيعبر عن راية - هه


تقبل تحياتى

طول عمرى اعرف ان العربية (اى عربية) بيبقى تقييمها مبنى على مدى اعتماديتها مدى ثباتها التقييمات العالمية ليها زى تقييمات توب جير مثلا مش مدى حب او كره الناس لتوكيلها!!!!!!!

شوف الكروز اللى بتيجى مصر هى نفسها اللى بتروح اوروبا(مع فرق المحرك نظرا للجمارك) كلهم خارجين من كوريا فى اوروبا معجبين بيها جدا و فمصر زى واحد قال لصاحبه هى الكروز عربية كويسة؟

صاحبه قاله: الافيو ديه عربية وحشة جدا و توكيلها سىىء و خد اقرا الموضوع ده

هههههههه

بالمناسبة انا مش راكب لاعربية من منصور ولا غبور و لا مش عارف ايه

انا عربيتى مرسيدس e200 عيون بس برده ناس كتير اعرفهم معاهم اوبترا و كروز و مشتكوش ولا مرة لا من عربياتهم ولا من التوكيل

رو اساسا انا مبشتريش عربيات كورى بسده ميمنعش ان فيه عربيات كورى بحترمها و اثبتت كفاءة فمصر

اتمنى ان فكرتى تكون وضحت ليك

المشاركة الأصلية كتبت بواسطة ahmedegypt

بالمناسبة انا مش راكب لاعربية من منصور ولا غبور و لا مش عارف ايه

انا عربيتى مرسيدس e200 عيون بس برده ناس كتير اعرفهم معاهم اوبترا و كروز و مشتكوش ولا مرة لا من عربياتهم ولا من التوكيل

رو اساسا انا مبشتريش عربيات كورى بسده ميمنعش ان فيه عربيات كورى بحترمها و اثبتت كفاءة فمصر

اتمنى ان فكرتى تكون وضحت ليك

يبقى يا رب الكلام يكون علية جمارك

ههههههه

المشاركة الأصلية كتبت بواسطة أبـو آســـــر

لا يا باشا اكيد الراجل ما يشرفوش انه يناسب واحد نصاب زي منصور
هو بس بيفكر صاحب الموضوع انه هيشتري عربية تقريباً مالهاش توكيل فعلاً
و بعدين هما الي ركبوا الماني منصور عمل الصح معاهم مهو برضه بينصب عليهم و خش قسم اوبل و انت تعرف و راجع مشاركاتي بخصوص فيكترا 2008 و انت تعرف
يعني الراجل وحش في كله
هيجي على الكروز و يبقى عدل علشان ايه يعني !!!!!!
كان أولى يهتم بالفيكترا و لا ايه



أويدك بشدة و المعنى في بطن الشاعر

يا باشا اخترم راى حضرتك جدا بس تيجى نفكر فالموضوع من زاوية تانية

ان اولا مفيش توكيل فمصر الكل اجمع انه كويس او وحش يعنى اللى ظهرت فى عربيته مشاكل لازم التوكيل بالنسبالة يبقى حاجة ........ و اللى مظهرتش مشاكل فعربيته لازم يقولك والله ده توكيل كويس جد ا وناس زى الفل

و بعدين حضرتك كل التوكيلات مفيهمش حد حاز ئقة الجميع

يعنى غبور بينفض الكماليات اللى هى المفروض اساسيات مش كماليات زى الايرباجز و باع لواحد عربية نيو اكسنت بايظة

منصور فيه ناس بتشتكى ان الافيو فيها عيوب صناعة

توكيل كيا مش بيعمل صيانة للخليجى و لو عملها بيزود تلت المبلغ لمجرد انهم مشتروش العربيات منه و طبعا ده نصب

فى النهاية اعتقد ان العربية حظوظ زى اى حاجة فالدنيا

تحياتى ليك يا باشا وشكرا على ردك