مفاجاة غريبة ! كاسيت lg صناعة مصرية بمواصفات فظيعة ! ب 750 جنيه فقط !

السلام عليكم ,

انا عارف ان LG مش من الماركات المعروفة في الصوت و خصوصا عدة صوت السيارة .

بس من كام يوم نزلت انا وواحد صاحبي لسة شاري فرنا جديدة .. و طبعا هو و انا مقتنعين .. اني لو غنينا مع بعض بصوت عالي صوتنا حيبقى انضف من الزبالة .. الي كلمت زبالة والله قليلة عليه..
الزبالة الRoadstar الي جاي بيها ..

فنزلنا اتفرجنا هو الراجل كان اخره 800 جنيه .. فانا طبعا نطيت لPioneer .

بس هو كان نفسه في حاجة فيها Bluetooth ..في Pioneer او اي ماركة اخرى طبعا الموضوع حينط ل 1200 مثلا على الاقل .

لاندهاشي بقى ليقنا موديل من LG
اسمه LAC7900N
و ده فيها USB/AUX/ Bluetooth Streaming / Phonebook

وممكن تستعمل تلفيونك وبيتعرف عليها Automatic بعد اول مرة .

طبعا انا كنت شاكك في الموضوع خصوصا انه صناعة مصرية . ( والله متضايق اني بقول كدة ) و هو طبعا مش صناعة مصرية 100% هو بيتجمع هنا .

المهم صاحبي اتجنن طبعا .. كل ده و ب 750 جنيه .. طبعا الخدعة .. او مش الخدعة يعني .. الي الانة ..انه مفيهوش جرافكس او كتابة بكذا سطر .. هو بيكتب زي الكاسيتات القديمة بالحروف ال LCD الكبيرة و شكله مش زي شكل الحاجات الجديدة .

بس لو بالامكانيات دي .. مش فارق مع ناس كتير ..

المهم بقى نيجي للصوت .. بصراحة صوته جميييييييييييييل جدا جدا طبعا انا مش محترف في الموضوع ده في ناس احسن مني ممكن تقول بس على الاقل بالنسبة لصاحب العربيةي و بالسماعات ال STOCK حتى الي جايه معاها الصوت احسن 500% .

و فيه خاصية ظريفة اسمها XDSS و دي لما بتشتغل بتظبط الاغنية AUOTMATIC لاحسن جودة صوت على حسب نوع الاغنية لو مكتوب فيها لو بيبقى Automatic.

وممكن تغير الوانه من احمر الي ابيض الى ازرق حسب لون اضاءة عربيتك الداخلية .
وفيه Support لل Subwoofer ومعاه ريموت كنترول كمان .

شكل الجهاز و مواصفاته :

http://img517.imageshack.us/img517/6...cdreceiver.jpg
53WX4ch
Slot-in & Detachable
CD-DA/R/RW,MP3,WMA,AAC
(CD-....,ID3 Tag,WMA Tag)
Full RDS AM/FM Tuner
Preset Memory:24EA
10Preset EQ + 2User EQ
4ch Line-Out(2V)
Woofer Ready
24bit D/A Converter
Bluetooth(Handsfree,Audio streaming,Phone book Sync)
Remote Control
Dual color Display(white/Red)
Quick Jump
Digital XDSS Plus
MP3 Optimizer
Built-in Steering Wheel
Remote Compatible(Europe Only)

-

الصفحة الرسمية :
LAC7900N DVD / MP3 / CD Receivers In Car
------------------------

تمنه من 750 الي 825 في شارع دمشق ومعاه ضمان سنة .

حبيت بس القي الضوء عليه .. يمكن في ناس محتاجة حاجة بالامكنيات دي و بالسعر ده و لو في حد جربه اكتر ياريت يفيدنا طبعا .

جميل فعلا وشكرا على المعلومات

اللف شكر ليك ياباشا على المعلومات الجامده دى وفعلا شكله كاسيت جامد

شكراً على عرض التجربة .. حكاية تغيير لون الإضاءة جميلة بصراحة

الكاسيت ده مع واحد صاحبى فى عربيته,هو ممتاز بصراحه ميبنش عليه انه مصرى (وان كانت دى معلومه اول مره اعرفها) وامكانياته فعلا حلوه جدا,من وجهه نظرى عيبه موضوع تغيير الالوان ده(ده رأى شخصى) وموضوع الكتابه بتاعته زى ماتفضل صاحب الموضوع وقال بالاضافه الى العيب الازلى فى اى حاجه تقفيل مصرى انك لازم تضغط بكل قوتك على الزراير علشان تستجيب لك,يعنى زرايره مش ناعمه

شكرا على نقل المعلومه

تقبل مرورى وتحياتى

شكرا يا باشا علي المعلومات الجميلة

يا رجالة فى مصنع معمول فى مدينة 6 اكتوبر ل lg وبيصنع حاجات كتيير من ضمنها شاشات lcd والبلازما وانا جبت الحمد لله البلزما تقفيل مصرى اكثر من ممتازة وخاماتها تحفة ولقتها ناجحة جدآ وناس كتيير جابوها واعتقد ان فى مصنع ل سمسونج كمان فى اكتوبر

بجد امكانياته جميله جداً فعلاً

كفاية الـUSB و البلوتوث streaming ... كل الموبابلات دلوقتي فيها AD2P

شكراً للمعلومة

جزاكم الله خيرا على الإفادة
أنا بقالي فترة بادور على حاجة كده
بس ياريت لو حد يفيدنا بسعر أقرب حاجة للمواصفات دي من الماركات المشهورة عشان المقارنة تكون أسهل..بايونير مثلا والكلام ده لأن أنا أبيض تماما في موضوع الكاسيت والصوتيات

اقتباس:

---

المشاركة الأصلية كتبت بواسطة cryptonx

فنزلنا اتفرجنا هو الراجل كان اخره 800 جنيه .. فانا طبعا نطيت لpioneer .

بس هو كان نفسه في حاجة فيها bluetooth ..في pioneer او اي ماركة اخرى طبعا الموضوع حينط ل 1200 مثلا على الاقل .

---

تمن اللى زيو اهو
وبعدين تعالوا لأول مرة نقف جمب بلدنا
انا اريت عن اليابان ان بعد الحرب اليبانين كانو بيقلدوا المنتجات الامريكى كلها و علشان خبرتهم كانت محدودة كان انتجها اسواء من الاميركى و اغلى
بس الناس و الشعب اليبانى بالرغم من معرفته ان صناعة بلده اوحش و اغلى الا انو كان بيشتريها علشان يدعمها و ادى النتيجة اقوى بلد تكنلوجيا فى العالم زى المانيا بالزبط يعنى تفوقوا على الامريكان بمراحل
تعالو نجرب منتجات مصر ونبتدى نعمل اللى نقدر عليه

اقتباس:

---

المشاركة الأصلية كتبت بواسطة hmatchy

تمن اللى زيو اهو
وبعدين تعالوا لأول مرة نقف جمب بلدنا
انا اريت عن اليابان ان بعد الحرب اليبانين كانو بيقلدوا المنتجات الامريكى كلها و علشان خبرتهم كانت محدودة كان انتجها اسواء من الاميركى و اغلى
بس الناس و الشعب اليبانى بالرغم من معرفته ان صناعة بلده اوحش و اغلى الا انو كان بيشتريها علشان يدعمها و ادى النتيجة اقوى بلد تكنلوجيا فى العالم زى المانيا بالزبط يعنى تفوقوا على الامريكان بمراحل
تعالو نجرب منتجات مصر ونبتدى نعمل اللى نقدر عليه

---

معاك حق 100%

مشكوووووور والله يعطيك الف عافيه

تسلم على الموضوع
وياريت يبقى بدايه لريفيوهات ""مراجعات "" عن الصوتيات للسياره .. خاصه الاجهزه العاليه والجديده

بصراحة كل أجهزة أل جي محترمه مش الكاستات بس

مممممممممممم الكاسيت ده دخل دماغى .... شكلى كدا هروح اجيبه :)
شكرا لصاحب الموضوع

الف شكر لصاحب الموضوع وياسلام لو في فيديو اثناء التشغيل وعرض الامكانيات يبقى تمام اوي :S_thum1[1]::S_thum1[1]:

نيس كاسيت حد جرب سماعت ال جى 400 وات ب250 جنية

العفو ياجماعة ..

و معلش انا متاخر في الردود .. بس العربية الحمد الله اتخبطت و انا عايش في مدينة الحرفيين الان :) .

المفروض يتعمل اغراق علي المنتجات الصيني الزبالة الي بتنزل كصر علشان منتجات مصر تاخد فرصة نفسي اشوف حاجة نضيفة مكتوب عليها Made In Egypt

ياريت اى حد جرب الكاسيت يقول؟

شكله جامد
شكرا لنقل التجربة

ياريت يا جماعه حد يوضح موضوع البلوتوث ده....يعنى ممكن ابعت اغنيه من الموبيل للكاسيت

اقتباس:

---

المشاركة الأصلية كتبت بواسطة ahmed_nubira

ياريت يا جماعه حد يوضح موضوع البلوتوث ده....يعنى ممكن ابعت اغنيه من الموبيل للكاسيت

---

لا يا سيدي .

الفكرة الموبايلات الجديدة كلها ( معظمها ) في خاصية اسمها STEREO BLUETOOTH STREAMING

بمعنى انك ممكن تجيب سماعات ستريو بلوتثوث و توصلها بموباليك و تسمع الاغاني المتخزنة ( سماع مش ارسال )

و كاسيت السيارة نفس الشيء , الموبايل بيتعرف على انه كاركيت و بيشغل الاغاني بتاعتك عن طريق البلو توث بدون وصلات .

الموبليلات الجديدة صوتها ممتاز ( جربت HTD Diamond و Nokia 5800 ) انما الموبالايت القديمة بيبقى صوتها وحش ( Nokia N70 ) .

اقتباس:

---

المشاركة الأصلية كتبت بواسطة cryptonx

الموبالايت القديمة بيبقى صوتها وحش ( nokia n70 ) .

---

انا بشغل ال n70 يا باشا aux و الحمد لله الصوت ممتاز
مش بحس بفرق بينه و بين السي دي:11:

اقتباس:

---

المشاركة الأصلية كتبت بواسطة cryptonx

لا يا سيدي .

الفكرة الموبايلات الجديدة كلها ( معظمها ) في خاصية اسمها stereo bluetooth streaming

بمعنى انك ممكن تجيب سماعات ستريو بلوتثوث و توصلها بموباليك و تسمع الاغاني المتخزنة ( سماع مش ارسال )

و كاسيت السيارة نفس الشيء , الموبايل بيتعرف على انه كاركيت و بيشغل الاغاني بتاعتك عن طريق البلو توث بدون وصلات .

الموبليلات الجديدة صوتها ممتاز ( جربت htd diamond و nokia 5800 ) انما الموبالايت القديمة بيبقى صوتها وحش ( nokia n70 ) .

---

شكرا ياباشا على المعلومات دى
متعرفش السامسونج اومنيا فى الموضوع دة ولا لا؟

اقتباس:

---

المشاركة الأصلية كتبت بواسطة m7mda7md

انا بشغل ال n70 يا باشا aux و الحمد لله الصوت ممتاز
مش بحس بفرق بينه و بين السي دي:11:

---

الAUX حاجة و ال Bluetooth Streaming حاجة تانية خالص

اقتباس:

---

المشاركة الأصلية كتبت بواسطة ahmed_nubira

شكرا ياباشا على المعلومات دى
متعرفش السامسونج اومنيا فى الموضوع دة ولا لا؟

---

بنسبة 98% اكيد انه شغال .

و ممكن قبل الشراء تفتح الكتالوج . مكتوب فيه معظم الموديلات الي شغالة .

اظرف حاجة في الموضوع ان " معظم " موباليلات LG مش شغالة LOL .

اقتباس:

---

المشاركة الأصلية كتبت بواسطة CryptonX

اظرف حاجة في الموضوع ان " معظم " موباليلات LG مش شغالة LOL .

---

هههههههه

اقتباس:

---

المشاركة الأصلية كتبت بواسطة cryptonx

الaux حاجة و ال bluetooth streaming حاجة تانية خالص


.

---

منا عارف و الله يا باشا ان ده حاجه و ده حاجه
بس كل اللي بيتكلم بيصنف ال n70 علي انه عده قديمه و صوتها وحش

ال aux عامة اعتقد انه احلي من البلوتوث كصوت

اقتباس:

---

المشاركة الأصلية كتبت بواسطة m7mda7md

منا عارف و الله يا باشا ان ده حاجه و ده حاجه
بس كل اللي بيتكلم بيصنف ال n70 علي انه عده قديمه و صوتها وحش

---

لا انا مصنفتوش والله :)

انا جربته فعليا على الكاسيت ده .

3 اصدقاء - 3 موبايلات
N70 - 5800 - HTC Diamond

وصوت ال n70 على البلوتوث كان اسوء من صوت الراديو حتى .. علشان كدة قلت انه قديم
و طبعا مش عيب عليه بس هو طرح في سنة 2005 .. يعني بقاله 5 سنين .

و الناس دلوقتي موبايل موديل السنة الي فاتت بيتقال عليه قديم :)

اقتباس:

---

المشاركة الأصلية كتبت بواسطة CryptonX

وصوت ال n70 على البلوتوث كان اسوء من صوت الراديو حتى

---

:120146b:stink[1]::stink[1]::stink[1]:
صدمتني

اقتباس:

---

المشاركة الأصلية كتبت بواسطة m7mda7md

:120146b:stink[1]::stink[1]::stink[1]:
صدمتني

---

lol
انا اسف والله :)

بس الكاسيت فيه AUX ممكن توصله AUX او حتى USB متزعلش :)

اقتباس:

---

المشاركة الأصلية كتبت بواسطة CryptonX

lol
انا اسف والله :)

بس الكاسيت فيه AUX ممكن توصله AUX او حتى USB متزعلش :)

---

و الله يا باشا انا تعقيبي اولا و اخيرا علي ذوق حضرتك اللي ملوش حدود
فعلا انا مشفتش كده
اما الكاسيت بتاعي مفهوش بلوتوث ف مش هتحاج الموبايل في الحوار ده
متحسش بالذنب ههههههههههه:C_laugh[1]::C_laugh[1]:

اقتباس:

---

المشاركة الأصلية كتبت بواسطة m7mda7md

و الله يا باشا انا تعقيبي اولا و اخيرا علي ذوق حضرتك اللي ملوش حدود
فعلا انا مشفتش كده
اما الكاسيت بتاعي مفهوش بلوتوث ف مش هتحاج الموبايل في الحوار ده
متحسش بالذنب ههههههههههه:c_laugh[1]::c_laugh[1]:

---

الله يكرمك يا اخي :)

المهم نبتسم على طول :)

محش يعرف اشغل ال a2dp ازاى فى السامسونج اومنيا....انا عملت سيرش كتير بس ملئتش اى نتيجه....ياريت لو فى اى افكار

اقتباس:

---

المشاركة الأصلية كتبت بواسطة Hmatchy

تمن اللى زيو اهو
وبعدين تعالوا لأول مرة نقف جمب بلدنا
انا اريت عن اليابان ان بعد الحرب اليبانين كانو بيقلدوا المنتجات الامريكى كلها و علشان خبرتهم كانت محدودة كان انتجها اسواء من الاميركى و اغلى
بس الناس و الشعب اليبانى بالرغم من معرفته ان صناعة بلده اوحش و اغلى الا انو كان بيشتريها علشان يدعمها و ادى النتيجة اقوى بلد تكنلوجيا فى العالم زى المانيا بالزبط يعنى تفوقوا على الامريكان بمراحل
تعالو نجرب منتجات مصر ونبتدى نعمل اللى نقدر عليه

---

انا طبعا بحترم رأيك
بس المشكلة اني عارف ان ابن بلدي بيضحك علية و بيغشني، يعني انا لما اشتري منه هيزيد في غشه مش هيقدر :T_thum1[1]:
انا بشتري الحاجة اللي تستاهل فلوسي :majd(4):

والله مكانش نفسي اقول كده بس للاسف ده واقع :36_7_4[1]:

اقتباس:

---

المشاركة الأصلية كتبت بواسطة msafa

انا طبعا بحترم رأيك
بس المشكلة اني عارف ان ابن بلدي بيضحك علية و بيغشني، يعني انا لما اشتري منه هيزيد في غشه مش هيقدر :t_thum1[1]:
انا بشتري الحاجة اللي تستاهل فلوسي :majd(4):

والله مكانش نفسي اقول كده بس للاسف ده واقع :36_7_4[1]:

---

للأسف كلامك صح و الفهلوة المصرية تفوقت على كل شىء وانا فاهم قصدك وموش عارف ارد عليك لأنى موش اقدر اوعدك باللى بقولوا
بص لو دا هيبقى حالنا يبقى على البلد السلامة ولا زراعة نافعين ولا صناعة نفعين ولا اقتصاد نافعين
طب اخرتها ايه؟؟؟؟؟؟؟؟؟؟؟
ادعوا معايا حال البلد يتصلح وكل واحد يربى اولادو يعملوا اللى عليهم ويخدو اللى ليهم هوا دا الحل
والا ولادنا هتاكل بعض ويجى حد من برة يحكمهم ويمشيهوم بالعصاية

شكله ابن حلال والله
شجع صناعة بلدك

ان مع تشجيع الكاست دة
ومع تشجيع الصناعة الوطنية
اوووووووووووووووووووووووو وووووووي

انا مش عاوز اصدم الناس بس بالصدفة من يومين كنت بركب سماعت و امبلفاير فى العربيه و عند المحل لقيت فيه انواع كتير زى lg ,Alpineمكتوب عليها صنع فى مصر
المهم من خلال الكلام مع الراجل قالى يا فندم دية كلها منتجات صينيه و بتلصق بادج صنع فى مصر عشان يستفادو بالتخفيض من الحكومة.
المهم الراجل جابلى كاسيت LG و شال البادج بتاع صنع فى مصر لقيت مكتوب made in china :(