المشاركة الأصلية كتبت بواسطة ghazy12
يا باشا ولا يهمك, و كلنا ممكن نقرأ معلومات غلط في أي حتى مش في المنتدى بس
لكن المهم اننا نتأكد منها يا باشا, يعني مانصدقش كل اللي بيتقال إلا لو كنت واثق
في معلومات, اللي بيقول الكلام ده... و الغرض من المنتدى انك تفيد و تستفيد...
بالنسبه لثبات الأوكتافيا... انا بس ليا سؤال عندك... هو ايه مفهوم الثبات في نظرك؟؟؟؟
لو انك تبقى ماشي على سرعات عاليه في خط مستقيم, و العربيه ماشيه تماما و ثابته..!!
فاسمحلي اقولك ان ده مش مفهوم الثبات أبداااااااا.... الثبات مش بيتقاس كده
أي عربيه و هي ماشيه في خط مستقيم تعتبر ثابته (( أي عربيه ))...
لكن المهم بقى و هي ماشيه في خط مستقيم و قابلها اي حاجه فجأه و لازم تفاديها بسرعه
او مثلا داخل على ملف, او .................. ده مفهوم الثبات فعلا, و هنا تفرق
كتييير عربيه عن الثانيه, في الصناعه, و نظام التعليق, و انظمة الثبات, و الوزن,
و سرعة الاستجابه, الجنط و نوع الكوتش....... هتلاقي كل عربيه ليها أداء غير التانيه
و ده تقدر تشوفه على اليوتيوب في اختبارات الشركات لعربياتهم, او اختبار المتخصصين
لأي عربيه عموما....
نيجي لمشكلة الـTorsion Beam في أي عربيه سيدان بدون ESP....
انت عارف طبعاً ان التورشن عباره عن واصله واحده بين العجلتين الخلفيتين من عمود التوائي
و ده نظام تعليق غير مستقل... يعني ايه..؟؟؟ يعني العجلتين مرتبطين ببعض
مش كل واحده على حدى زي المالتي لينك... و ده بردو معناه ايه..؟؟؟
ده معناه انك لو بالكوتش الشمال (بس) نزلت في نقره, او حته عاليه عن الارض
الفرده الشمال هتترفع, و اليمين كمان هتترفع لأنها متصله بالشمال اللي اترفعت..
تخيل بقى الموقف كده... حصل نفس السيناريو, و العجله الشمال اترفعت, و اليمين
كمان اترفعت (لكن بنسبه) ده معناه انك في لحظه معينه بقيت ماشي على العجلتين
اللي قدام بس..!!!!!!!!!!! و العربيه جر أمامي... تخيل بردو لفيت الدركسيون
يمين او شمال..؟؟؟ او من الخبطه, الدركسيون لف منك مثلا, او الكوتش انحرف..
ايه اللي هيحصل..؟؟؟؟ العربيه عرضت, و عومت, و مش بعيد تتقلب لا قدر الله..
و الموضوع ده بيزيد في السيدان بالذات لأنهم بشنطه, يعني في وزن للشنطه ورا
و بيأثر جداا في الهاندلينج.... علشان كده بنقول ان الهاتش باك احسن من السيدان في الهاندلينج
يبقى ازااااااااااااي اعمل تورشن بيم, في عربيه سيدان, بدون ESP علشان يصحح
الاوضاع لما يحصل موقف زي ده..؟؟؟؟؟
ازااااااااي اعمل تورشن بيم, و اقول ان ده معمول للدول الناميه و ذات الطرق الغير
ممهده.... و ان دي عفشة خدمه شاقه, و هو اصلا مش مدعم جانب الثبات..!!!!؟؟
((مش بتكلم عن الكورولا بس... عربيات لشركات تانيه زي رينو مثلا, او كيا))
و هل مفهوم عفشة الخدمه الشاقه, هو العفشه الناشفه, و اللي على تورشن بيم, و اللي
المساعد بتاعها قصير..؟؟؟؟؟؟ أكيييييييييييييد لأ, و طبعاً لأ.... لأن الأمثله كتييير
عندك مرسيدس, و بي ام, و اودي, و فولكس, و هوندا..........
خد المرسيدس.... عفشه ناعمه جدااا, مساعد طويل, نظام تعليق مستقل محترم مالتي لينك
و العربيه ثابته جداااااااا بكل المقاييس....!!!
هي دي بشكل عام وجهة نظري, و ده عن تجارب بردو, مش بس كلام انا شايف انه منطقي
يا رب اكون قدرت اشرحلك الموضوع بشكل بسيط, و لو في اي استفسار انا موجود يا باشا
تقبل تحياتي...
المفضلات