دا فيديو فيه السيراتو الكوبيه بتعدى بين الاقماع على 110 كم/س بس اكيد فيها esp عشان خو تجهيز اساسى فى العربية برا .. بس تقريبا الخليجى فيها esp باردوا
YouTube - KIA Forte Koup Impresses Track
عرض للطباعة
دا فيديو فيه السيراتو الكوبيه بتعدى بين الاقماع على 110 كم/س بس اكيد فيها esp عشان خو تجهيز اساسى فى العربية برا .. بس تقريبا الخليجى فيها esp باردوا
YouTube - KIA Forte Koup Impresses Track
شكرا يا جماعة على ردودكم
بس أنا ليَّ كذا ملحوظة
1. رغم إن الفكرة المنتشرة عن كورولا إنها مش ثابتة لكن موديل 2007 (الشكل القديم) واخد 5 نجم في EuroNCAP. في حين إن اوكتفيا واخدة 5 نجوم.
2. اللي لاحظته إن دايما highline من أي عربية بيبقى مريح والفئات الاقل بتبقى اقل راحة (ده ينطبق على الفانتازيا والجولف كمان, الكراسي في الفئات الاقل غير مريحة اطلاقا) أنا جربتهم.
3. الغريب كمان اللي لاحظته من المواصفات إن الجولف والفانتازيا أكثر توفيرا في البنزين من الكورولا (برده بعكس الفكرة المنتشرة إن الياباني موفر في البنزين) وده غالبا عشان الفتيس ال 6 سرعات اللي بيوفر البنزين.
4. أعتقد لو الفانتازيا كانت مريحة أكتر مكنتش هتردد.
5. إن شاء الله هحاول أأجر كورولا يومين كما اقترح أحد الأعضاء المحترمين عشان أشوف مدى ثبتها على السرعة العالية لان في آراء كتيره بتقول إن الشكل الجديد ثباته جيد جدا.
اسمحلي ارد على بعض النقاط, و اوضحلك الصوره اكتر...
1- مافيش عربيه بتاخد 5 نجوم إلا و لازم تكون عدت من اختبار الثبات مع الـESP...
يعني الـESP ضروري جداا وجوده تجهيز اساسي في العربيه او حتى وجوده اختياري
و ده لوحده عليه نجمه كـــامله.... و بيختبروا العربيه بيه لازم...
لو العربيه مافيهاش ESP كتجهيز اساسي او اختياري, حتى لو عدت من اختبارات
السلامه و الامان التانيه كلها, بردو بتاخد 4 نجوم فورا....
يعني الكورولا اللي تم اختبارها او الاوكتافيا دول بـESP, لأنهم 5 نجوم...
2- موضوع ان العربيه High Line, او Base Line ده مالوش علاقه بالأساس
إلا لو من ضمن تجهيزات العربيه في الهاي لاين كراسي سبور مثلا, او فرش جلد.. كده
لكن راحة الركوب المفروض انها واااااحد في كل الفئات, لأنها ببساطه نفس العربيه..
3- طبيعي ان موتور الاوكتافيا يكون موفر في البنزين عن موتور الكورولا لانه مختلف
بمعنى ان موتور الأوكتافيا 1600, كامه واحده, 8 فالف...
موتور الكورولا 1600, 2 كامه, 16 فالف...
الفرق واضح جدااا, و الموضوع مالوش علاقه بألماني و ياباني... دي مواصفات مواتير
و طريقه لحقن الوقود مهما كانت العربيه صناعتها ايه, ده غير الجير بوكس اللي بيفرق طبعاً
لكن ده مش معناه ان موتور الاوكتافيا ضعيف... خااالص, هو ممكن تقيل شويه
مع الاوكتافيا, لكن بشكل عام الموتور ده ممتاز... و هو اللي في الجولف و الجيتا
و الليون..
لكن بشكل عام, موتور الكورولا اقوى نسبيا من موتور الأوكتافيا...
بالنسبه لــ4,5... فدول طبعاً راجعين ليك تماما, و انت اللي هتكون انطباعك لما تجرب
يا رب اكون قدرت افيدك, و تقبل تحياتي....
يا احمد بك دي مش خرافات انا لما بنزل عند بتوع قطع الغيار هما بنفسهم بيقولولي قطع غيار الجنوب افريقي غير الخليجي خالص وحاجة الخليجي بتبقي ارخص..بالنسبة ايهما اهم الخمس حاجات اللى حضرتك قلتهم كلهم مهمين وميفرقوش عن بعض في الأهمية ومحدش يقدر يقرر ايهما افضل غير لما يجرب ويشوف هو هيرتاح فين وبيحتاج انهي اكتر...واحد طول اليوم بيسوق في المدينة يبقي هو محتاج نعومة ومرونة ومسألة الثبات مش هتفرق معاه....واحد طول السنة بيسوق علي طرق سفر وبيجري علي سرعات عالية يبقي محتاج ثبات وتحكم ومناورة.... صح كده.
أستاذ غازي : شكرا على مشاركتك المثمرة
1. اتفق معاك إن موتور الفانتازيا مش ضعيف ولا حاجة.
2. اتفق معاك في فرق تكنولوجيا الموتور وبالتالي استهلاك البنزين (ده غير الجير بوكس طبعا) بس اللي كنت اقصده إن الالمان دلوقتي تفوقوا في نقطة كانت دايما لصالح الياباني زمان.
3. بالنسبة للفرق بين baseline & high line عشان أكون صريح معاك أنا ركبت Golf 6 base line حسيت إن الكراسي ناشفة ومتعبة, كمان ركبت Passat FSI base line (2008) وبرده الكراسي كانت ناشفة ومتعبة
بس ماركبتيش high line عشان أعرف الفرق تحديدا
بس عايز اقولك إني لما ركبت elantra مثلا حسيت إنها مريحة جدا جدا جدا
4. بالنسبة للخمس نجم في EuroNCAP أعتقد إن ده معناه إن الكورولا آمنة نسبيا برده, حتى لو اللي بتنزل مصر مفيهاش esp
(متنساش كمان إن golf 6 base line و فانتازيا مابينزلوش بـ esp ورغم كده يعتبره امنين جدا).
أستاذ أحمد صادق
اتفق معاك إن فعلا الواحد لما ييجي يشتري بيدور على حاجة تستاهل فلوسها يعني
أكبر قادر ممكن من المزايا في حدود مبلغ معيَّن
شكراا جزيلا يا فندم, و الهدف من النقاش هو ان كلنا نفيد بعض و نستفيد بعض...
بالنسبه لـ1 و 2, احنا متفقين يا باشا...
بالنسبه لـ3... فانا هنا ليا رأي... ان المهم في الآخر هو اقتناعك, و ارتياحك في الركوب
و مش مهم اللي هتركبه مرسيدس, ولا تويوتا, ولا هيونداي, ولا بريليانس...
و انا طرحت مثال لكل الصناعات علشان ماحدش يزعل مني :))
لكن ممكن تركب مرسيدس و ماترتاحش في ركوبتها, و تركب هيونداي و ترتاح جداا
يبقى لو الهيونداي بتلبي احتياجاتك, ليه ما تجيبهاش, و هنا المرسيدس ماتنفعكش
و مش عيب أبداااا.... المهم ان اللي هيدفع فلوسه و يركب يبقى مرتاح و مقتنع تماما
علشان كده جرب العربيات اللي انت محتار بينها, و اختار اللي يريحك أولاً يا باشا
بالنسبه لـ4... انا بصراحه مش متفق معاك فيها, لأن ببساطه لو عرفت الـesp
بيفرق قد ايه في الأداء, هتعرف انه ممكن يأمن عربيه, و عدم وجوده يخليها غير آمنه كثبات
و مش معنى انها آمنه للركاب (لو فيها نفس عدد الاير باجز), فلازم تكون آمنه كثبات
بالنسبه للأوكتافيا و الجولف و الجيتا....... فلاحظ ان نظام التعليق فيهم مختلف عن الكورولا
هو فعلا الأوكتافيا و الجولف مافيهومش esp, و ده مهم طبعا جدااا, لكن فيهم asr
و ده عامل من العوامل المهمه بردو, لأنه بيوزع العزم على العجلتين اللي قدام
( اللي شغال عليهم الموتور لأنها جر أمامي ), و بيزيد من تماسك الاطارات بالأرض
و بيمنع فقد العزم لأي سبب, و ده بيقلل من استهلاك البنزين, و بيزيد من كفائة العربيه
لأنك ببساطه بتستفيد بالعزم اللي خارج من الموتور بدون فقد....
يعني مافيش esp, بس فيه asr... و ده مش موجود في الكورولا...
و زي مابيقولوا نص العمى, ولا العمى كله... ولا ايه رأيك يا باشا...؟؟؟؟
و في الاخر بردو يا استاذ احمد انت ليك القرار الاول و الاخير يا فندم...
و اللي ترتاح فيه, و تحس انه بيلبي احتياجاتك, و مناسب ليك, توكل على الله و جيبه مهما كان
لانك الادرى بمتطلباتك, و أكيد اختيارك هو اللي هيريحك يا باشا...
ربنا يوفقك للخير بإذن الله, و الأصلح ليك...
تقبل تحياتي يا فندم...
استاذ غازي الله اكبر عليك و انا برفع لك القبعة ع المشاركات البناه دي و منكم نستفيد و ربنا يكرم الجميع