الف مبروك علي العربية
الف مبروك علي العربية
الف مبروك وربنا يحفظهالك من العين واهلا بيك فى عائلة كيداهم :10D5C8w1107::10D5C8w1107:
تعتقد ان سواقه عربية لمدة شهر لا تكفى لتقيم عربية وخصوصا لو كان قبلها يملك الخبرة فى سواقه اكتر من موديل اعتقد اسبوع كافى ثم السيراتو مش محتاجه غير يوم
والحمد لله انها مش صينى !!!!
اعتقد ان شهر كفيل جدا لتقيم اى سيارة وخصوصا لو كان اللى يملكها كان راكب عربية قريبه من نفس الامكانيات يعنى مينفعش واحد كان راكب عربية مانيول وموديل التمانيات ويركب عربية حديثه ونصدق تقيمه لان اكيد هيكون فى فرق شاسع ....
طيب تقول ايه عن اللى بيركب العربية لمدة يوم او سمع من قريبه ولا اصحابه عن العربية ويجى يدخل معاك فى مناقشة ويقول كلام كانها معه من سنة .
اما نظرية نفسيا اتفق معاك فيها بس مش لدرجه انه هيضحك على نفسه .
اعتقد معظم مقارنات العربيات بيكون مبنية من اختبار عربية زيرو ولسه جديده مع بقية الاعضاء يعنى مش حاجة جديدة
زى كدا لما تم تقييم السيراتو هنا من اعضاء المنتدى الكرام استاذ نادر واستاذ احمد وكانت العربية زيرو عاملة 9 كيلو بس وعادى مقولناش حاجة مع انهم مثلا اشادوا بفرامل العربية اللى هى تقريبا كان التيل لسه مطبعش على الطنابير .. فا ياريت ميكونش فى قوانين خاصة لازم تطبق على السيراتو عشان تثبت انها عربية حلوة لانها اثبتت دا بالفعل وشوف حواليك فى الشارع وانا الحمد لله عربيتى دلوقتى داخلة خلاص على 18 الف ولم يتغير شى فيها بل بالعكس اداء العربية ارتفع قليلا وشكرا.
في فرق بين تقييم عربية وعرض مواصفاتها في تقرير أول ماتنزل وفرق بين تقيم الأداء الحقيقي لعربية بعد الإستخدام لفترة كافية وهل استمرت على نفس الكفاءة ولا قلت
مستحيل كفاءة الفرامل هتكون على نفس مستوى أول شهر لان التيل والمكابس اداها بيختلف بعد 20 ألف كيلو وبتكون كفاءة زيت االفرامل ختلفت وده بيفرق من جودة من عربية لعربية تانية !
نظام التعليق أول شهر بيكون قاسي وده بيدي احساس بمستوى ثبات زائف عن الإستخدام بعد 20 ألف كيلو على اقل تقدير مثلا
وقيس على كده باقي اجزاء العربيه
طيب بس تقول بأمانة هل اداء ال 320 اللي معاك زي أول شهر جبتها فيه بلاش السيراتو.علشان ميبقاش هجوم عليها ونعمم الحديث
:
الله ينور وشكرا يا باشا
اولا: العفشة ناشفة علشان العربية لسا جديدة ممكن تتطرى عن كدة كمان
ثانيا: الثبات معقول
ثالثا: الخامات رديئة ..اتفق معاك
رابعا: الفرامل قوية و بتكلبش ...مهي لسا جديدة و ملهاش علاقة بabs لان هذا النظام يعني منع الانغلاق للمكابح اي يمنع التوقف التام للاطارات و بالتالي يمنع الانزلاق و تستمر القدرة على التوجيه و السيطرة على السيارة و لا يعني قوة او ضعف الفرامل
خامسا: التقييم العام ايجابي للسيارة و انتشارها يعطي ميزة اخرى...و شكرا
الف مبروك وربنا يديك خيرها ويكفيك شرها
مع تحفظى على وصفك بالخامات الرديئة
أنا بصراحة مش شايف اى خامات جوة رديئة
بالعكس شايفها جيدة جداا إن مكنتش ممتازة
evo
20 ألف دا رقم كبير أوى أوى أوى
كان ممكن أقتنع بكلامك لما يكون 5000 مثلاً
أنما 20 حته واحده
هاتلى عربيه فى المنتدى لم يتم الحكم عليها إلا بعد 20 ألف...مدورش علشان مش هتلاقى
وبعدين الحكم على العربيه كأداء بيتم فى أى وقت
تتصور لو أنا بقيم عربيات مع مجله ولا جرنال مثلا
وعربيه نازله وقالولى قيمها أقلوهم لأ بس شويه كده تكون عملتلها كام كيلو!!
حتى مع الاعتراف بالتغير الطفيف الحادث مع زياده الكيلومترات إلا أنه زى مقلت "طفيف"
مش ممكن تكون عربيه أول 1000 جباره وبعدين على 20000 تريح
أنت مقتنع بالكلام دا!!!