سؤال لو سمحت على الفلوينس

**stormboy** · 20-05-2010 02:06 AM

السلام عليكم
و انا بلعب على كونتكت كارز لقيت ان فيه فئه ب 151 الف فلو موجوده عاوز اعرف الفرق بنها و بين الهاى لاين اللى ب158
شكرا

**wal** · 20-05-2010 09:51 AM

-تقريبا الفئة دى مش هتلاقيها فى التوكيل بس على العموم الفئة ال151 بتزيد عن الفئة ال135 فتحة سقف وفرش جلد كامل والهاى لاين بتزيد عليها (بارك سينسور-زينون-2 ايرباجز زيادة فى الاجناب بخلاف الموجودين للسائق والراكب الامامى المتوفرين فى جميع الفئات)

**stormboy** · 20-05-2010 06:16 PM

شكرا ليك wal على التوضيح
تفتكر الموضوع مستاهل انى ازود و أجيب هاى لاين و لا 132 كويسه

**wal** · 21-05-2010 01:55 AM

والله لو حضرتك تقدر تجيب الهاى لاين من غير ماتزنق نفسك يبقى تجبها بدون تردد لان احلى حاجة فى السيارة انها تكون جامعة لكل الاوبشنزاللى ممكن تتخيلوا -النقطة دى هتلاقيها فى الفلوانس وبزيادة كمان وبتخليك ايضا ماتفكرش فى اى عربية اخرى طول ما انت معاك اعلى فئة لان من الصعب انك تلاقى سيارة فى نفس فئة الفلوانس وفيها اوبشنز الفلوانس فأنسى انك تبص لعربية تانية وانت معاك الفلوانس الهاى لاين الا بقى لو هتفكر بعد كدة فى المرسيدس والبى ام
-بس لو الظروف ماتسمحش بالهاى لاين ييبقى عليك بالفئة ال135 وش -فيها برضه كل حاجة وبزيادة كمان عن أطخن سيارات فئتها وهتستمتع بيها جدا ان شاء الله ومكن بعد كدة تبقى تزود الاوبشن اللى فى الهاى لاين واحدة واحدة مع نفسك كل ما اتاحت الظروف بس الحاجة الوحيدة اللى مش هينفع تعملها هى فتحة السقف فقط اما الفرش الجلد والزينون والبارك سينسور فممكن تبقى تركبهم براحتك بعد كدة