الموضوع: سيارة شنورى اتسرقت

المشاركة الأصلية كتبت بواسطة dr ahmed

كريم....................
هو فين شنورى؟
جميع الأعضاء يبحثون عن شنورى ولا يجدونه.....
شنورى اختفى!!!!!!!!

د سامى : يكونش هو كمان اتخطف؟

وفى هذه اللحظات كان شنورى يرتجل موتوسيكل كمال بما تبقى فيه من وقود برسيمى وهو يلوم نفسه قائلا:
كل دا بسببى
أنا اللى استعجلت وجمعت كمال وسبعاوى فى حتة مقطوعة
وانا اللى محافظتش على سرية الاختراع وقلت لكل الناس عليه

يبقى لازم أستحمل مسئولية اللى عملته
لازم أرجّع العربية من عند سو قبل موعد تسليم كمال وسبعاوى
ويزيد من سرعة البايك متجها لمنزل سو الذى يعرفه جيدا ......

سامى ينادى على شنورى باعلى صوته
شنورى ينطلق مسرعا ولا يجيب
صوت موبايل بيرن
سامى:موبايل مين ده يا جماعة
احمد نوح:يا نهار اسود هو احنا كنا ناقصين دى كمان
صلاح:فى ايه يا احمد
نوح: ده موبايل شنورى نساه من تهوره
كريم هاته يا احمد نشوف مين
ده رقم كمال
نادر: رد بسرعة
كريم وهقولهم ايه
نادر قول اى حاجة بس رد ليعملوا فيهم حاجة
ممدوح: لا ماتخافوش مش هيقدروا سبعاوى هو الدماغ بتاعة الوقود
كريم يستجمع تركيزه ويجيب الو
الحاج احمد مغيرا لصوته:الو انت مش شنورى انت مين
كريم: انا كريم منير وانت مين
الحاج احمد: ما تسألش كتير لو العربية موصلتنيش خلال ساعتين هبدأ اقطع فى صاحبك كمال حتة حتة لحد ما اخلص عليه
كريم: ساعتين قليل اوى ادينا وقت احنا لسة بنجربها وحذارى تقرب لكمال ولا سبعاوى والا مش هتعرف سر اختراع العربية طول عمرك
وهجيبك هجيبك ومش هتعرف تهرب منى
الحاج احمد: اتكلم على قدك بدل ما ابعتهولك فى اكياس
كريم: انا عاوز اكلم كمال وسبعاوى اطمن عليهم قبل اى كلام
الحاج احمد : تعالى هنا انت وهو واياك حد فيكم يلمح بكلمة والا يشير مهددا بقطع رقبتهم
سبعاوى : الو الو ايوة يا كريم انتوا فين اعملوا حاجة
كمال: مهللا الحقنا يا كريم انتوا ما صدقتوا تخلصوا مننا ولا ايه
كريم : انتوا كويسين يا كمال حد عملكوا حاجة
كمال : انا تعبان اوى يا كريم الحقنى
كريم : مالك حصلك ايه
كمال : انا قلبى عليل يا كريم الحقنى بالدوا بقولك قلبى علييييييل
كريم: انت هتتسمكن يا واد وده وقته اجمد شوية
هنا سحب الحاج احمد الموبايل من كمال وسكعه قلم مدوى مناديا على عصابته خدوهم برة دلوقتى
الحاج احمد: اطمنت على صاحبك يا ابو قلب حنين
كريم:............

غازى محدثا نفسه : وانا هدورله عليهم فين دول
هم عيال تايهين
تعمل ايه يا واد يا باشمهندس غازى ....تعمل ايه يا واد حمادة
اة لقيتها
يمسك موبايله ويتصل
غازى : انت فين يا باشمهندس
المتصل به: موجود يا باشا بس انت عارف الشغل كتير
غازى: انا محتاجلك فى خدمة كبيرة ومهمة
المتصل به: خير أأمر وانا انفذ
غازى: نايل موتورز محتاجلك يا كبير فى مصيبة حصلت الاختراع اتخطف وكمان كمال وسبعاوى
لازم نوصلهم قبل ما يحصل مصيبة
المتصل به: يا نهار اسود معقول طيب احنا هنعمل ايه دلوقتى
هندور فين ولا فين
غازى : مش عارف وعشان كده قولت اكلمك تدبرنى
المتصل به: طيب انت معندكش اى معلومات ..يعنى اختفوا فين بالظبط والساعة كام تقريبا اتخطفوا فى اى طريق
غازى : كريم مادانيش اى معلومات قالى دور عليهم وبس
المتصل به: وده كلام يا راجل اتصل به تانى وهاتلنا شوية معلومات عشان نقدر نعتمد عليها ونمشى وراها ونلاقيها ان شاء الله بسرعة
غازى : ماشى يا هندسة هكلمه وارجعلك
المتصل به : طيب بس بقولك ايه بلاش تقوله انك كلمتنى ولا انى هساعدك ولاحاجة عشان ما يفتكرش انك مش قدها
غازى : ربنا يكرمك وما يحرمنيش منك يا حبيب قلبى
غازى يتصل بكريم

كريم: الو
غازى: ايوة يا كيمو عاوز شوية معلومات عشان تسعدنى فى البحث
وعلى فكرة انا اتصلت بواحد حبيبنا عشان يساعدنى وهو قالى ماقولش بس احقاقا للحق لازم تعرف
انت عارفنى محبش انسب مجهود حد لنفسى
كريم : ماشى ماشى المهم تدوروا كويس وانا هبعتلك ميل بكل التفاصيل
غازى : اوك يا كيمو ابعته بقا ليا و لسو كمان بالمرة عشان ياخد فكرة ونعرف نننسق مع بعض
كريم : سوووووووووووووو
يا نهارك اسود وايه دخل سو بالموضوع
غازى: ايه يا كريم انا مش لسة قايلك فى واحد حبيبنا هيساعدنى
هو سو انت زعلان منه فحاجة
كريم:...................