سمعت ان اى عربية انجيكشن مش مهم تدور شوية قبل ما تطلع حتى لو العربية باردة الكلام ده صحيح ارجو اجابة اصحاب الخبرة:U_thin1[1]:
عرض للطباعة
سمعت ان اى عربية انجيكشن مش مهم تدور شوية قبل ما تطلع حتى لو العربية باردة الكلام ده صحيح ارجو اجابة اصحاب الخبرة:U_thin1[1]:
غلط طبعا لازم تسخن علي الاقل 30 ثانية
العربيات اللي فيها علبة بيئة في الشكمان - العلبة دي مش بتؤدي وظيفتها الا لما يسخن الموتور ويفضل ريحة العادم ظاهرة في او الدوارة هعشان كده
حساس الشكمان مايشتغلش ويظبط مخلوط الوقود والهواء الا لما يسخن.
الشنابر لازم تكون ساخنة عشان تساعد على حرق المخلوط بكفاءة
معظم الحساسات لا تبدأ العمل إلا لما تصل لدرجة حرارة التشغيل
اعتقد دي كلها اسباب تخليك تسخن شوية قبل ما تطلع بالعربية عشان تحافظ على عمر الموتور .
تحياتي........... :biggrin:
التسخين مهم جداً ثم التحرك بدون تحميل او اجهاد لحد 20 كم تقريبا حتى يصل الزيت لدرجة الحرارة المثلى
شكرا ياجماعة للافادة انتو بجد ناس محترمة جدا ... طيب فيه حاجة ممكن اشيك عليها عشان انا بقالى شهر بانزل مستعجل عشان امتحانات الاولاد بدور وامشى علطول وهل العربية لو مشت وهى باردة ممكن ياثر على استهلاك البنزين
افضل مدة للتسخين طب اد اية
"شوية" دى اللى هى قد ايه؟؟؟
لو قياسا على العربيات القديمة اللى بتحتاج ربع ساعة تسخين يبقى الكلام صح و انت مش محتاج اكتر من عدة ثوانى عشان العربية تسخن... غالبا الكتالوج بتاع العربية بيبقى مكتوب فيه زمن التسخين او بيبقى فيه لمبة بيان فى التابلوة بتحدد امتى تقدر تمشى بالعربية
MMamdouh
فعلا بس دة مش قضية لان الكونترول بيشتغل فى open loop طول ما الحساس لسة بارد
الكلام دة مش صح...الشنابر شغلتها احكام حيز الحريق فى المسافة بين الشميز و البستم بالتالى هى ملهاش اى علاقة بكفائة الحريقاقتباس:
الشنابر لازم تكون ساخنة عشان تساعد على حرق المخلوط بكفاءة
الكلام دة مش صح... مفيش غير حساس الشكمان هو اللى بيحتاج يسخن عشان يشتغل بكفاءة و حتى دة معمول حسابة... القصة ملهاش دعوة بالحساساتاقتباس:
معظم الحساسات لا تبدأ العمل إلا لما تصل لدرجة حرارة التشغيل
MMamdouh
اختلف الفقهاء على مده التسخين ناس تقول 30 ثانيه وكلامهم مقنع جدا وناس تقول مده اكبر يعنى 3 دقاءق مثلا
انا شايف ان خير الامور الوسط وخلى بالك ان الجو حر الايام جى شويه يعنى العربيه بتسخن بسرعه اساسا
لا تقلق على عربيتك
بس الناس ال بتقول بلاش احمل على العربيه اول 20 كيلو يقصدوا انى امشى على سرعه 20 ولا يقصدوا ان محملش عليها لمسافه 20 ك هما يقصدوا ايه بالظبط
لو يقصدوا مسافه 20 ك احب افكرهم ان السياره بعد 3 كيلو بكتيره بتكون سخنت و زى الفل استحاله هتحتاج 20 ك
منطقيا هما طبعا يقصدوا سرعة 20 بس ماحدش جاوبنى ده له علاقة باستهلاك البنزين يعنى لو العربية طلعت باردة بتستهلك بنزين كثير فى الطلعة الاولى
لازم تستني شويه لضمان و صول الزيت لجميع اجزاء المحرك الداخليه
الموضوع مش مرتبط بمسافة... يعنى واحد زى حالاتى اول 20 كيلو دول حكون روحت الشغل و رجعت... و مشيت العربية حوالى ساعة و نص
الفكرة ان الواحد ميضغطش على المكنة اول ما يمشى و يتابع مؤشر الحرارة... اساسا مع المشى المؤشر حيطلع بسرعة لمكانة الطبيعى لان الحمل على المكنة هو اللى بيسخنها... و اول ما يوصل لمكانة الطبيعى سوق العربية عادى
MMamdouh
خللينا نرتب الموضوع بشكل منطقى:
تسخين العربية بيستهلك بنزين اكتر من التشغيل الطبيعى سواء لو العربية انجكشن او كربراتير (الشفاط مشدود)
العامل الاساسى فى تسخين المكنة هو وجود حمل على المكنة
معنى كدة ان تقليل زمن التسخين بيقلل من استهلاك البنزين... و تقليل زمن التسخين يستدعى وجود حمل على المكنة
اذا دة معناه اننا ندور العربية فترة قصيرة... 30 ثانية الى دقيقة مثلا ثم نبداء نتحرك بيها بدون ضغط قوى... كدة حنسرع عملية التسخين نتيجة وجود حمل... دا غير الاستفادة من البنزين المحروق فى التحرك بالعربية بدلا من الوقوف و جنساعد على الخروج من الwarm up mode اللى فيها العربية بتستهلك بنزين اكتر من العادى
MMamdouh
انا بستنى لما المكنة صوتها يهدى عندى فى الشاهين واطلع ولو مستجعل بطلع علطول من غير ماحرق على النقلات
انا بجد بتعلم حاجة كل يوم بفضل اهتمامكم thank you
ممكن الموضوع التالي يفيدك:
http://www.nilemotors.net/Nile/6549-...-benefits.html
احب اضيف كمان حاجه بسيطه على كلام بشمهندسنا محمد ممدوح
انت المفروض مدورش العربيه وتسيبها تسخن مده طويله زياده عن الزوم
لان نتيجه لاحتراق الشحنه المخلوط بينتج حمض الكبرتيك و ده حمض أكل للحديد
و بيتكون نتيجه ان اجزاء الموتور الداخليه بارده و نتيجه و جود ثانى اكسيد الكربون و درجه الحراره العاليه بتكسف بخار ميه على جدار الاجزاء الداخليه للموتور
اليله دى كلها بتكون حمض الكبريتيك
معلش طيب امال ليه بيقولو العربيه تسخن لحد ما الار بى ام ينزل تحت الواحد؟؟؟
انا بتكلم على عربيه موديل 97
مشكورين على المعلومات
المفروض ان الار بى ام على 8 وممكن يوصل ل 9 او 10 فى الشتاء وسرعان مايعود الى طبيعته 8