أنا كده فهمت إن معندكش أى دليل على تصورك للحياة والموت سوى فهمك للحياة وقراءتك لبعض كاتبى الوجودية
أنا مش هكلمك بمراجع دينية ، هكلمك بأسئلة سألتها لنفسى ولقيت إجابات
لو حد قال لى إن العربية اللى انا بركبها جت صدفة هقول عليه عبيط ،ولو قال لى دى تطور من العجلة هقول عليه بيفكر بس كان فيه مخترع للعجلة .. العجلة معملتش نفسها ولا اتعملت صدفة وكذلك العربية لا اتعملت صدفة ولا غلطة
حد يقول لك الكمبيوتر اللى بتكتب منه ده ليس له صانع هو جه من تطور من الطبيعة قول عليه برضه عبيط
الإنسان فيه أعضاء وأجهزة ونظم على مستوى متقن يفوق التصور ولا يقال عنه أقل من مذهل
مجرد تكون الأفكار فى مخك وانتقالها للكى بورد دا معجزة
مجرد تكوين عضلات أصابعك ومفاصلها وإحساس أناملك معجزة
مجرد رؤيتك للكلام اللى أنا كتبته ده بعينك وفهمك ليه دا معجزة
عايزنى أقتنع إن الكمبيوترالتعبان ده ليه صانع وأنا لأ!
لأ دنا مخلوق واللى خلقنى دا مبدع
طب أعرفه إزاى؟ وأوصل له إزاى؟
هو عرفنا بنفسه...
من معجزاته ومن نفسنا عرفنا بفطرتنا إن فيه خالق
ومن رسله عرفنا طريقه
الرسل حقيقة مؤكدة زى ما البعض بيعتبر كتابات دارون حقيقة
الرسل جاءوا بأدلة على صدقهم
والناس صدقتهم بعد ما كذبوهم كتير
الرسل معاهم خريطة الطريق.. إزاى نتعرف ونقرب من اللى خلقنا ..
وعرفنا منهم يعنى إيه الواحد يؤمن بالخالق
وعرفنا منهم الرحلة بعد الموت
والحساب والثواب والعقاب
الرسل ممكن أى واحد يعرف رسالاتهم ويعرف أى الطرق هى أقرب للصواب
وأتمنى إنك تبدأ الرحلة
المفضلات