اشتريت نيسان صني النهاردة من سمير ريان

**mohamedfadel** · 21-05-2010 12:01 AM

الحمد لله رب العالمين بعد مقارنات كتير و تردد و كنت ح اجيب مستعمل ربنا اكرمني ورزقني بنيسان صني اشترتها من عند سمير ريان اوتوماتيك مع abs

بس في حاجة مش فاهمها في زرار في الفتيس الاوفر دريف لما ادوس عليها بينور off في عدادات السيارة المفروض انه ينور او افصله انه لا ينور لاني لم الاحظ اي فرق سواء مشغله ام لا

سؤال كمان هو في صيانة ال 1000 ام انتظر و اعمل صيانة ال 5000 علي طول

لسه لم ارخص العربية قالي ان شاء الله الورق يوم الاحد الصبح و ح يرسل شخص معي لترخيص العربية

العفشة طلعت كويسة انا كنت متوقع ان العفشة سيئة

يعني في رأيي ان العفشة احسن من الماتريكس بمراحل

شكرا للمنتدي الجميل و لكل القائمين عليه

**hanyaly** · 21-05-2010 12:10 AM

مبروك عى السياره وربنا يديك خيرها ويكفيك شرها
الزرار اللى فى الفتيس ده علشان لو بتعمل مناوره سريعه على الطريق بكون تسارع السياره افضل بس ممكن الاستغناء عنه بعمل kick down اما صيانه الالف فهى مجانيه ولابد من عملها حتى يتم تغيير الزيت والكشف على السياره ولو ظهرت معاك اى مشكله بتقول عليها فى صيانه 1000 كيلو

**Ahmed.TV** · 21-05-2010 12:55 AM

الف مبروك , النيسان صنى عربية محترمة جدا وتوكيل محترم , وربنا يكفيك شرها ويعطيك خيرها ,ومبروك انضمامك لاسرة نيسان

**mohamedhamam** · 21-05-2010 11:59 AM

ألف مبروك إختيار موفق ربنا يديك خيرها و يكفيك شرها

**د.محمود صلاح** · 21-05-2010 01:39 PM

الف مبروك .. زر الأوفر درايف بيخلي العربية تثبت على التالت ( ولو كانت على الرابع تسقط نقله ) عشان تديلك عزم الثالث على راحتك

**م.محمد علاء** · 21-05-2010 02:51 PM

مبروك عليك يا فندم العربيه...وأهلا بيك عضو معانا فى أسرة نيسان..
الأوفر درايف..
ده خلاصة الكلام فيه يا باشا..

هو مش بيجيب ترس خامس، هو بيجيب ترس رابع،

الأفور درايف وظيفته انه يسمح او يمنع العربية بالانتقال للرابع، والطبيعى انه يكون شغال (يعنى تكون اللمبة الخاصة به فى التابلوه مطفية)، ومتطفيهوش غير لما تكون محتاج لعزم عالى على سرعة متوسطة ، يعنى الطبيعى انك تكون ماشى بيه واللمبة مطفية علشان تسمح للعربية انها تروح اول وتانى وتالت ورابع براحتها، ومتنورش اللمبة غير لما تكون عايز تحبس الفتيس بين الأول وتانى والتالت فقط

اللمبة صريحة جدا، مكتوب عليهاo/d off يعنى هى بتنور علشان تقول لك ان الأوفردرايف مقفول، كلمة اوفردرايف اصلا معناها النقلةالعالية، اللى هى فى حالتنا الرابع، فاللمبة بتقول لك ان كدة وانا منورة النقلة العالية مقفولة، يعنى طول ما انا منورة العربية متجيبش رابع،
هو للأسف ان الطريقة دىفى التحكم عملت حالة من اللخبطة لألاف الناس بعكس الطريقة الأخرى التى تتتمثل فى وجود حارة للتالت، يعنى انا عندى فىالكورولا فيه حارة اسمها 3 زيها زى d و 2و 1 ووظيفتها تمنع الرابع، بس مع كدة عمر ما حد سأل عن وظيفتها مع انها بتؤدى نفس الوظيفة بالظبط، بس واضح ان الأسلوب ده اقرب للفهم

موضوع الأوفر درايف ده خد من المنتدى حوارات كتييييييييييير و البشمهندس سبعاوى تفضل مشكورا ووضحه
اللى اتقال واللى هو صح مش عشان هو كلامى بس كلام كتالوج العربيه هو:
الأوفر درايف شغال=الزرار مضغوط للداخل=اللمبه مطفيه فى التابلوه=عدد لفات موتور قليل عند السير
الأوفر درايف مطفى=الزرار الى الخارج=اللمبه فى التابلوه منوره=عزم شديد وعدد لفات كتير عند السير بنفس السرعه
بالبلدى انا وانا ماشى على 160 و الأوفر درايف شغال لفات الموتور على 4
وانا ماشى على 160 الأوفر درايف مطفى لفات الموتور على 6 أو ممكن سبعه كمان

والطبيعى للعربيه والاوفر فى البنزين واللى المفروض تكون ماشى عليه على طول هو :
ان الاوفردرايف شغال...يعنى مش منور حاجه فى التابلوه