ههههههههههههههه, والله كلام جميل جدا, بس
مش بس البنت اللى المفروض تعمل كدا لا الولد كمان لازم يعمل كده مش تبقى البنت قاعده مع تنين بياكل و اى حد بيروح مطاعم محترمه لازم يكون عارف كل الحاجات دى علشان ميحرجش نفسه و كمان هى مش فن يعنى و على فكره سهل قوى ان اى حد يعمل كده و بجد شرب الشوربه بصوت دا مستفز و انا بيبقى هاين عليا اللى بيعمل كدا, غير كدا لازم الناس تعرف شويه حاجات تانى ذى
1- لما تقعد فمطعم و قمت مثلا تشوف البوفيه, لازم تفك الفوطه و تحطها على الطرابيزه و متسبهاش متطبقه زى ما هى علشان الناس تعرف ان الطرابيزه دى محجوزه
2- بالنسبه للعيش مش لازم نقطعوا بالسكينه, باليد لقمه لقمه
3- البطاطس البوم فريت, ممكن تتاكل باليد عادى جدا ( الشوكه الطف طبعا )
4- الفراخ باليد عادى (بس طبعا الأفضل الشوكه و السكينه) ( او بلاش فراخ او بانيه و خلاص و العاديه فالبيت )
5- طبعا الشوكه شمال و السكينه يمين, ممكن تقطع بالسكينه و بعد كده تنقل الشوكه فاليمين و تاكل باليمين
6- لو شوكه او سكينه او معلقه وقطعت على الأرض يبقى لازم تتغير, تك و المتر هيجى تقله غيرلى الشوكه او ....
7- علشان متعقدش مستنى حد يشيل الطبق من قدامك (خصوصا لو الطبق لسه فيه اكل) يبقى لازم تقفل الطبق بتاعك بأنك تحط الشوكه و السكينه فنصف الطبق بالطول و طبعا الشوكه شمال و السكينه يمين
8- لما تخلص اكل خالص, تمسك الفوطه و تمسح براحه كانها قطنه مش فوطه وش فالحمام
9- البطيخ, بيتاكل بالشوكه و اللب فايدك الشمال او بالشوكه ( المفروض بضهر الشوكه), جرب النعناع الأخضر مع البطيخ بجد مالهوش حل
10- طبعا لما تكون مع خطيبتك (او مراتك, بيحصل احيانا) غير لما تكون مع الشباب لازم الصوت يكون واطى و تركز معاها هى فقط
11- بالنسبه للى بيقول انه عايز البنت تكون على طبيعتها, دا كلام سليم بي خلى بالك بعد فتره انت هتبقى مضايق و ممكن متروحش معاها فأى حته تانى و ممكن تحس بالأحراج كمان (طبعا نفس الكلام بالنسبه للبنت ممكن تبقى محرجه من الولد اللى بيعمل كدا) لازم الناس تعرف ايه يتعمل فين
كفايه كدا, مش فاكر حاجه تانى
"دى خبرة سنين فى مطاعم و فنادق كتير, و بجد الحاجات البسيطه دى بتفرق قوى مع الناس و بيحكوموا على الشخص من خلال اللى بيشفوه و بجد هتلاقى ناس بتتريق على اللى بيعملوا كدا و يقولوا اتيكيت و بتاع ( زى ما تكون شتيمه ) سيبك منهم و من التفاهه دى لان اللى اعرفه ان قواعد الأتيكيت متاخده من الأسلام