seat leon or jeta or fantazya or bmw

**ghazy12** · 23-05-2010 08:47 PM

المشاركة الأصلية كتبت بواسطة yoko

لو عندك أي سؤال عن اللينيا أنا موجود مع إن غازي باشا مسبلش حاجة ولو ناويت على اللينيا ممكن نشوفلك حل

و جالك يوكو باشا بنفسه.. صاحب اللينيا اللي انا جربتها اصلا, و هيتصرفلك في واحده كمان :))

يا ريت يا احمد تدعم الراجل الطيب ده بالكماليات, و الاساسيات, علشان انت عارف اخوك
مش هيبقى حافظ اللينيا زيك طبعا... (( أهل فيــات ادرى بشعـابها ))...

**yoko** · 23-05-2010 09:00 PM

ولا يهمك يا باشا وأنا متابع الموضوع ده من الأول وأي سؤال أنا تحت أمركو

**yoko** · 23-05-2010 09:56 PM

المشاركة الأصلية كتبت بواسطة medoakef

اوك يا مان الف شكر علي المتابعه
و ياريت تقول لي اي مان ايه العيوب الي شفتها في العربيه و يايت بعض اسعار قطع الغيار زي تيل الفرامل و السيور؟
و هل العربيه بتسخمن معاك في الحر زي ما في ناس بتقول او الحر بيأثر علي اداء المحرك او التكييف بيقا ضعيف؟

و رائيكم يا جماعه في موضوع الريسنج ناس كتير تقول ان العرف تربو مع تربو و استوك مع استوك يعني لو اشتريت لينا همشي اتخانق مع دبان وشي لان كل واحد هيعمل لي التربو حجه!!!!

أولا شوف الموضوع ده وفيه كمان أسعار قطع الغيار
http://www.nilemotors.net/Nile/146407-a.html
العربيه كنزة شويه من ورا يعني متخدش تلاته ملينين مستريح هيبقوا مزنوقين شويه والفرش بيج فاتح ولازم هتعملة فرش تفصيل غير كده مفيش شئ يذكر
أسعار قطع الغيار حاجات غالية وحاجات ﻷ
العربيه حرقت عليها في الحر لمسافة ٥٠ كم كلهم حرق ومسخنتش مع إني كنت مولع التكيف
التكيف معقول بس زي بقيت الأوروبي مش تلاجه
الحر بيأثر على أداء المحرك شويه لو الحرارة فوق ال٤٠ غير كده ﻷ
أما الشد تربو مع تربو والكلام ده لو نفس السعة لكن إنتا ١٤٠٠ مش ١٦٠٠ وإنت ١٢٠ حصان زي بقيت العربيات
بس أحب أطمنك العربيه بتجيب ال١٨٠ وهي مليانه على أخرها ٥ أشخاص وشنطتين في الشنطة!!!!
أما الشد فمش هقولك غير إني بسخن الجولف والa3 و ال٣١٨ وال٣٢٠ عشان أبهدلهم على الطريق!!! ال٣٢٠ الوحيد الي هيسد معاك لو إبتديتوا جري بعد ال١٦٠ لكن قبل كده هتفرق منه جامد

**yoko** · 23-05-2010 10:47 PM

المشاركة الأصلية كتبت بواسطة medoakef

تمام يا مان كل حاجه تمام لكن بردو انا تربو و ده مش تربو و السعه اللتريه الاكبر مش بتغني عن الحته دي
و كدا تمام اوي و انا مش طالب اكثر من اني اسد مع عربيه ثمنها اعلي مني اضعاف و اعد معاها ل160 كمان

اوك يا مان ربنا يسهل لكن موضوع التربو رعبني لسه الحقيقه و انا هحاول اسال كتير عنه و هحاول اروح اوماترا اتفرج عليها ان شاء الله

اه نسيت يا مان معلشي هو فعلا لازم 95 او لو حطيت 92 بيقلل الاداء بشكل ملحوظ؟

أنا مبحطش غير ٩٢

لكن بعد صيانه ال١٠ ألاف ال٩٥ لقيت بيوفر حوالي ٢٠٪ في حاله الشد بس سعر ال٩٥ أغلى ٥٠٪ فمستحرم بصراحة مبحطوش غير وأنا مسافر ولو حطيت ٩٥ هتعلم على ال٣٢٠ فوق ال١٦٠ مستريح وهتكسر ال٢٠٠ وإنت محمل العربيه (عن تجربة)

**yoko** · 23-05-2010 11:05 PM

ﻷ ولا يهمك يا باشا

**EgyptianTune** · 26-05-2010 05:46 PM

المشاركة الأصلية كتبت بواسطة ghazy12

طيب لييييه و ازاااااااي..؟؟؟؟؟؟؟ ليه و ازاي البرافو افضل من كل النواحي..؟؟

بس قبل ما تقوللي وجهة نظرك... انت سوقت البرافو الأول...؟؟؟

أنا بأحترم آرائك جدا لأنك فاهم بس مش متفق معاك فى كذا نقطة .

أيوه أنا كان عندى برافو وسوقتها شهرين وبعتها لأخويا الصغير شان كان معجب بيها وعايزنى أكرمة فى تمنها قلت مش مشكلة نخسر له 15% من ثمنها .

وهاعلق على كلامك اللى كتبتة فى المشاركات التالية :

أولاً : خامات وأوبشنز وشكل البرافو أعلى بكتير من أى عربية فى فئتها .
ثانياً : الأداء والقوة أعلى بكتير من أى عربية فى فئتها .
ثالثاً : فتيس البرافو مش أتوماتيك عادى ولكن سيمى أتوماتيك Dual Logic وفية Clutch ووحدة كمبيوتر منفصلة وليه سواقة خاصة بيه (طريقة دوسك على دواسة البنزين بتحدد للكمبيوتر إنت عايز تعمل إيه والنتشة اللى بين النقلات سببها الكبس على دواسة البنزين للأخر لكن لو ماشى عادى مش هاتنتش منك ومش هاتحس بالنقلة خالص ، والحدفة بتاعت العربية من الخلف ممكن لأن العربية عالية من الخلف جداً وممكن تحس بيها بس على سرعات فوق ال 170 وديه بتختلف من درجة تمكن اللى بيسوق من أسلوبه فى الغرز اللى بياخدها ، ولو الحدفة ديه مدايقة حد حلها بسيط جداً Sports Coil Overs أو على الأقل Sports Springs to be installed to the original Shock Absorbers

مشاهدة نتائج الإستطلاع: LEON OR JETA OR FANTAZYA

الموضوع: seat leon or jeta or fantazya or bmw

LinkBack

أدوات الموضوع

عرض

-

-

-

-

-

المواضيع المتشابهه

Seat Leon

new seat leon 2012

Seat Leon Cupra R: it’s here

seat leon 2010

الكلمات الدلالية لهذا الموضوع

المفضلات

المفضلات

ضوابط المشاركة