شكرا ليك .. و ده واجبنا و فرض علينا اننا ننصح بكل امانة
اولا العربية زى ما قولت مش طلعتها و جبت بيها كام و الكلام ده .. ثانيا الاوكتافيا معروفة انها جعانة جرى يعنى سعرانة .. و ثبات غير عادى .. و انا مش باقول ان الرينو بطيئة (راجع اللى قولته على السينيك) .. انما انت عجباك الرينو و راكبها .. بس لو واحد لسه حايشتريها اول مرة من واجبنا اننا نقوله راينا بصراحة .. يعنى انت بتتكلم من وجهة نظرك اللى هى مواصفات موتور و شد و تجميع .. و انا بتكلم من وجهة نظر واحد شارى عربية و حايقعدها معاه و ممكن يحب يبيعها فى اى وقت يعنى من جميع النواحى .. انت مشكور اجتهدت و قولت رايك .. و انا اجتهدت و قولت رايئ .. و الاخ صاحب الموضوع يوزن الكلام و يحدد .. انا ماليش مصلحة انه يشترى اوكتافيا او اى ماركة تانية .. و حضرتك ماليكش مصلحة انه يشترى رينو .. و مافيش ضرر حايقع عليك لو ما اشتراش رينو .. هى اراء و خبرات .. انا يمكن ما اشتريتش رينو قبل كده بس بقالى 22 سنة باركب عربيات و اشتغلت فيهم فترة .. علشان كده باتكلم و بابص للعربية بنظرة اعم من تجميع و كماليات و الحاجات دى .. فى حاجات الواحد بيبصلها كانها check list .. لما عربية بتكون قدامه .. و بيقيمها مبدئيا .. و لو التقييم فى صالح العربية يعنى عدت الاختبار المبدئى بيبدا يبص على الحاجات التانية .. حتى الصناع قالوا عليها كماليات (يعنى مش اساسيات) .. يعنى اعتمادية الموتور مثلا و عمره الافتراضى اهم 1000 مرة من تجميعه و الهورس باور بتاعة .. ثبات العربية على الطريق و احتمالها لظروف التشغيل المختلفة اهم 1000 مرة من نعوميتها فى المطبات .. الاير باج و البارات الحديد و تصفيح الكابينة .. اهم الف مرة من وسع الصالون و الساوند سيستم و شوية الليدات و الالوان اللى موجوده فى بعض العربيات اللى بتنزل .. انا مش بعارض حضرتك .. و سبق و قولت لك انا معجب بالميجان و كلمتك على اعجابى بالسينيك .. بس زى ما قولت لك .. حضرتك ممكن تكون صح فى نواحى معينة انما انا شايف انى صح لو حا نتكلم فى العربية من جميع النواحى .. عموما عايز اسجل اعجابى بالنقاش معاك .. و زى ماقولت لك ان لا انت و لا انا لينا مصلحة شخصية او ضرر لو الاخ صاحب الموضوع اشترى ميجان او حتى جيلى
ازيك يا سيدى العزيز معلش و اعذرنى لما سوف اقولة ولا تأجذة بمحمل شخصى لان دى اول مشاركة بينى و بينك بص للتوضيح اولا انا لاحظت ان الموضوعات لا تقرأ بتانى و يكون الرد سريع جدا لو حضرتك قرأت ما كتبتة انا من البداية زميل اخر فى المندى كان بيرد على مشاركاتى فى الموضوع مش عارف هو بقرأها كويس ولا بيرد عليا و بس كتبت ان الرفارف فيبر فرجع يقول لى ان الرفارف فيبر و بعدين قلت ان العربية بها سينسور كتير للنور و المساحات فرد يقول انا مسمعتش ان حد اشتكى من السينسور انا و الله مش عارف هل كلامى مش واضح ولا الناس مش فاهمة قصدى و بترد للمشاركة و بس و اخيرا حضرتك كاتب ان انا معى 127 و شاهين لو حضرتك قرأت بياناتى الواضحة حتلاقى مكتوب 127 و تمبرا و صورة التوقيع تمبرا مش هو دة المهم ما اقصدة ان الناس بتكون متعجلة للمشاركو و كتلبة الرد قبل ما تستوعب المغزى الحقيقى و عموما بس للعلم التمبرا اللى معاي نسخة خاصة شوية يعنى بها سينسورز لكل حاجة و فرامل abs و ايرباج و فتحة سقف و حساسات على السيور و الشكمان و الزيت يعنى مش عربية من السبعينات ولما قلت ان الوبشنز الزيادة ساعات بتكون نقمة و ليست نعمة و عموما محصلش حاجة و اختلاف وجهات النظلر لا يفسد للود قضية
ياباشا مافيش مصالح لا ليا ولا ليك والخلاف في الرأي لا يفسد للود قضيه زي ما بيقولوا احنا بنقول وجهة نظرنا حضرتك من الي سعمته او قابلته من مواقف للرينو عموماً وانا من تجربتي الشخصية للميجان وبرده تجربة غيري
بس احب انصح الاستاذ الي عاوز يشتري العربية انه مايسمعش كلام أي حد غير اللي مجربنها وبرده يسأل كذا شخص ويجمع الآراء وبعدين يقرر هو محتاج ايه لان الاشاعت عن العربيه دي خلتني اتأخرت سنة في شرائها وكل شيء في الدنيا وله مقابل المهم تقدر تستفاد باكبر استفادة باقل تكلفة ممكنه وكل قصدنا نفيد ونستفيد مع بعض وانا سعيد بالنقاش مع حضرتك وكلنا هنا اخوات واشكرك على المناقشة المثمرة
الاستاذ elsarrawy اشكر لك سعة صدرك و يا جماعة احنا مش بنقول اهلى و زمالك احنا بنستفيد من الكلام مع بعض و مفيش مشاكل خالص و يا رب تشترى الميجان دى http://i50.tinypic.com/vd3e43.jpg
حضرتك الاستاذ شاركي من اعمدة المنتدى وقسم رينو بالذات وهو من الناس اللي حببتني في العربيه اثناء البحث عنها وهو لما حضرتك قوت بلاستك او فيبر حب يوضح لحضرتك ان في فرق كبير بينهم ولما حضرتك اشرت إلى الحساسات الي في العربية زي النور والمساحات كان بيوضح لحضرتك ان دا عمره ما كان عيب في العربيه ولا يأثر على أداءها وخاصة ان ماحدش اشتكى منها قبل كده
بالنسبة لموضوع الشاهين فعلاً انا بعتذرك لاني لما كنت بكتب المشاركة كانت الصورة الى في دماغي انها شاهين لكن زي ما حضرتك قولت مش هو دا محور المناقشة وعلى فكره لو حضرتك قرأت المشاركة كويس هاتعرف اني ماقولش على التمبرا (الشاهين زي ما انا قولت بالخطأ) انها موديل السبعينات انا كان كلامي في النقطة دي مخصص لل 127 وانا برده معاك ان ساعات الاوبشنز ساعات بتكون نقمة وليست نعمه وده للي مش بيهتم بعربيته ولكن ساعة الخطر بتحمد ربنا عليها وهو دا ميزة التطور والتكنولجيا وإلا كان زمنا بنستخدم البريد بدل الايميل وكان زمانا ماتعرفناش على بعض واتكلمنا هنا عن طريق النت والكمبيوتر ودايماً التكنولوجا الجديدة بتكون مكلفة وخاصة في بلد زي بلدنا كل الناس بتستسهل وتقول اللي نعرفه احسن من اللي مانعرفوش
وانا بشكرك على مشاركتك وانا فاهم طبعاً ان الموضوع مش شخصي ابداً لا ليا ولا لحضرتك ولأي شخص آخر وبرده انا فاهم ان الموضوع الغرض منه افادة صاحب الموضوع ورأي حضرتك في جميع الاحوال يجب يحترم حتى لو في اختلاف مننا عليه
الله ينور عليك
و الحمد لله ان كلامى واضح و فيه ناس بتفهمه
مش الكلام الغريب اللى من عينة انك تخبط على الموتور العربية تشتغل !!!
استاذ هشام كلام حضرتك واضح
يعنى لما اقول لحضرتك انهم فيبر يبقى بصحح معلومة حضرتكاقتباس:
على فكرة الرفارف بلاستيك مش صاج فيبر بمعنى ادق
حضرتك بتقوا ان المشكلة فى الصيانة لإن فيه سينسور للمساحات و الفوانيس و حاجات اخرى !!!اقتباس:
بس المشكلة فى الصيانة عندك سينسور للمساحات و الفوانيس و حاجات كتير قوى
لا تعليق
عموما حصل خير
إنتوا أفورتو قوي قوي قوي!!!!
يا باشا الموضوع مش مأفور بس انت ساعات تحس ان هناك تحفز فى بعض الردود لا اكثر و لا أقل و انا لا احب ان أهاجم الطرف الاخر الا فى حالات الدفاع الشرعى بأسلوب منمق دون ان أسفة رأى الاخرين حتى لو كان خطأ و الدليل انا رفعت صورة عربية ميجان للزميل زى أسارة للسلام و تهدئة الاجواء المتوترة ليس الا و الموضوع مش مستاهل وعلى فكرة انت انسان ذكى ذو طابع اجتماعى جيد و العملية بسيطة بس انا انتابنى احساس ان الاستاذ sharky لما قرأ الموضوع و اشار لة الزميل انة من أعمدة المنتدى قى مجال الرينو من الجائز و ليس من المؤكد ان فى مثل هذة الحالة سيشعر الشخص الموجه الية هذا الكلام بنوع من النشوة و بالتالى سيرد زيادة لاثبات وجهت نظرة و كل الكلام دة ممكن الا يكون الزميل احس بة او خطر على ذهنة و يكون وسوسة شيطان ليس الا و الموضوع بسيط مش نزاع على حاجة
أقسم بالله انى لم اشعر بأى نشوة من كلام زميلى فى المنتدى و كل اللى حصل انى لسه داخل المنتدى من شويه من الصبح و لما قرأت مشاركتك كنت ناوى ارد لكن لما قرات كلام الزميل فهمت انى كلامى اتفهم للبعض ليس أكثر من ذلك
و للعلم انا لست من اعمدة قسم رينو كما قال زميلى
لإنه يوجد العديد من الأعضاء من هم افضل منى فى قسم رينو و تعلمت منهم الكثير
و على العموم حصل خير
و فى الاخر لن يستفيد اى من الأعضاء سواء اشترى السائل رينو او غيرها من السيارات
و احنا هنا فى المنتدى هدفنا منذ بداية المنتدى ايصال المعلومة الصحيحة للسائل حتى تساعده على اتخاذ قراره
يا باشا حصل خير الحياة و الدنيا ابسط من ذلك مفيش مشكلة و خلى الراجل بقى يشترى العربية الى هوة عايزها و طمنة و لا مشاكل على الاطلاق صافى يا لبن حليب يا ......... كمل انت الكلمة الناقصة و عقبال العربية الكوبية دى http://i46.tinypic.com/rswn7r.jpg
يا عينى على صاحب الموضوع انا لو مكانو وكنت حيران شوية هبقى ناو حيراان كتيييييييييييييييير
مع انى مش راكب رينوا بس انا شايف ان الكلام كلوا بيصب فى ناحية واحدة
الرينو عربية جميلة بس محتاج يتصرف عليها شوية لو صرفت عليها و اد مصاريفها هتستمتع بيها وتعيش معاك
لكن لو العملية معاك على ادها و عاوز عربية موش تعورك فى صيانتها يبقى فكر فى حاجة تانية
ونصيحتى ليك هات زيرو وشوف معرض تدفع اللى معاك ويقسطلك على سنة الباقى من غير فوايد وريح دماغك واهو اللى هتصرفوا عليها علشان تظبتها ادفعهم قسط صحيح هتدفع اكتر شوية بس اهو حاجة تنساها 3 او 4 سنين
يا قشطة :)
على فكرة يا جماعة.... موضوع تقييم العربية ده عملية نسبية
محدش مننا ينكر إن الميجان صيانتها مكلفة و للأسف مع الغالبية أعطالها كتير...
و أنا بقول الكلام ده بما يرضي الله ..أي نعم أنا مش من ملاكها بس ده معناه إن أنا ماتعاملتش مع ميجان واحدة أنا إتعاملت مع حوالي -على الأقل- 6 عربيات ميجان.... لأ مش في حياتي.. في اليوم من أيام الأجازة
قليل لما بشوف عميل مبسوط من العربية
أنا عن نفسي حبيت العربية لما إتعاملت معاها كواحد كان ممكن يشتريها... بس نظراً لأني باخد مصروفي من أهلى و معنديش وقت لأعطالها المفاجأة فجبت عربية كوري محدش إشتكى منها
لو سمحتم محدش يتهمني بمهاجمة العربية.... أنا بقول رأيي الشخصي ..... و الله أعلم
في رعاية الله
ايوة كدة دة العشم فى كل الرجالة الحلوة الى على المنتدى العربية و الله العظيم حلوة جدا بس المشكلة ان اى حاجة لازم تروح لمركز صيانة محتم علشان ميخربهاش وانا فكرت انى لو بعت التمبرا عاوز حاجة برضو بفتحة سقف بس خفت من العربية لانى كنت بشوف معاة اسعار الصيانة و قلت لا الى تعرفة احسن من الى ما تعرفوش و سعيد بالتواصل معك وعلى رأى المثل و لكنة لا ينطبق فى الحالة دى ما محبة الا بعد ........... مش عاوز اقولها لان ملهاش معنى و اشوفك على خير بأذن الله فى مشاركة اخرى
حصل خير
و اهلا بيك فى المنتدى معانا
و اشوفك فى حوارات اخرى
هو الموضوع كان بيتكلم عن ايه اصلا ؟؟
.
يا جماعة إسمحولى أقول رأى بحيادية تامة مش علشان معايا ميجان....
الميجان أول ما نزلت كانت فى حدود 170000 و بعدين بقت أعلى فئة ب158000 و أقل فئة مانيوال ب118000.
لما تشترى عربية فى المتوسط ب130000 ألف بيبقى فى مستوى معين متوقع تصرف فيه على العربية و متوقع تكلفة قطع غيارها لأنك أصلا شارى غالى.
المشكلة بأه لما تشترى ميجان مستعمل ب55000 ألف مثلا...إزاى أقولك إن العربية عايزه صيانة دورية ب2500 جنيه (صيانة ال60000) طبعا كنسبة و تناسب بالنسبة للمالك الأصلى اللى إشترى ب 130000 مقبولة بعد ال60000 لكن بالنسبة للمالك التانى اللى إشترى ب55000 و يدوبك لسه هيستمتع بالعربية و دفع فيها كل اللى معاه...ده يمثل حوالى 5% من اللى دفعه طبعا كتير جدا....
علشان كده يا جماعة العربية الميجان عربية روعة بس ليها مصروف خاص يجب أن تكون جاهز له علشان تستمع بيها و تبقى دايما فورة معاك.....غير عربيات تانية كل اللى إنت محتاجة غيار زيت و بوجيهات و السلام...لا توكيل و لا غيره.....
لكن عليك تعرف إنت عايز إيه...فخامة و ركوبه و أمان و ووو...و مصروف خاص و لا عربية بتوصل من النقطة a إلى النقطة b و كل اللى عليك تعمله بس إنك تغير الزيت و البوجيهات لو حبيت.....الإختيار ليك.
طبعا المقارنة اللى أنا عاملها دى مبنية على العربيات اللى عندى ميجان و ماتريكس مع إحترامى لجميع العربيات...لازم الواحد يعرف هو عايز إيه من العربية.
يعنى هقول مثل بلدى شوية... فيه مطعمين للكباب و الإتنين بيقدمولك كباب لذيذ جدا....مطعم منهم الأجواء فيه راقية و الجو رائع و السهر معه لذيذ و لا تمل من الجلوس فيه أبدا و المطعم التانى بيقدم كباب جيد و بس...طبعا هتدفع فى المطعم الأول أضعاف التانى لكنك داخل المطعم و فاهم إنك مش بس بتاكل...لأ إنت بتستمتع بالأكل و الجو و الصحبة...و طبعا مستعد تدفع تمن ده كله مش بس بتفكر فى تمن الكباب.
أسف على التشبيه لكن أتمنى أكون قدرت أوصل الفكرة و بالتوفيق للشخص اللى عايز يشترى.
كل شيء وارد في أي عربية :-
مفاجأة من العيار التقيل في الاوبترا بعد 27000 كم
انا استنيت شوية على المشاركه بتاعتي لغاية ما الأجواء تهدي شوية و الحمد لله كلة بقي تمام و حبايب كما هو متوقع من ناس فاهمه و راقيه
المهم بقا : لو هشتري ميجان مستعملة يهمني ان ارتب اولويات البحث يا ريت تسعدوني يا رجال
كل و احد يرتب النقطات القادمه بدأ بالأهم [ عدد كيلو مترات اقل - سنه الموديل - الأوبشنز - من اول مشتري ولا لأ - الصيانات الدورية - ...] في حاجه تاني انا مفكرتش فيها ؟؟
برجاء الرد سريعاً
يا جماعه اولا شكرا ليكوا جميعا العربيه ماشاء الله جميله و صاحبها جايبها اول واحد و عمل 80000 كم موديل 2006 بانوراما و فابريكه بالكامل بس لونها احمر و ده مرخمها شويه عشان انا معايا نبيتي
انا قاعد بفاصل مع صاحبها عشان اخدها ب 66000 و هو قافش في 67000 جنيه و مش عايز ينزل حاجه خالص مع ان الرفرف الي قدام فيه قطعه و عايز يتعمل هو المفروض يتغير كده ولا يتصلح و يترش ؟
و هو موافق علي الرفع في التوكيل للكشف الشامل
انا قريت حد كاتب ميجان ب 55000 دي اكيد موديل قديم بقي عن ده ولا ايه ؟
هو السعر كده ايه نظاموا حلو ولا غالي انه قافش في 67000 جنيه مع اني سئئلت ميكانيكي رينوا بس قالي بتعمل من 65000 لغايط 75000 موديل 2006 البانوراما بس انا قلت اكيد بيقولي كده عشان اما تقع قدامه حاجه يبعها بالغالي انتوا اكيد فاهمين الصنايعيه
[quote=gazzar91;3872689156]محدش مننا ينكر إن الميجان صيانتها مكلفة و للأسف مع الغالبية أعطالها كتير... /quote]
أسمح أختلف معاك الأعطال مش كتير الموضوع أنك لو مهتم بيها وبتعمل صيانها ( مش فى التوكيل بس ) لا لو بتشترى قطع الغيار من بره الأصلى ( وديه نص تمنها فى التوكيل والى بتقرب من تمن قطع الغيار النظيفة فى عربيات تانية ) ويتركبها عند ناس فهما مش هيحصل مشكلة
quote ]
قليل لما بشوف عميل مبسوط من العربية
[/quote]
طب ما القسم هنا الناس هنا فوق 40 واحد معاهم ميجان وكلهم مبسطين ( حتى الى بيظهر عنده أعطال )
يا أستاذ شاركي ألف شكر لحضرتك ورد حضرتك دا شرف ليا
على فكره لو حضرتك قرأت مشاركات أستاذ شاركي في المنتدى هاتعرف صحة كلامي مش بس هو في ناس تانية زي الأستاذ احمد عبد المقصود والعقيد خالد والأستاذ ايمن مومو وناس تانية كتير جداً انا خايف انس اذكر حد منهم والله بس أنا أدين لهم بالفضل في معرفة حاجات كتير عن الميجان ودا مش رأي الشخصي فقط دي حقائق موثقة هنا في المنتدى وناس كتير تأيد كلامي ده
بالضبط كده ودا بالإضافة إلى الاستفادة وإفادة بعض
شوفت بقى أنت أتمنيت للأستاذ شاركي عربيه أحدث من العربية اللي اتمنتهالي عموماً هو يستحق
(أنا بهظر طبعا)
ياباشا لو بتفكر في الميجان هاتلاقينا كلنا جنبك وبنساعدك وماتقلقش خالص، وهنا في محبة فقط ومافيش عداوة ابداً بين الأخوات
]يا جماعة إسمحولى أقول رأى بحيادية تامة مش علشان معايا ميجان....
الميجان أول ما نزلت كانت فى حدود 170000 و بعدين بقت أعلى فئة ب158000 و أقل فئة مانيوال ب118000.
لما تشترى عربية فى المتوسط ب130000 ألف بيبقى فى مستوى معين متوقع تصرف فيه على العربية و متوقع تكلفة قطع غيارها لأنك أصلا شارى غالى.
المشكلة بأه لما تشترى ميجان مستعمل ب55000 ألف مثلا...إزاى أقولك إن العربية عايزه صيانة دورية ب2500 جنيه (صيانة ال60000) طبعا كنسبة و تناسب بالنسبة للمالك الأصلى اللى إشترى ب 130000 مقبولة بعد ال60000 لكن بالنسبة للمالك التانى اللى إشترى ب55000 و يدوبك لسه هيستمتع بالعربية و دفع فيها كل اللى معاه...ده يمثل حوالى 5% من اللى دفعه طبعا كتير جدا....
علشان كده يا جماعة العربية الميجان عربية روعة بس ليها مصروف خاص يجب أن تكون جاهز له علشان تستمع بيها و تبقى دايما فورة معاك.....غير عربيات تانية كل اللى إنت محتاجة غيار زيت و بوجيهات و السلام...لا توكيل و لا غيره.....
لكن عليك تعرف إنت عايز إيه...فخامة و ركوبه و أمان و ووو...و مصروف خاص و لا عربية بتوصل من النقطة a إلى النقطة b و كل اللى عليك تعمله بس إنك تغير الزيت و البوجيهات لو حبيت.....الإختيار ليك.
طبعا المقارنة اللى أنا عاملها دى مبنية على العربيات اللى عندى ميجان و ماتريكس مع إحترامى لجميع العربيات...لازم الواحد يعرف هو عايز إيه من العربية.
يعنى هقول مثل بلدى شوية... فيه مطعمين للكباب و الإتنين بيقدمولك كباب لذيذ جدا....مطعم منهم الأجواء فيه راقية و الجو رائع و السهر معه لذيذ و لا تمل من الجلوس فيه أبدا و المطعم التانى بيقدم كباب جيد و بس...طبعا هتدفع فى المطعم الأول أضعاف التانى لكنك داخل المطعم و فاهم إنك مش بس بتاكل...لأ إنت بتستمتع بالأكل و الجو و الصحبة...و طبعا مستعد تدفع تمن ده كله مش بس بتفكر فى تمن الكباب.
أسف على التشبيه لكن أتمنى أكون قدرت أوصل الفكرة و بالتوفيق للشخص اللى عايز يشترى.[/QUOTE]
بكده حضرتك قدرت تقول اللي أنا كنت عاوز اقوله بالضبط
وهوا دا الكلام إلى الغرض منه إن صاحب الموضوع يفهمه عند شراء الميجان
بالنسبة لموضوع الرفرف في حلين إما تروح لحد بتاع فيبر يصلحه وبعدين ترشه أو تغيره وتجيب واحد استيراد بحوالي500 جنيه بنفس اللون وحتى لو رشيته مش هايتكلف كتير ممكن تسأل العقيد خالد هايفيد اكتر في النقطة دي
اكيد حالتها مش كويسه أو متغير عدادها بواحد تاني كيلومتراته اقل ودا بيحصل في الميجان ومش بيبان غير لما تكشف عليها في التوكيل او مركز معتمد
وبعدين متتردتش كتير علشان لو العربية الحمراء اللي بتقول عليها كويسه وضاعت منك صعب انك تعوضها بسهولة خصوصاً إنها فل اوبشن
الحمد لله أنا مبسوط بيها وفي ناس كتير كمان كده
يا باشا محدش يقدر ينساك
النقط اللي حضرتك بتقولها مهمة كمان في حاجه تانية العربيه النضيفة بيبان عليها دا انت لو مشيت بيها شويه وشغلت التكييف هاتعرف العربيه حالتها عاملة أزاي كمان إن صاحبها بيعمل الصيانة في التوكيل في مواعيدها ومع ما يثبت ذلك يبقى كده حلوه أوي وفي الآخر كل واحد بياخد نصيبه
بس أهم حاجه زي ما أنا قولت قبل كده لازم اللي بيشتري يعرف ان ماحدش بيبيع عربية 10/10 فلازم تعمل حسابك في مصاريف مفاجأة بعد الشراء ودا في كل العربيات مش بس الميجان
على فكرة أنا مش ضد العربية بس أنا آسف أنا مازلت مقتنع إن مشاكلها كتير و صينتها مكلفة بس ركوبة محترمة و مريحة و جراية و فيها تكنولوجيا عالية و من أول العربيات في الفئة السعرية دي اللي نزلت ب VVT.
على فكرة أنا بتضايق لما ألاقي حد متعصب لعربيته قوي كدة و مش بتكلم على حضرتك أو حتى أصحاب الميجان... أصحاب الـ Forte برضه فيهم نفس الموضوع.....ز دي عربية..... بني آدم اللي عاملها.... إنما في ناس لما بقرأ مشاركاتهم بحس إن حد لا سمح الله مس عرضه ولا حاجة.... -بكرر تاني الكلام مش موجه لحد بالخصوص... دي أراء مش خناقة و كل واحد بينكلم عن تجربته و صاحب الموضوع يستخير ربنا و يقرر....
في رعاية الله
بص ياباشا العربيه مفيش بعديها بس لازم تتاكد انها عامله الصيانه فى التوكيل لحد كام كيلو لانها بتفرق وبعدين بالنسبه لصيانه التوكيل مهمه لحد ال100000كم لانهم بيغيرو بلوف الفتيس الاتوماتك وبعد كده قطع الغيار هتلقيها بنص الثمن بالنسبه للتوكيل وفى صنايعه التوكيل فاتحين فى صقر قريش وبيعملو اى حاجه وبالنسبه لسعرها والموديل هما بيقولوا انتاجا 2005 بيقولو عليه 2006 لو رخصتها 2006 سعرها كويس ولو 2005 بتعمل من 60000الى 64000 طبعا لحاله العربيه
انا ساكن في المعادي و هنزل عند المهندس طلعت في صقر قريش و اسئله علي الرفرف !
بس يا جماعه هو انتوا عندكوا صوت نحيت حزام الامان زي تزييق كده مع المطبات البسيطه يعني اما العربيه تتهز سنه بسيطه ؟ ده ضروري يا جماعه عشان الصوت ده خنقني و انا بجربها و كنت هقلهم عليه و انا برفعها في التوكيل بس لو مش بيروح تبقي مصيبه
أنا كان عندى الصوت ده قبل كده والتوكيل للعلم عملها ومارجعش الصوت تانى وماخدوش ولا مليم
وللعلم ليه ماتحطوش فى التقييم إن توكيل رينو أحسن توكيل فى مصر بلا منازع وده كلام لا يقبل النقاش
عندى سؤال مهم ؟ ممكن حد يقول لى صيانة ال 60000 كم فى الكورولا والسيفك بكام لإن دول اللى ممكن نقارنهم بالميجان لإنى للأسف أتخايلت بأحدالأعضاء وسط المناقشات جايب سيرة إلينترا وأتمنى أكون قريت غلط عشان ده يبقه تهريج لإن إلنترا أه وبتاع أه اللى تدخل قدام الميجان ولا تتقارن بيها
شكرا جدا طمتني والله انا شايف مكان اقامت حضرتك في المعادي يعني يكون كتر خيرك لو جيت تبص عليها و تقولي ايه رايك فيها بما انك راكب ميجان عشان تسمع الصوت و تقولي هو ده زي الي بتقول عليه راح من و عندك و التوكيل هيعالجوا ان شاء الله