اقتباس المشاركة الأصلية كتبت بواسطة Elsarrawy مشاهدة المشاركة
ماحدش جاب سيرة الاوكتافيا وماحدش قان إنها مش حلوة بس الميجان تتفوق على الاوكتافيا في الموتور لان موتور الميجان 110 حصان ودا بداية من 2007 وكان في موديل 2005، 2006 بيطلع 115 حصان ونظراً للمواصافات البيئية عدلوا الموتور وخلوه 110 حصان والفتيس 4 نقلات وبالنسبة لاوكتافيا الموتور MPI اللي موجود في الجيتا والجولف 5 ودا بيطلع 102 حصان لكن الفيتيس 6 نقلات وبالتالي طلعة الميجان أفضل من طلعة الاوكتافيا لكن الاوكتافيا أفضل في maximum speed وطبعاً عمر أطول للموتور رغم أن الميجان في ناس جابت بيها 215 أو 220 كم/س كمان
ومش معنى كلامي ده إن الاوكتافيا وحشه بالعكس الاوكتافيا عربيه جميله جداً وركوبه برده بس الراجل بيسأل عن الميجان ومش الاوكتافيا وخلي بالك بالنسبة لقطع الغيار الأوربي في العموم أغلى من الآسيوي لأنه أفضل منه ودا اللي أنا قولته قبل كده
اولا العربية زى ما قولت مش طلعتها و جبت بيها كام و الكلام ده .. ثانيا الاوكتافيا معروفة انها جعانة جرى يعنى سعرانة .. و ثبات غير عادى .. و انا مش باقول ان الرينو بطيئة (راجع اللى قولته على السينيك) .. انما انت عجباك الرينو و راكبها .. بس لو واحد لسه حايشتريها اول مرة من واجبنا اننا نقوله راينا بصراحة .. يعنى انت بتتكلم من وجهة نظرك اللى هى مواصفات موتور و شد و تجميع .. و انا بتكلم من وجهة نظر واحد شارى عربية و حايقعدها معاه و ممكن يحب يبيعها فى اى وقت يعنى من جميع النواحى .. انت مشكور اجتهدت و قولت رايك .. و انا اجتهدت و قولت رايئ .. و الاخ صاحب الموضوع يوزن الكلام و يحدد .. انا ماليش مصلحة انه يشترى اوكتافيا او اى ماركة تانية .. و حضرتك ماليكش مصلحة انه يشترى رينو .. و مافيش ضرر حايقع عليك لو ما اشتراش رينو .. هى اراء و خبرات .. انا يمكن ما اشتريتش رينو قبل كده بس بقالى 22 سنة باركب عربيات و اشتغلت فيهم فترة .. علشان كده باتكلم و بابص للعربية بنظرة اعم من تجميع و كماليات و الحاجات دى .. فى حاجات الواحد بيبصلها كانها check list .. لما عربية بتكون قدامه .. و بيقيمها مبدئيا .. و لو التقييم فى صالح العربية يعنى عدت الاختبار المبدئى بيبدا يبص على الحاجات التانية .. حتى الصناع قالوا عليها كماليات (يعنى مش اساسيات) .. يعنى اعتمادية الموتور مثلا و عمره الافتراضى اهم 1000 مرة من تجميعه و الهورس باور بتاعة .. ثبات العربية على الطريق و احتمالها لظروف التشغيل المختلفة اهم 1000 مرة من نعوميتها فى المطبات .. الاير باج و البارات الحديد و تصفيح الكابينة .. اهم الف مرة من وسع الصالون و الساوند سيستم و شوية الليدات و الالوان اللى موجوده فى بعض العربيات اللى بتنزل .. انا مش بعارض حضرتك .. و سبق و قولت لك انا معجب بالميجان و كلمتك على اعجابى بالسينيك .. بس زى ما قولت لك .. حضرتك ممكن تكون صح فى نواحى معينة انما انا شايف انى صح لو حا نتكلم فى العربية من جميع النواحى .. عموما عايز اسجل اعجابى بالنقاش معاك .. و زى ماقولت لك ان لا انت و لا انا لينا مصلحة شخصية او ضرر لو الاخ صاحب الموضوع اشترى ميجان او حتى جيلى